Rebirth of Chen An【Zaw + uni】

အခန်း (၁၃၉) နန်းမြို့တော်သို့

အခန်း (၁၃၉) နန်းမြို့တော်သို့

ဓားပြအားလုံးကိုစစ်သူကြီးဘက်ကတစ်စုံတစ်ခုအထိနာခြင်း မရှိဘဲဖမ်းမိသွားနိုင်ခဲ့သည်။ ဒီလိုအောင်ပွဲတွေဆိုတာစစ်သူကြီးရဲ့သမိုင်းမှာပထမဦးဆုံးအကြိမ်ရှိတာတော့မဟုတ်။ဒီလောက်သက်သက်သာသာနဲ့အောင်ပွဲဆင်နိုင်ခဲ့တာကတော့ပထမဦးဆုံးဖြစ်သည်။

ရဲမတ်များကရွာထဲဝင်သွားရုံသာ ဓားပြများကအလိုအလျောက်လက်နက်ချပေးခဲ့ခြင်းဖြစ်သည်။အောင်ပွဲကစစ်သူကြီးအတွက်ဖြစ်သော်လည်းဒီပွဲမှာအာရုံအစိုက်ခံရဆုံးကတော့ချန်အန်းပင်။

သူ့ရဲ့ပြောင်မြောက်တဲ့လုပ်ဆောင်ချက်ကြောင့်ချန်အန်းနဲ့တင်းရှန်းဟာ အဖမ်းခံထားရရာကတော့ အထူးဧည့်သည်များအဖြစ်ကိုနေ့ချင်းပြောင်းလဲသွားခဲ့သည်။ စစ်သူကြီးကတော့အေးစက်စက်ဆက်ဆံမြဲပင်။သို့သော်လည်းသူတို့နဲ့သင့်လျော်သလိုစီစဥ်ပေးဖို့အမိန့်ပေးသည်။လက်နက်များကတော့ပြန်သိမ်းခံလိုက်ရပြန်သည်။

ချန်အန်းနဲ့တင်းရှန်းကတော့လက်နက်တွေပြန်မပေးလိုက်ခင်မှာလှည့်စားနိုင်လိုက်လို့ဂုဏ်ယူနေကြသည်။သူတို့လက်နက်တွေကိုသူတို့ထားတဲ့အတိုင်းမထားရင်ဒုက္ခလှလှကြီးတွေ့သွားကြမှာလေ။

''အဲ့စစ်သူကြီးကတော်တော်လုဖုန်းနဲ့တူတာပဲ။သူကလုဖုန်းလို့အန်ကယ်ထင်လား''

တင်းရှန်းကမနေနိုင်စွာထပ်မေးလိုက်သည်။အရင်တစ်ခေါက်ကချန်အန်းသူ့ကိုအဖြေအတိအကျမပြောနိုင်ခဲ့သော်လည်းအခုတော့အဖြေသေချာသွားပြီလေ။ ခေါင်းကိုရမ်းရင်း ပုံမှန်ပင်ပြန်ဖြေလိုက်သည်။ ''ငါသိတဲ့လုဖုန်းတော့မဟုတ်ဘူး။''

သူတို့မှာမျက်နှာရောနာမည်ရောဆင်တူနေပေမဲ့ဒီရက်ပိုင်းအတွင်းချန်အန်းရင်ထဲခံစားနေရတာကဒီလူဟာသူသိတဲ့လုဖုန်းမဟုတ်ဘူးဆိုတာပဲ။
ချန်အန်းအနေနဲ့ဘယ်လောက်စိတ်ရှုပ်ထွေးနေပါစေ သူရတဲ့ချစ်သူနဲ့ရုပ်တူတဲ့လူဆိုရုံနဲ့လူချင်းတော့မမှားနိုင်ဘူး။ ဒီနှစ်တွေမှာ ဒါလေးတောင်မသိဘဲနေလာခဲ့ရင်သူကမြေခွေးအိုကြီးမဟုတ်တော့ဘူးလေ။