စာစဉ် 13 Chapter 182 လူတစ်ချို့
ဝေ့ပေါ်မှ အုတ်အုတ်ကျက်ကျက် ဖြစ်ခြင်းက ဆက်လက်၍ ဖြစ်ပွားနေသည်။ ပွဲ၏ ထုတ်လုပ်ရေးသတင်းက လူထုဆန္ဒကို စဉ်းစားပေးပြီး ချန်ရှောင်ယန်ကို အခွင့်အရေး ထပ်ပေးလိမ့်မည်ဟု လူတိုင်း ထင်ထားခဲ့ကြသည်။ သို့သော် ထိုအခွင့်အရေးက တစ်ခါမှ ဖြစ်မလာခဲ့ပေ။
ချန်ရှောင်ယန် တကယ် ပြုတ်သွားလေသည်။
ရဲ့လင်းချန်က တေးရေးဆရာဝိုင်၏ ဝေ့ပေါ်အကောင့်ထဲ တင်လိုက်သည်။ ထင်ထားသလိုပင် စာတိုများစွာ ဝင်နေပြီး တော်တော်များများက သူ့အတွက် မကျေနပ်ကြောင်း ပြနေခြင်း ဖြစ်လေသည်။
သူ ရေးထားသော သီချင်းက ပြုတ်သွားသည် မဟုတ်ပါလော။
ရဲ့လင်းချန် နှုတ်ခမ်းစူသွားသည်။ ဘာအကြောင်းရင်းကြောင့်ပင် ဖြစ်ပါစေ သူ့ကဲ့သို့ ပါရမီရှင်တစ်ယောက် အတွက်တောင်မှ ဤသည်က မျက်နှာပူကြောင်း ခံစားရစေသည်။ ရှက်ဖို့ပင် ကောင်းသေးသည်။
တေးရေးဆရာဝိုင်က လူတစ်ချို့၏ မျက်လုံးထဲတွင် အထင်သေးစရာ ဖြစ်နေသေးသည့်ပုံပင်။
သူ မသိမသာ မျက်မှောင်ကြုတ်သွားသည်။
သူသည် QQ Music ၏ ကိုယ်တိုင်ရေးသီချင်းများ စာမျက်နှာကို နှိပ်လိုက်ပြီး အဆိုတော်တစ်ယောက် ဖြစ်ရန် လျှောက်ထားလိုက်ကာ သူ၏ ကိုယ်ပိုင်သီချင်းများကို အသံသွင်းလိုက်သည်။
အဆိုတော်အဖြစ် သူ စာရင်းသွင်းလိုက်သော နာမည်မှာ ဝိုင်ဖြစ်လေသည်။
တေးဂီတကို ကောင်းကောင်း သွင်းပြီးနောက် သူ အသင့်ပြင်လိုက်သည်။
ရဲ့လင်းချန် စ၍ သီချင်းဆိုရန် အသင့်ပြင်လိုက်သည်။
ယခင်ကတည်းက အစီအစဉ် ရှိပြီးသား ဖြစ်သော်လည်း ရည်ရွယ်ထားသည်ထက် စော၍ လုပ်လိုက်ရသည်။ လက်ရှိ ရေစီးကြောင်းအရ သူ၏ ရေပန်းစားမှုအပေါ် ကောင်းသော သက်ရောက်မှု ရှိလာနိုင်လောက်သည်။
ရဲ့လင်းချန်သည် ပင်ကိုအားဖြင့် သီချင်းဆိုရာ၌ ထူးချွန်ပြီး စွမ်းရည်သည်လည်း ရာခိုင်နှုန်းအပြည့် ဖြစ်နေပြီ ဖြစ်သည်။
![](https://img.wattpad.com/cover/292276254-288-k813856.jpg)
YOU ARE READING
ကျုပ်က ပါရမီရှင် (Chapter 1-200)
FantasyEnglish Title : I am a prodigy Original author: Rugao Under The Bridge Original Chapter: 795 (Completed) I don't own this story! I'm just translating this book. All full credit to Original Author!! ⚠️This is not BL⚠️