ကျုပ်က ပါရမီရှင် (Chapter 1-200)

Chapter 109

စာစဉ် 8 Chapter 109 သတိမမူမိသော နည်းဗျူဟာ

အစောပိုင်းက ရဲ့လင်းချန်၏ အစီအစဉ်အပေါ်၌ မျှော်လင့်ချက် အနည်းငယ် ရှိခဲ့သော ကြည့်ရှုသူ အချို့သည် ယခုအခါ၌ မျှော်လင့်ချက်အားလုံး ဆုံးရှုံးသွားလေပြီ။
Boots of Travel သည် သူ့အား အန္တရာယ်မပြုသော နေရာသို့ တည်နေရာ ရွှေ့ပြောင်းပေးသည်။ ယင်းက တည်နေရာ ရွှေ့ပြောင်းစာလိပ်နှင့် လုပ်ဆောင်ချက်ခြင်း တူညီသည်။
Mask of madness သို့မဟုတ် carzy face ဟုခေါ်သော အရာကမူ အသုံးပြုသူအား တစ်ရာရာခိုင်နှုန်း တိုက်ခိုက်မှု အရှိန် မြင့်စေပြီး လှုပ်ရှားမှုအရှိန်၌ သုံးဆယ်ရာခိုင်နှုန်း ပိုမြန်စေကာ ထိခိုက်စေမှုနှုန်း သုံးဆယ် ရာခိုင်နှုန်း အပိုဆောင်း ရရှိစေသည်။
*ဒီလောက် ခက်ခက်ခဲခဲ ရထားတဲ့ ရွှေတွေကို အဲ့လိုဟာတွေ ဝယ်ဖို့ သုံးလိုက်တာလား*
လူတိုင်း နှလုံးသားကို ဓားနှင့် ထိုးခံလိုက်ရသကဲ့သို့ မျက်နှာ ရှုံ့မဲ့နေကြသည်။
ရဲ့လင်းချန်က သူ၏ တာဝါနှစ်ခုကို ရင်းပြီး ရအောင် စုထားသော ရွှေများဖြင့် ထိုအရာနှစ်ခု ဝယ်လိမ့်မည်ဟု မည်သူက ထင်ထားမည်နည်း။
*ပြဿနာကို လက်ယက် ခေါ်နေတာပဲ*
Boots of Travel သည် ဂိမ်းအစပိုင်း၌ မရှိမဖြစ် လိုအပ်သော အရာ မဟုတ်ချေ။ ယင်းက အလကားသက်သက် ပိုက်ဆံ ဖြုန်းခြင်းသာ။ Mask of Madness မှာမူ ၎င်းကို သုံးလိုက်ခြင်းက ရှဲဒိုးဖီးန်ကဲ့သို့သော ဟီးရိုးအတွက် ကိုယ့်သေတွင်း ကိုယ်တူးသလိုသာ ဖြစ်နေပေလိမ့်မည်။
[ဝိုင်နတ်ဘုရား နင် ဘာတွေ လုပ်နေတာလဲ]
ကိုးလ် အလန့်တကြား အော်ဟစ်လာပြီး မနေနိုင်ဘဲ မေးခွန်းထုတ်လိုက်သည်။
[မင်းတို့ ဒီအတိုင်း စခန်းကို ကာကွယ်ပြီး သူတို့ကို အချိန်ဆွဲထား၊ ကျန်တာကို ငါ့တာဝန်ထားလိုက်]
ရဲ့လင်းချန် ပြန်ပြောလိုက်သည်။ ထိုသို့သောအချိန်၌ သူသည် Boots of Travel ကိုသုံး၍ အပေါ်လမ်းသို့ ရောက်နေပြီ ဖြစ်သည်။
အရိပ်ဖြို နှစ်ကြိမ်သုံး၍ ရန်သူ ခရိများကို ချက်ချင်း ရှင်းလင်းကာ သူ့ခရိများကို ဦးဆောင်၍ ပြိုင်ဘက်၏ တာဝါသို့ သွားလိုက်သည်။
*တာဝါခြင်း လဲချင်နေတာလား*
