Chapter (131-1) - လောင်ကုန်းကို ကယ်တင်သည့် ငါး
ကျင်းဝမ်သည် အတွင်းထဲတွင် ထိတ်လန့်တုန်လှုပ်သွားသလို ခံစားလိုက်ရသည်။ ရှောင်ယွီသည် ဆဌမ မင်းသား ၏လက်ထဲ ဘာကြောင့်ကျရောက်သွားသည်ကို မသိပေမယ့် ရှောင်ယွီကို တတ်နိုင်သမျှ အမြန်ဆုံး ပြန်ခေါ်ကာ ဧကရာဇ်ကို တစ်ချိန်တည်း ကယ်တင်ရန် လိုအပ်သည်။
ကျင်းဝမ်သည် ခန်းမအတွင်း အစောင့်အကြပ်များ ဖြန့ချထားသည်ကို ယခင်က သတိပြုမိခဲ့သည်။ အခုတော့ သူ့မှာ အစီအစဉ်ရှိပြီးသားလေ။
"......ပဥ ္စမနောင်တော် ဒီငါးကို အရမ်းဂရုစိုက်တယ်ဆိုတာ ကျွန်တော် သိတယ်။ အခု ဒီငါးကို နောင်တော် တကယ်ပြန်ယူချင်နေပေမယ့် ဒီလောက် မလွယ်ကူမှာကို ကျွန်တော် စိုးရိမ်နေမိတယ် "
မုထျန်းရှောင်သည် သလင်းကျောက်ပုလင်းပေါ်ရှိ ရွှေကြိုးနှင့် ဆော့ကစားရင်း အောင်မြင်သူလို ပြုံးကာ ကျင်းဝမ်ကို မထီမဲ့မြင် ငုံ့ကြည့်နေသည်။
"ဒါပေမယ့် ပဥ ္စမနောင်တော် က ကျွန်တော့်ကို ထောင်ထဲရောက်အောင် ဘယ်လို "ကူညီ" ပေးခဲ့သလဲဆိုတာကို မြင်တော့ ကျွန်တော်လည်း နောင်တော်ကို "ကူညီ" ဖို့ လိုလာပြီလေ။ တကယ်လို့ ပဥ ္စမနောင်တော် က တော်ဝင်အကျဉ်းထောင်ထဲက ကျွန်တော် ကြုံခဲ့တဲ့ ဒုက္ခအားလုံးကို တွေ့ကြုံခံစားနိုင်မယ်ဆိုရင် ကျွန်တော်က ဒီငါးကို ပဥ ္စမနောင်တော် ဆီကို အသာတကြည် ပြန်ပေးနိုင်မလားပဲ..... "
ဆဌမ မင်းသားလေးသည် သူ့စိတ်ရင်းစေတနာကို လေးလေးနက်နက် ဖော်ပြနိုင်တဲ့သူလို သူ့ပါးစပ်ကို ကျယ်ကျယ်ဖွင့်ကာ ပြုံးပြလိုက်သည်။
ကျင်းဝမ်: "......"
လီယွီသည် ဆဌမမင်းသား၏ စကားကို နားမထောင်ဘဲ နေပေမယ့် ထိုစကားကို ကြားတော့ လီယွီ အရမ်း စိတ်ဆိုးသွားခဲ့သည်။ သို့သော် သူ၏ငါးဆူးတောင်များသည် တိုလွန်းသည်။ သူက ဆဌမမင်းသားကို လှမ်း မရိုက်နိုင်ဘူး။ အမှိုက်ကောင် မုထျန်းရှောင်...မင်းက ငါ့ ခင်ပွန်းကို ခြိမ်းခြောက်ဖို့ ဘယ်လောက်တောင် သတ္တိရှိရှိနဲ့ ငါ့ကို အသုံးချရဲတာလဲ။ လီယွီက ကျင်းဝမ် တစ်ယောက် ဆဌမမင်းသားပြောသည့်အတိုင်း လုပ်မည်ကို ကြောက်နေခဲ့တယ်။
QQ၊ သူက သူ့ခင်ပွန်းကို အနိုင်ကျင့်တာကို မလိုချင်ဘူး။ ဆဌမ မင်းသား ကဲ့သို့ အသုံးမကျသည့် အမှိုက်ကောင်က သူ့ ထက်မြက်တဲ့ လောင်ကုန်းကို အနိုင်ကျင့်စော်ကားရဲသည်ကို လုံးဝမယုံနိုင်ဖြစ်နေသည်။
ဒီလိုမျိုး အဖြစ်ခံမှာမဟုတ်ဘူး။ ငါးက လောင်ကုန်းကို သေချာပေါက် ကယ်ရမယ်....
