(Completed) အာဏာရှင်ဆိုးကြီးရဲ့ အချစ်တော်ငါး (MM translation)

Chapter (138-1) - အိမ်ရှေ့စံ အတွက် နောက်ထပ် မင်္ဂလာပွဲ

Chapter (138-1) - အိမ်ရှေ့စံနှင့် အိမ်ရှေ့စံကြင်ယာတော်အတွက် နောက်ထပ် မင်္ဂလာပွဲ

မင်းသားလီနှင့် ဝန်ကြီးခြောက်ဦးတို့သည် ဧကရာဇ်၏ ဆုံးဖြတ်ချက်ကို ခန့်မှန်းထားပြီးသားဖြစ်သည်။ သို့သော် အိမ်ရှေ့မင်းသား အလောင်းလျာကို ဒီလောက် မြန်ဆန်စွာ ဆုံးဖြတ်ထားမည်ဟု မမျှော်လင့်ထားမိပေ။ လွန်ခဲ့သော နှစ်ဆယ်ကျော် အတွင်းတွင် ဧကရာဇ်သည် ယခင်က မည်သူ့ကိုမျှ အိမ်ရှေ့မင်းသားအဖြစ် တရားဝင် မခန့်အပ်ခဲ့ပေ။ မင်းသားအချို့ကို အထူး မျှော်လင့်ချက်ဖြင့် ဆက်ဆံပုံရသော်လည်း ဧကရာဇ်သည် သူတို့အား ပြုစုပျိုးထောင်ခြင်း နှင့် သူတို့ကို စောင့်ရှောက်ခြင်း အပေါ် ပိုမိုအာရုံစိုက်ခဲ့သည်။ သူက မည်သည့်ဆုံးဖြတ်ချက်ကိုမျှ မကြေငြာခဲ့ပေ။

မင်းသားလီနှင့် ဝန်ကြီးများအားလုံး ကျင်းဝမ်၏လုပ်ရပ်ကို အလွန်ကျေနပ်ခဲ့ကြသည်။ ကျင်းဝမ်ကို နောက်အုပ်စိုး အရှင်အဖြစ် ဧကရာဇ်က ခန့်အပ်ခြင်းကို သူတို့က အမှန်တကယ် ကန့်ကွက် ခြင်းမရှိပေ။ သို့သော် သစ္စာရှိသူတွေ အနေဖြင့် မင်းကြီးမိန့်ဆိုသည်ကို အရမ်း လှိုက်လှိုက်လှဲလှဲ တန်းပြီး လက်မခံနိုင်ပေ။ အုပ်စိုးအရှင်၏ နှလုံးသားသည် နားလည်ရ ခက်သည်။ မင်းသားလီနှင့် ဝန်ကြီးများသည် ဒူးထောက်ကာ တညီတညွတ်တည်း ဒူးထောက်ကာ လျှောက်တင်လိုက်သည်။

" အရှင်မင်းကြီးက သက်တော်ငယ်ပါသေးတယ်။ ဒါကို သေသေချာချာ ပြန်စဉ်းစားပေးတော်မူပါ"

မင်းသားလီနဲ့ ဝန်ကြီးတွေက ထပ်တလဲလဲလျှောက်တင်ခဲ့သည်။

ဧကရာဇ်က ပြုံးလိုက်သော်လည်း ပြန်မဖြေခဲ့ပေ။

သူ့အသက်က ငယ်သေးသည်ဟုလည်း မထင်တော့ပေ။ နန်းတော်ထဲက အာဏာသိမ်းမှု ဖြစ်ပျက်သွား ပြီးနောက်တွင် သူ့ဆီမှာ ငယ်ရွယ်သူတွေရဲ့တက်ကြွမှု မရှိတော့ကြောင်း သိလိုက်ရသည်။ မင်းသမီး လန်ယာ ၏ ရုတ်တရက် ထိုးနှက်ချက်နှင့် ရင်ဆိုင်ရသောအခါတွင် သူ လုံးဝ ခံနိုင်ရည် မရှိခဲ့ပေ။ ဒါဟာ ဘုရင်တစ်ပါးအတွက် အရှက်ကွဲစေသည့် အချက်လည်း ဖြစ်သည်။ သူသည် အချိန်တိုလေးသာ ချုပ်နှောင်ခံထားခဲ့ရပေမယ့် ရန်သူက သစ္စာမဲ့လွန်းပြီး သူတစ်ခါမှ မတွေးဖူးသော တစ်စုံတစ်ယောက်အဖြစ် အယောင်ဆောင်ထားသည်။ ထိုသို့သော ဆိုးရွားသော အခြေအနေတွင် သူက ဖမ်းဆီးပြီး အခြားနေရာကို ပို့ဆောင်ခံရပြီးနောက် သူ၏ အသက်အရွယ်ကြီးရင့်လာခြင်းက ပိုသိသာလာသည်။ သူ့စိတ်က ဘယ်လိုပဲ သက်သာလာပါစေ၊ သူ့ရဲ့ စွမ်းအင်တွေက အရင်ကလို ပြန်ဖြစ်လာမှာ မဟုတ်ဘူး။