Chapter (64-1) _ ရှောင်ယွီရဲ့ စည်းကမ်း သုံးချက်
"ကျွန်တော် စဉ်းစားမိတာက ကျွန်တော်က အရှင်မင်းသားကို သဘောကျတယ်။ အရှင်မင်းသားနဲ့ အတူနေချင်တယ်၊ အရှင်မင်းသားက ကျွန်တော့် တောင်းဆိုမှု အနည်းငယ်ကို လိုက်နာဖို့ ကတိပေးနိုင်မလား၊ အရှင်မင်းသား သဘောတူရင်ကျွန်တော်တို့ အတူတူ နေကြရအောင်"
လီယွီက ရှက်ရွံ့ကာ တိုးတိုးလေးပြောလိုက်သည်။ .
သူသည် စိတ်ရှုပ်ထွေးတတ်ပြီး သူစိမ်းများနှင့် စကားပြောရတာ သိပ်အဆင်မပြေသော်လည်း သူနှစ်သက်သောသူများနှင့် ပွင့်လင်းစွာ ပြောတတ်သည့် အားသာချက်လေးတော့ ရှိသည်။
တကယ်တော့ သူ့ရဲ့ အချိန်တိုတောင်းတဲ့လူသားအသွင် ပြောင်းလဲမှု စွမ်းရည်က သူ့ကို ခုလို ရဲဝံ့စွာ ပြောနိုင်ရန် လှုံ့ဆော်ပေးနေခဲ့တာဖြစ်တယ်။ တစ်ရက်မှာ တစ်နာရီပဲ လူသားအသွင် ပြောင်းနိုင်တာ ဆိုတော့ သူလိုချင်တာကို ရှေ့တန်းတင်ပြီး ညှိနှိုင်းလိုက်ရင် နှစ်ယောက်အကြား ချောချောမွေ့မွေ့နဲ့ ချစ်ကြိုက်သွားနိုင်လောက်ပါရဲ့....
လီယွီက ကျင်းဝမ် သူ့အပေါ် ဂရုစိုက်မှုကို တွေးတောလိုက်ပြီး ယုံကြည်မှုအပြည့်နှင့် စာရွက်ကို မြင့်မြင့်ကိုင်ထားကာ ကျင်းဝမ်ကို ကမ်းပေးခဲ့သည်။
ကျင်းဝမ်က သူ့ကို ရှေးခေတ် စာလုံးရေးနည်းကို သင်ကြားပေးခဲ့ပြီး ဒီတစ်ကြိမ်တွင် လီယွီသည် အမှားအယွင်းမရှိအောင် အတတ်နိုင်ဆုံးကြိုးစားရေးကာ စက္ကူကို မင်တွေ မပွအောင် သန့်ရှင်းသပ်ရပ်အောင် အတတ်တိုင်ဆုံး ကြိုးစားခဲ့သည်။
"နှစ်ဦးသဘောတူစည်းကမ်းများ" ဆိုပေမယ့် သူ တစ်ယောက်တည်းကပဲ စဉ်းစားပြီး စေတနာနဲ့ ရေးထားတာဖြစ်သည်။
လီယွီ ကိုယ်တိုင်ရေးထားတဲ့ လက်ရေးကို ကျင်းဝမ်က သဘောကျတယ်လို့ ဝမ့်ကုန်းကုန်းပြောတာကို ကြားပြီးနောက် လီယွီက ဝမ်းသာပီတိဖြစ်နေပါပြီ။
ကျင်းဝမ်က သူ့လက်ကို ဆန့်ထုတ်လိုက်ပြီး လီယွီ၏ လက်ချောင်းများတွင် စွန်းထင်းနေသည့် မှင်များဖြင့် အရင် သူ့လက်နှင့် ဂရုတစိုက် ပွတ်တိုက်ကာ မှင်တွေကို သုတ်ပေးလိုက်သည်။
YOU ARE READING
(Completed) အာဏာရှင်ဆိုးကြီးရဲ့ အချစ်တော်ငါး (MM translation)
Historical FictionGenre _ Historical, Romance, Comedy, Yaoi