လီယွီသည် သူ၏ ငါးကိုယ်ထည် ပြားချပ်ချပ်လေးဖြင့် သူ၏အမြီးကို ဒေါသတကြီး မြှောက်ကာ ဆဌမမင်းသားကို ပစ်မှတ်ထား ချိန်ရွယ် လိုက်သည်။
"ထျန်းရှောင် ...အဲ့ဒါက ငါးတစ်ကောင်ပဲ။ မင်း သူ့ကို ဒုက္ခပေးစရာ မလိုဘူး။"
ဧကရာဇ်သည် အမှန်တကယ်ပင် မခံနိုင်သဖြင့် ဆဌမ မင်းသားအား ပေါ့ပေါ့တန်တန် ကြိမ်းမောင်းခဲ့သည်။
ဆဌမ မင်းသားက မော့တောင်မကြည့်ဘဲ
"ခမည်းတော်ပြောတဲ့အတိုင်း ငါးတစ်ကောင်ပဲလေ။ ပဥ ္စမနောင်တော် က ကျွန်တော့် စကားတွေကို ဂရုမစိုက်ရင် သူ့အတွက် ကျွန်တော် ဘာလုပ်ပေးရမလဲ။ ခမည်းတော်...ခမည်းတော်က ပဥ ္စမနောင်တော်ကို ဘက်လိုက်တယ်ဆိုတာ ကျွန်တော် သိပါတယ်။ ဒါတောင် ခမည်းတော်က သူ့ကို ဒီလို မတရားမှုသေးသေးလေးကိုတောင် ခံစားခွင့်မပေးချင်ဘူးလား"
ဧကရာဇ်သည် ဆဌမမင်းသား၏သဘောထားကိုကြားပြီး ဒေါသထွက်ခဲ့သော်လည်း ကျင်းဝမ်အတွက် ဆိုးရွားသည့်အရာများကို လုပ်မည်ကို မင်းကြီး ကြောက်ရွံ့နေလို့ စကားပြောတာကို ရပ်လိုက်ရုံပဲ တတ်နိုင်တော့သည်။
ဆဌမ မင်းသား သည် ကျင်းဝမ်ဆီသို့ အေးအေးဆေးဆေး တဖန်ပြန်ကြည့်ကာ ထပ်ပြောလိုက်သည်-
"ကျေးဇူးပြုပြီး မြန်မြန်ဆုံးဖြတ်ပါ ပဥ ္စမနောင်တော်....ဒါမှမဟုတ်ရင် ကျွန်တော့် စိတ်အခြေနေတွေ ဆိုးရွားသွားနိုင်တယ် ။ ကျွန်တော် စိတ်ပြောင်းသွားနိုင်မလားတောင် မသိဘူးနော်"
ဧကရာဇ်မင်းသည် ကိုယ်လုပ်တော် ကျန်း ၏ အကြပ်ကိုင်ခြင်းကို ခံရကြောင်း ကျင်းဝမ်က အတည်ပြုထားပြီး ဖြစ်သည်။ ဆဌမ မင်းသား သည် ရှောင်ယွီနှင့်လည်း ခြိမ်းခြောက်ခဲ့သည်။ ကျင်းဝမ်က သူ့နှုတ်ခမ်းတွေကို ဖိထားပြီး ရေခဲလို အေးစက်သည့် အကြည့်ဖြင့် ကြည့်နေသည် ။ သူ့လက်ကို ဝတ်ရုံအောက်ခြေသို့ ဆန့်တန်းကာ ဒူးကို အနည်းငယ်ကွေးလိုက်သည်။
ဒီလှုပ်ရှားမှုက သူက ဆဌမမင်းသားကို ဒူးထောက်တော့မလိုဖြစ်နေသဖြင့် ဆဌမ မင်းသားက အရမ်း သဘောကျကာ ရယ်မောလိုက်သည်။ ပုံမှန်အားဖြင့် ကျင်းဝမ်သည် ဤပုလင်းအတွင်းမှ ငါးကို သူတပါးကို ဒုတိယအကြိမ် ကြည့်ရန်ပင် ခွင့်မပြုသောကြောင့် ဆဌမ မင်းသား သည် ကျင်းဝမ်ကို ဒေါသထွက်စေရန် တမင်တကာ လုပ်ချင်နေသည်။ ထို့ကြောင့် သူသည် ပုလင်းအဖုံးကိုဖွင့်ကာ ငါး၏ပျော့ပြောင်းသော အမြီးဆီသို့ သူ့လက်ချောင်းများဖြင့် ထိလိုက်သည်။