ကြည့်ရှုသူ အချို့သည် ရဲ့လင်းချန်' အကြံကို သတိပြုမိစ ဖြစ်လာပြီး တကယ်လည်း ယင်းက ရဲ့လင်းချန်၏ အကြံပင်။
MoMကို စသုံးလိုက်သောအခါ သူ၏ တိုက်ခိုက်မှုနှုန်းက တစ်ရာ ရာခိုင်နှုန်းအထိ တိုးတက်သွားသည်။ သူ၏ ထိခိုက် ပျက်စီးစေနှုန်း ကလည်း သိသာစွာ တိုးလာပြီး ပြိုင်ဘက်၏ အဆင့်တစ် တာဝါကို စဖျက်လေသည်။
ထို့အပြင် ရှဲဒိုးဖီးန်၌ အရိပ်ဖြို စွမ်းရည် ရှိသဖြင့် ခရိလှိုင်းကို သူ့နည်းသူ့ဟန်ဖြင့် အလွယ်တကူ ရှင်းနိုင်သည်။ သူ၏ တစ်ကိုယ်တော် တာဝါဖြိုနှုန်းက ပြိုင်ဘက် ငါးယောက်၏ စုပေါင်း တိုက်ခိုက်မှုထက် ပိုသာနေသည်။
သူ့ဘက်မှ အလယ်လမ်းရှိ အဆင့်တစ် တာဝါက အလွန် လျင်မြန်စွာ ပျက်စီးသွားသော်လည်း တစ်ချိန်တည်းမှာပင် ရန်သူဘက်၏ အပေါ်လမ်းမှ တာဝါသည်လည်း ပျက်စီးသွားလေ၏။
[စောက်ရမ်း ဟော့တယ်ကွာ၊ ဒီလှည့်ကွက်က ... မယုံနိုင်စရာပဲ]
[အစတုန်းက ငါ လုံးဝ မသိဘူး၊ ဒါပေမဲ့ အချိန်ကြာလာတော့ ငါ နားလည်လာပြီလို့ ထင်တယ်]
[တာဝါချင်း လဲတာလား၊ ဒီလို အလေးမသာတဲ့ အခြေအနေမှာ ဒါက တကယ်ကို အကောင်းဆုံး ရွေးချယ်မှုပဲ]
[ပစ္စည်းတွေ သုံးထားတဲ့ ရှဲဒိုးဖီးန်ရဲ့ တာဝါဖြိုနိုင်စွမ်းက တကယ် မြန်တာပဲ]
ဆက်တိုက် ပြောဆိုခံနေရသော်လည်း ရဲ့လင်းချန်၏ တည်ငြိမ်နိုင်စွမ်းကို ကြည့်ရှုသူများ အံ့ဩမိသည်။ တဖြည်းဖြည်းနှင့် လူအများစုက အကောင်းဘက်မှ ပိုတွေးစ ပြုလာသည်။
ကိုးလ်နှင့် ကျန်လူများတောင်မှ စိတ်အခြေအနေ ကောင်းလာသလို ခံစားလာရသည်။
*ကြည့်ရတာ အားလုံး ရှုံးမယ့်ပုံတော့ မပေါ်ပါဘူး*
မကြာခင်မှာပင် ဂျပန်ဘက်မှလည်း ရဲ့လင်းချန်၏ အကြံကို ရိပ်မိလာသည်။ ရဲ့လင်းချန်က ခရိများနှင့်အတူ အဆင့်နှစ် တာဝါထံ တက်သွားသည်ကို မြင်သော် သူတို့ ဖိတိုက်ခြင်းကို လက်လျှော့လိုက်ရသည်။
[ဝိုင်နတ်ဘုရား သတိထားပါ၊ သူတို့ မင်းကို ချဖို့ မင်းဘက် တက်လာလောက်တယ်]
09 က သတိပေးလာ၏။
ပြောရမည်ဆိုလျင် 09 က သတိပေးမလာလျင်တောင်မှ ရဲ့လင်းချန်သည် ခရိပ်များကို ရှင်းပြီးသည်နှင့် တောထဲ ပုန်းနေပြီးသား ဖြစ်သည်။ ထို့နောက် သူက Boots of Travel ဖြင့် အောက်ဘက်လမ်းသို့ တည်နေရာ ကူးပြောင်းလိုက်သည်။
