Rebirth of Chen An【Zaw + uni】

အခန်း(၁၅၀) မမျှော်လင့်ထားသောဆရာသစ်

'' ကျတော်တို့ဆရာချမ်းကရော?''

တစ်စုံတစ်ယောက်ကမဝံမရဲအသံသေးသေးဖြင့်မေးလိုက်သည်။ ဆရာချမ်းကအရင်PEဆရာဖြစ်သည်။သူက သဘောကောင်းသူဖြစ်ပြီးကျောင်းသားတွေအတန်းလစ်တာလည်းအရေးမလုပ်သလို roll callလည်းခေါ်လေ့မရှိပေ။ ကျောင်းသူကျောင်းသားတွေစိတ်မဝင်စားတာသိလို့စကားနည်းနည်းလောက်ပြောပြီးတာနဲ့လွှတ်ပေးထားတတ်သည်။

'' ဆရာချမ်းကမသင်တော့ဘူး။ဒါနဲ့ငါ့မျိူးရိုးချန် မင်းတို့ငါ့ကိုဆရာချန်လို့ခေါ်နိုင်တယ်။'' ချန်အန်းကပြောပြီးတာနဲ့ကျောင်းသား၃၆ယောက်နာမည်စာရင်းကိုကြည့်လိုက်သည်။ထိုထဲမှာချန်ယန်းပါပေမဲ့လို့ဒီနေ့တော့အတန်းထဲမရှိပေ။ ချန်အန်းဟန့်ခနဲနှာမှုတ်လိုက်သည်။ဒီကောင်လေးကသူ့ကိုပြောတော့အတန်းမပြေးပါဘူးဘာလေးနဲ့အခုတော့နေရာမှာမရှိဘူး။ ချန်အန်းကကျောင်းသားတွေကိုဝေ့ကြည့်လိုက်ပြီးသူနဲ့အကြည့်ချင်းဆုံသည့်ကျောင်းသားတိုင်းကတုန်တက်သွားကြပြီးဓားပျံတစ်စင်းရင်ထဲဝင်လာသလိုခံစားလိုက်ကြရသည်။

''အခုချက်ချင်းတန်းစီကြစမ်း!"

''ဟုတ်!"

ကျောင်းသားတွေကချန်အန်းအရှိအဝါကိုကြောက်ကြောက်နဲ့အပြေးလေးတန်းစီလိုက်ကြသည်။စိတ်ထဲမှာတော့ဘာလို့ဆရာအသစ်ပြောင်းတာလဲ ။ ရုပ်ကြည့်တော့သဘောကောင်းမယ့်ပုံနဲ့လူကဘာလို့ဒီလောက်ကြောက်စရာကောင်းအောင်စကားပြောတတ်တာလဲဆိုပြီးသိချင်နေကြသည်။

'' တောင်းပန်ပါတယ် ''

ချန်အန်းသူ့ပထမနေ့ရဲ့ roll callစခေါ်မယ့်အချိန်မှာပဲနောက်ကျနေတဲ့ကျောင်းသားတစ်ချိူ့ကဟောဟဲဟောဟဲနဲ့အခန်းထဲပြေးဝင်လာကြသည်။ သူတို့မှာဆရာပြောင်းသွားတာသတိတောင်မထားမိကြသေးပေ။

ချန်အန်းကျောင်းသားလေးတွေကိုကြည့်လိုက်ပြီးမိန်းကလေးတစ်ယောက်ကိုမြင်တော့ နှုတ်ခမ်းစွန်းကော့ရုံပြုံးလိုက်သည်။ ''မင်းတို့အိမ်မှာနာရီမရှိလို့လား။ ခြေထောက်ခေါက်နေလို့လား။''

ကျောင်းသားတွေလည်းအသံကြားရာကိုလှည့်ကြည့်လိုက်ကြသည်။ထိုကောင်မလေးကလည်းစကားပြောနေတဲ့သူ့ကိုမြင်တော့မျက်လုံးပြူးသွားပြီးသူမမျက်လုံးများကိုပင်မယုံသင်္ကါပွတ်မိလိုက်သေးသည်။