သူသည် ယခုအချိန်တွင် အရာအားလုံး သူ့ထိန်းချုပ်မှုအောက်တွင် ရှိနေကြောင်း ကျင်းဝမ်ကိုယ်တိုင် ကိုယ်တိုင်တွေ့ကြုံခံစားစေလိုသည်။ ကျင်းဝမ်ရဲ့ အချစ်ဆုံး အိမ်မွေးငါးတောင်မှ သူပြောတာကို နားထောင်ပြီး သူ လုပ်ချင်တာကို ခံနေတယ်ဆိုတာ သိစေချင်သည်။
သို့သော် သူ၏လက်ချောင်းများက ငါးကို ထိခါနီးတွင် ရုတ်တရက် အရာအားလုံး ပြောင်းလဲသွားခဲ့သည်။ ဤငါးသည် အတင်းအဓမ္မ ခုန်ချကာ သလင်းကျောက်ပုလင်းကို အမှန်တကယ် ဖြတ်ကျော်ထွက်လာ ခဲ့သည်။ ပြူးကျယ်သောမျက်လုံးများဖြင့်၊ ဆဌမ မင်းသား သည် ထိုငါးပျံတက်သွားသည်ကိုကြည့်ကာ ထိုမြင်ကွင်းကို အရင်တစ်ခါက တထပ်တည်း ကြုံဖူးသလို ချက်ချင်းထင်မှတ် သွားခဲ့သည်။ သို့သော် ဒါကို သေချာစဉ်းစားချိန် သူ့မှ မရှိတော့ပေ။ ငွေရောင်အလင်းတန်းတစ်ခုသည် လေပြင်းတိုက်ခတ်သလို သူ့မျက်နှာထက်ကို ဖုံးလွှမ်းသွားကာ ဆဌမမင်းသားလေးက လုံးဝ မတုံ့ပြန်နိုင်ခင် သံတုံးသံခဲကဲ့သို့ မာကျောသည့်အရာတစ်ခုက သူ့မျက်နှာအား ပြင်းပြင်းထန်ထန် ပိတ်ရိုက်ခြင်းကို ခံလိုက်ရလေပီ။
ချက်ချင်းပင် သူ့မျက်လုံးရှေ့က မြင်ကွင်းတွေ ပြာဝေသွားပြီး ကြယ်တွေ လတွေကို မြင်လိုက်ရသည်။
ဆဌမ မင်းသားသည် တုန်လှုပ်ချောက်ချားစွာ နာကျင်နေသော မျက်နှာကို ဆုပ်ကိုင်ထားသည်။ ကျင်းဝမ်၏ငါးများသည် မထင်မှတ်ပဲ ဖန်ပုလင်းကို ခွဲထုတ်လိုက်ရုံသာမကဘဲ၊ သူ့ကို ပြင်းပြင်းထန်ထန် ပါးရိုက်လိုက်ခြင်းပင်ဖြစ်သည်- အန္တရာယ်ကင်းသည်ဟု ထင်ရသော ပျော့ပျောင်းသောငါးအမြီးကို အသုံးပြုလိုက်တာကို သူ ရှင်းရှင်းလင်းလင်း မြင်လိုက်ရသည်။
တစ်ချက်လှုပ်ပြီးပေမယ့် ငါးက မရပ်သေးပဲ လေထဲမှာ ဝဲပျံနေဆဲဖြစ်သည်။ ဆဌမ မင်းသား ၏ အာရုံပျံ့လွင့်မှုကို အခွင့်ကောင်းယူပြီး၊ ထိုငါးသည် ရှောင်လွှဲ၍မရအောင် မြန်ဆန်သော လျှပ်စီးကြောင်းအမြန်နှုန်းဖြင့် ဒုတိယအကြိမ်မြောက် ပါးရိုက်လိုက်ပြန်သည်။
ကန်ချင်း နန်းတော်သည် မူလက အလွန်ဆိတ်ငြိမ်နေသဖြင့် ကြည်လင်ပြတ်သားသော "ဘတ် ...ဘတ် " ဆိုသည့် အသံနှစ်သံကို ဆက်တိုက်ကြားပြီးနောက်၊ ဆဌမ မင်းသား ၏ပါးပြင်များသည် သာမန်မျက်စိဖြင့် မြင်ရအောင်ပင် ချက်ချင်းရောင်ကိုင်းလာတော့သည်။