ထိုသို့သောအချိန်၌ Boots of Travel ဝယ်ထားသည့် အကျိုးကျေးဇူးက သိသိသာသာ ပေါ်လာသည်။ ရဲ့လင်းချန်က ခရိများနှင့်အတူ ပြိုင်ဘက်၏ အဆင့်တစ် တာဝါအနားသို့ တည်နေရာ ကူးပြောင်းသွားသည်။
ယခင်အတိုင်း အရိပ်ဖြိုအကွက်ဖြင့် လမ်းကြောင်းရှင်းကာ MoM ကိုသုံး၍ တာဝါထံ ပြေးတက်လေသည်။
ထိုအချိန်၌ ပြိုင်ဘက်အသင်းသည် သူတို့၏ လက်ဦးမှု ဆုံးရှုံးစ ပြုလာသည်။ သူတို့ အပေါ်လမ်းသို့ ရောက်သောအခါ ရဲ့လင်းချန်က အောက်ဘက်လမ်းသို့ ရောက်နေပြီ ဖြစ်သည်။
သူတို့သည် ရဲ့လင်းချန်၏ ဦးဆောင်ခြင်း ခံရနေ၏။
ကောမန့်နေရာ၌ အားပေးသံများနှင့် အော်ဟစ်သံများ ပြည့်နှက်နေ၏။ ဤ တစ်ယောက်၊ ငါးယောက် ယှဉ်နေသည့် မြင်ကွင်းက သူတို့ကို သွေးပွက်ပွက် ဆူစေသည်။
*မိုက်တယ် တကယ်ကို မိုက်လွန်းတယ်*
ရှဲဒိုးဖီးန်၏ မြင့်မားသော ထိခိုက်ပျက်စီးစေမှုနှန်းနှင့် Boots of Travel ၏ စွမ်းရည်သို့ ပေါင်းစပ်လိုက်ခြင်းက အတော်လေး အကျိုးအမြတ် ကြီးမားစေသည်။ ၎င်းက မည်သူမှ မတွေးဖူးသော အရာပင်။
ကိုးလ်နှင့် ကျန်လူများပင် မနေနိုင်ဘဲ သူ့အတွက် ကျယ်လောင်စွာ အားပေးမိသည်။
ထိုသို့သောအချိန်၌ ဂျပန်ဘက်မှ ကစားသမားတစ်ယောက်က တည်နေရာ ရွှေ့ပြောင်းရန် ဆုံးဖြတ်လိုက်သည်။ တည်နေရာ ရွှေ့ပြောင်းခြင်း စက်ဝန်းက အဆင့်တစ် တာဝါနားမှ ရှဲဒိုးဖီးန်၏ အရှေ့တည့်တည့်၌ ပေါ်လာသည်။
[ဝိုင်နတ်ဘုရား အချိန်ကျပြီ၊ ငါတို့ ဘေးကင်းကင်း ကစားပြီး ရန်သူကို ဘာအခွင့်အရေးမှ မပေးဖို့ လိုတယ်]
ရည်းစားစာက သူ့ကို စိုးရိမ်နေသော လေသံဖြင့် သတိပေးလာသည်။
တစ်စုံတစ်ယောက်က ရဲ့လင်းချန်ကို ရန်ပြုလာလျင် တာဝါ ပျက်စီးရန် ပို၍ ခက်ခဲပေလိမ့်မည်။
သို့သော် ရဲ့လင်းချန်က ပြန်မဖြေဘဲ တိတ်တဆိတ် အချိန်ကို ခန့်မှန်းနေသည်။ ထို့နောက် ရှဲဒိုးဖီးန်သည် ပြိုင်ဘက်၏ တည်နေရာ ရွှေ့ပြောင်းခြင်း စက်ဝန်းထဲ ဝင်သွားပြီး စတင်၍ လှုပ်ရှားလေသည်။
တည်နေရာ ရွှေ့ပြောင်းခြင်းတွင် ဦးတည်ရာ ပြောင်းလဲချိန် ၂.၁ စက္ကန့်သာ ရှိသည်။
ရှဲဒိုးဖီးန်၏ ဝိညာဉ်ဆုတောင်းကို သုံးရန်က အချိန် ၁.၅၅ စက္ကန့်သာ လိုအပ်သည်။
တည်နေရာ ကူးပြောင်းမှု ပြီးတော့မည့်အချိန်၌ Sliencer က ပြိုင်တူ ပေါ်လာသည်။
"ဝုန်း"
ရှဲဒိုးဖီန်း၏ ခန္ဓာကိုယ်မှ မရေတွက်နိုင်သော ဝိညာဉ်များ ထွက်လာပြီး အားလုံးက Sliencerက ခန္ဓာကိုယ်ကို ဖြတ်သန်းသွားသည်။
အစွမ်းအထက်ဆုံး အကွက်ကို ထိခိုက်ပျက်စီးစေမှုနှုန်း အမြင့်ဆုံးနှင့် ပေါင်းစပ်လိုက်သောအခါက Sliencer ချက်ချင်း သေသွားလေသည်။
[စောက်ရမ်းမိုက်တယ်]
[ပြိုင်ဘက် တည်နေရာ ကူးပြောင်းနေတုန်း နောက်ဆုံးကွက်ကို ထုတ်သုံးတာ၊ ဒါ လုံးဝ ထင်မထားတဲ့ အကွက်ပဲ]
[တကယ်ကို ဝိုင်နတ်ဘုရားပါပဲ၊ ဆန်းကြယ်မှုတစ်ခုတော့ ဖြစ်လာလိမ့်မယ်လို့ ငါ သိနေပြီးသားပါ]
[ဘာမှတောင် ပြောနေစရာ မလိုဘူး၊ ဒီပြိုင်ပွဲက နိုင်မှာ အသေအချာပဲ]
[ဟားဟားဟား ဂျပန်နိုင်ငံက ခွေးတွေ၊ ရှေ့က ဦးဆောင်ခံနေရတော့ ဘယ်လို ခံစားရလဲ]
ယခင်က လူအများစုသည် မျှော်လင့်ချက် အနည်းငယ်မျှကိုသာ မြင်ခဲ့ရသည်။ ယခုအခါတွင်မူ သူတို့ နိုင်မည်ဟု စိတ်အားတက်ကြွစွာ သေချာနေ၏။
ဝိုင်နတ်ဘုရားက ယခင်အတိုင်း ဖြစ်နေဆဲပင်။ ပြိုင်ဘက်ကင်းသော ဝိုင်နတ်ဘုရားပါတကား။
Sliencer ကို သတ်ပြီးနောက် ပြိုင်ဘက်၏ စိတ်အခြေအနေက ရှုပ်ထွေးလာသည်။ ထိုအခွင့်ကောင်ကို အရယူ၍ ရဲ့လင်းချန်က တာဝါကို တစ်ခဏအတွင်း ဖြိုပစ်လိုက်သည်။
Slicencer ကိုသတ်၍ တာဝါဖြိုပြီးနောက် သူသည် ထိုနေရာမှ ပေါ်ပေါ်တင်တင် ထွက်လာလိုက်သည်။ သူ့၌ ရှိနေသော ရွှေတို့ဖြင့် သူ့ပစ္စည်းများကို ဆက်၍ အဆင့်မြှင့်လိုက်သည်။
တတိယ ပစ္စည်း crystalys။
Crystalys က တိုက်ခိုက်မှု စွမ်းအားကို တိုးစေပြီး အသုံးပြုသူအား အမိအရ ထိမှန်အောင် ထောက်ပံ့ပေးသည်။ ရဲ့လင်းချန်သည် ခံစစ်ကို လက်လျှော့လိုက်ပြီး တိုက်စစ်ကိုသာ ဦးတည်တော့သည်။
[ဝိုင်နတ်ဘုရားက crystalys ကို ပျော်ပျော်ကြီး ကိုင်နေတာပဲ]
[ဘုရားရေ ဝိုင်နတ်ဘုရားက တာဝါတိုင်းကို ဖြိုဖို့ ကြိုးစားနေပြီလို့ ငါ ထင်တယ်]
[ဝိုင်နတ်ဘုရားရဲ့ တာဝါဖျက်ဆီးမှုနှုန်း မြင့်တက်လာမှုအတွက် ဂုဏ်ပြုပါတယ်]