ကန်ချင်းနန်းဆောင်ထဲ ရောက်နေသူအားလုံးသည် ဤအရာကို မြင်ရကြားရလိုက်သည်။ ဆဌမ မင်းသား သည် အကြောင်းတစ်ခုခုကြောင့် ငါးတစ်ကောင်၏ မျက်နှာကို ဖြတ်ရိုက်ခြင်းခံခဲ့ရသည်။ ကိုယ်လုပ်တော် ကျန်း က မျက်ခုံးပင့်လိုက်သည်။ ဧကရာဇ်မင်းသည် သဘောကျလွန်းလို့ သူ့ပါးစပ်ထောင့်များကို အထက်သို့မကွေးသွာအောင် သူ့ကိုယ်သူ အပြင်းအထန် ထိန်းချုပ်နေရသည်။
အနည်းငယ်ဝေးသော နေရာတွင် ထို်င်နေသော အမတ်အန်း သည်လည်း ဒါကိုမြင်လိုက်ရသည်။ အမတ်အန်း၏ ရှုပ်ယှက်ခတ်နေသော စိတ်တွေက ထိုသို့ စိတ်လှုပ်ရှားဖွယ် မြင်ကွင်းကို အနည်းငယ် စွဲလန်းသွားခဲ့သည်။ သူက လက်ခုပ်တီးပြီး ရယ်မောရင်း အားပေးလိုက်သေးသည်။
"ကောင်းတယ်...ဟုတ်ပြီကွ....တယ်တော်တဲ့ ရိုက်ချက်ပဲ!"
ဆဌမမင်းသားက သူ့ ခေါင်းထက်တွင် ပျံနေသည့် ငါးရဲ့ပုံရိပ်ကို မြင်လိုက်ရစဉ် တခဏ ကျယ်လောင်စွာအော်ဆဲ လိုက်မိသည်။ ငါးက ပုလင်းကို ခွဲကာ ပျံထွက်လာစဉ်တခဏ ကျင်းဝမ်က သူ့ဖိနပ်ရှည်ထဲ ဝှက်ယူလာသည့် ဓါးမြှောင်ကို ဆွဲထုတ်ကာ အနီးက အစောင့်ကို တိုက်ခိုက်လိုက်သည်။
ဆဌမမင်းသားက ငါးမြီးဖြင့် ရိုက်ခံရပြီး မူးဝေသွားခိုက် ကျင်းဝမ်က သူ့လည်ပင်းတွင် ဓါးဖြင့်ထောက်ထား လိုက်လေပြီ။
ဒါက ကျင်းဝမ်ရဲ့ ကျွမ်းကျင်မှုကို သက်သေပြလိုက်တာ။ လူတိုင်းရဲ့ရှေ့မှာတော့ ဆဌမ မင်းသား ဟာ သူ့ရဲ့ထိန်းချုပ်မှုအောက်ကို ရောက်သွားသည်။
"မင်း ဘာလုပ်ဖို့စီစဉ်ထားလဲ....." မုထျန်းရှောင်က သူ့တံတွေးကို မျိုချလိုက်သည်။ ဓားမြှောင်ရဲ့ အေးစက်တဲ့ အန္တရာယ်ရှိတဲ့ အလင်းရောင်က သူ့ကို လုံးဝကို ထိတ်လန့်စေတော့သည်။
သူသည် သူ့ဇနီး၏လည်ချောင်းတစ်ဝိုက်တွင် သံကြိုးတစ်ချောင်းကို မညှာတာစွာ ချည်နှောင်နိုင်ပေမယ့် သူ့လည်ပင်းကို ဓားမြှောင်နဲ့ ဖိထားလိုက်တာက သူ့ခြေထောက်တွေကို ပျော့ခွေကျအောင် ခြောက်လှန့်ဖို့ လုံလောက်နေလေပြီ။
ဒါပေမယ့် ဒီလိုအခြေအနေမျိုးမှာ ဘယ်သူက မကြောက်ပဲ နေမှာလဲ။
ကျင်းဝမ်သည် ဓားမြှောင်ကို ကိုင်ထားပြီး ဆဌမ မင်းသား ၏လည်ချောင်းကို လက်တစ်ဖက်ဖြင့် ဖိလိုက်သည်။ သူ့လက်တစ်ဖက်ဖြင့် လေထဲတွင် လွင့်နေသေးသော ငါးကို ဖမ်းလိုက်ပြီး သူ့ င်္အကျီလက် နောက်တွင် ဝှက်ထားလိုက်သည်။