[ဂျပန်က တာဝါဖြိုရတာကို ကြိုက်တာ မဟုတ်ဘူးလား၊ ပြိုင်ရအောင်လေ၊ ငါတို့ မင်းကို ဟီးရိုးလေးကောင် အကျောပေးမယ်]
ကြည့်ရှုသူများသည် သူတို့ရင်ထဲမှ မချင့်မရဲ ဖြစ်မှု ရှင်းသွားသလို ခံစားလိုက်ရသည်။ ရဲ့လင်းချန်၏ ပစ္စည်း ရွေးချယ်မှုအပေါ် သူတို့ သံသယ မရှိတော့ပါ။
[လူအများစုအတွက် ရှဲဒိုးဖီးန်က ကိုင်ရတာ ရှုပ်ထွေးလွန်းသလို stats အဆင့်မြှင့်ဖို့လည်း လိုတယ်၊ ငါ့အတွက်ကတော့ stats ကို မြှင့်ဖို့ မလိုဘူး၊ ဘာလို့လဲဆိုတော့ ငါ့ထိန်းချုပ်မှုအောက်မှာ ရှဲဒိုးဖီးန်က သေမှာ မဟုတ်လို့ပဲ]
[မိုက်တယ် ဝိုင်နတ်ဘုရားကို လေးစားပြီ]
တရုတ်အသင်းနှင့် ဆန့်ကျင်ဘက်ဖြစ်စွာပင် ဂျပန်အသင်းက ငြိမ်နေ၏။ သူတို့ အဖွဲ့လိုက် တက်သင့်၊ မတက်သင့် တွေဝေနေ၏။
အသင်းနှစ်ခုလုံး မတိုးသာမဆုတ်သာ အခြေအနေ ဖြစ်နေသည်။
သို့သော် ရဲ့လင်းချန်က မဖြုံချေ။ သူက ဆက်လက်၍ ရွှေရအောင် လုပ်နေ၏။
Boots of Travel နှင့် MoM က သူ့ကို တိုက်ခိုက်မှုနှုန်းနှင့် လှုပ်ရှားမှုနှုန်းတို့ တိုးတက် လျင်မြန်စေသဖြင့် ပြိုင်ဘက်၏ တောထဲမှ ခရိများကို မကြာခဏ ရှင်းနေသည်။ သူ၏ ရွှေရှာနှုန်းက လူတိုင်းကို မျက်လုံးပြူး သွားစေသည်။
သူ၏ ရွှေရှာနိုင်နှုန်းကို မြင်ပြီး ပြိုင်ဘက်များ ကြံရာမရ ဖြစ်သွားကြသည်။
[ဝူအာ အခု ငြိမ်ငြိမ်နေဦး]
ရဲ့လင်းချန်က မျက်မှောင်ကြုတ်၍ ရုတ်တရက် ပြောလာသည်။
တိုးတက်လာသော အခြေအနေကြောင့် ကိုးလ်နှင့် ကျန်လူများ ပို၍ တက်ကြွလာ၏။ အဖွဲ့ထဲတွင် ဝူအာက နမော်နမဲ့ အနိုင်ဆုံး ဖြစ်၏။
သူမသည် Earthshaker ကို ထိန်းချုပ်၍ ရုန်းကန်နေသော Axe နောက်ကို လိုက်သွားကာ တိုက်ခိုက်ချင်စိတ် ထက်သန်နေသည်။
[အိုက်ယား ကျွန်မ အခုမှ Blin Dagger လေး ရတာလေ၊ ကျွန်မ ဒီ Axe ကို ရှင်းနိုင်ပါတယ်]
ဝူအာက ပြန်ပြောလာ၏။ ပြောပြီးသည်နှင့် သူမ စတိုက်လေသည်။ သို့သော် သူမ စလှုပ်ရှားစဉ်မှာပင် တစ်ဖက်အသင်းမှ Slicencer က သူမ တိုက်ကွက် မသုံးခင် သူ၏ နောက်ဆုံးအကွက်ကို တိုက်ခိုက်လာ၏။
Global Silence။
ယင်းအကွက်ကြောင့် ရဲ့လင်းချန်တို့ တစ်သင်းလုံး ခြောက်စက္ကန့်မျှ ဘာအကွက်မှ သုံး၍ မရတော့ချေ။