လီယွီသည် ဧကရာဇ်မင်း၏ ခြိမ်းခြောက်ခြင်းကို ခံရကြောင်း သိလိုက်သည်။ ကျင်းဝမ်က အခွင့်အရေး တစ်ခုလိုနေသည်။ လီယွီက သူ ကိုယ်တိုင်လည်း ဆဌမ မင်းသားလေးကို သွားပြီး ဖမ်းချုပ်လို့ မရသဖြင့် စိတ်ကူးမယဉ်နိုင်အောင် လူတွေကြားထဲ ပရမ်းပတာအခြေနေတစ်ခုကို ဖန်တီးလိုက်ရုံသာ တတ်နိုင်သည်။
ကျင်းဝမ်သည် ယခင်က လီယွီ လုပ်ခဲ့ဖူးသည့် အရှုပ်အထွေးများ အားလုံး အပြီးတွင် မကြာခဏ အစသတ်ပေးရသည်။ ဒါကြောင့် သူက လီယွီ၏ လုပ်နည်းလုပ်ဟန်နှင့် မစိမ်းတော့ပေ။ လီယွီသည် ပုလင်းထဲမှ မထွက်ခွာမီတွင် ကျင်းဝမ် လှုပ်ရှားမှုလုပ်တော့မည်ကို မြင်လိုက်ရသည်။ လီယွီသည် ကျင်းဝမ်အတွက် ဆဌမ မင်းသား၏အာရုံကို အာရုံလွှဲရန် လိုအပ်သည်။
လီယွီသည် လှည့်ကြည့်လိုက်သောအခါ ထူထဲသော ကော်ဇောခင်းထားသည့် ကြမ်းပြင်ကို လှမ်းကြည့်လိုက်သည်။ ခုန်ထွက်လာသောအခါတွင် သူသည် ဝမ်းဗိုက်ကို ကာကွယ်ရန် အစွမ်းကုန်ကြိုးစားကာ ကော်ဇောဆီကို ဦးတည်သွားလေသည်။ မူလက သူသည် ဆဌမ မင်းသားကို နှစ်ကြိမ်ရိုက်ပြီးနောက် ကြမ်းပြင်ပေါ်သို့ ဆင်းရန် စီစဉ်ခဲ့သည်။ ကျင်းဝမ်ထံတွင် လျှို့ဝှက်လက်နက်တစ်ခု ရှိသည်။ ဒီအခွင့်အရေးကို သူသေချာဆုပ်ကိုင်ထားနိုင်လိမ့်မည်။
လီယွီသည် ထောင့်တစ်နေရာသို့ ကျပန်းခုန်ဆင်းကာ သူ၏နေရာလွတ်ထဲမှ ရေချိုအချို့ကို ဆွဲထုတ်နိုင်ခဲ့သည်။
ကံကောင်းထောက်မစွာပင် သူသည် သူ၏ နေရလွတ်ထဲတွင် ပုလင်းနှင့် ငါးကန်တစ်ခုကို သိမ်းဆည်းခဲ့သည်။ ကျန်တဲ့နေရာအားလုံးက ရေချိုတွေနဲ့ ပြည့်နေသည်။ လောလောဆယ်တော့ သလင်းကျောက် ပုလင်းက ကွဲနေပြီ။ သို့သော်လည်း ငါးကန်မှာ ရှိနေသေးသည်။ ငါးကန်ကို အပြင်သို့ ထုတ်ပေးနိုင်သည်။ ငါးကန်ထဲမှာ ပုန်းနေသရွေ့တော့ ခေတ္တဘေးကင်းမှာပါ။
လီယွီက မမျှော်လင့်ထားပေမယ့် ကျင်းဝမ် နဲ့ သူက စိတ်ချင်းဆက်နေသလိုပင်။ ကျင်းဝမ်သည် သူ အသည်းအသန်ဖန်တီးခဲ့သော အခွင့်အရေးကို အမိအရယူကာ ဆဌမ မင်းသား ကိုဖမ်းရန် ဓားမြှောင်ကို အသုံးပြုရုံသာမက ငါးကိုလည်း သေချာ လက်ထဲ ဖမ်းဆုပ်လိုက်နိုင်သေးသည်။ ဝမ်းသာအားရဖြင့် လီယွီသည် ကျင်းဝမ်၏လက်ချောင်းများတဝိုက်တွင် သူ့အမြီးဖြင့် တင်းကျပ်စွာ ရစ်ပတ်ထားသည်။
ရှင်ခြင်းနှင့်သေခြင်းကြား အရေးကြီးသောအခိုက်အတန့်ဖြစ်ပေမယ့် ကျင်းဝမ်သည် ငါး၏ဦးခေါင်းကို ညင်သာစွာပွတ်သပ်ရန် သူ၏လက်မကို အသုံးပြုလိုက်သည်။
ကျင်းဝမ်သည်က လူတကာ ငါးကို မမြင်စေဖို့ သူ့ခန္ဓာကိုယ်နှင့် င်္အကျီလက်ကို အသုံးပြုခဲ့သည်။ လီယွီသည် ငါးကန်ကို ဆွဲထုတ်ကာ အထဲသို့ ခုန်ဆင်းသွားခဲ့သည်။
နောက်ပိုင်းမှာတော့ သူ့နှလုံးသားက တဒိန်းဒိန်းခုန်နေသေးပေမယ့် မိုးနတ်မင်းကို ကျေးဇူးတင်ပါတယ်၊ လောင်ကုန်းလည်း အဆင်ပြေတယ်။သူ့ဗိုက်ထဲက ချိုမြိန်သော မုန့်လုံးလေးလည်း အဆင်ပြေသည်။
QQ ....ငါး ဒါကို အောင်မြင်အောင် လုပ်နိုင်ခဲ့ပြီ...
"ကျင်းဝမ်၊ မင်းဘာလုပ်ဖို့ စီစဉ်ထားလဲ!"
ဆဌမ မင်းသားသည် အလွန်ကြောက်လန့်ကာ အဆက်မပြတ် အော်ဟစ်နေခဲ့သည်။
ကျင်းဝမ်သည် ဆဌမ မင်းသားကို ဖြတ်ကျော်ကာ ကိုယ်လုပ်တော်ကျန်းကို ရေခဲနှင့်တူသော အေးစက်စက် အကြည့်ဖြင့် ကြည့်လိုက်သည်။
"ခမည်းတော်ကို လွှတ်လိုက်..." ကျင်းဝမ်က လေးလံသော အသံဖြင့် ပြောလိုက်သည်။
ဆဌမမင်းသား သည်ကိုယ်လုပ်တော် ကျန်း ၏သားဖြစ်သည်။ ကိုယ်လုပ်တော် ကျန်း သည် ဧကရာဇ်မင်း အား ဓားစာခံအဖြစ် အသုံးချနိုင်သောကြောင့် ကျင်းဝမ်သည် ဆဌမ မင်းသားအား ဓားစာခံအဖြစ် အသုံးပြု၍ ကိုယ်လုပ်တော် ကျန်း နှင့် ညှိနှိုင်းရန် အသုံးပြုနိုင်သည်။
ကျင်းဝမ်၏ အက်ရှသော အသံကိုကြားလိုက်ရတော့ ဆဌမ မင်းသား သည် ခေတ္တမျှ အံ့အားသင့်သွားသည်။ သူသည် ကြောက်ရွံ့ထိတ်လန့်စွာဖြင့် ကျင်းဝမ်ဆီသို့ လှမ်းကြည့်လိုက်သည်။
ကျင်းဝမ်သည် မွေးရာပါ ဆွံ့အသူ မဟုတ်ဘူးလား။ သူ ဘာလို့ရုတ်တရက် စကား ပြောနိုင်တာလဲ။
ကန်ချင်း နန်းတော်ရှိ လူတိုင်းသည် ကျင်းဝမ်၏ ကျယ်လောင်စွာ ပြောဆိုလိုက်သံကို ကြားရတော့ သူတို့အားလုံး တုန်လှုပ်ခြောက်ခြားသွားကြသည်။
ကျင်းဝမ်၏ ဆွံ့အခြင်းသည် အမှန်တကယ် ပျောက်ကင်းသွားပြီလား...
********-*********
YOU ARE READING
(Completed) အာဏာရှင်ဆိုးကြီးရဲ့ အချစ်တော်ငါး (MM translation)
Historical FictionGenre _ Historical, Romance, Comedy, Yaoi
