Chapter (128-2) - နန်းတော်ကို ထိန်းချုပ်ထားခြင်း
လီယွီသည် ကျင်းဝမ်ကို သိုင်းဖက်ကာ ပြုံးလျက်ပြောလိုက်သည်။
" ကျွန်တော် တစ်နေကုန် အနားယူနေတာ၊ ဘယ်လိုလုပ် ပင်ပန်းရမှာလဲ ။ စိတ်မပူပါနဲ့။"
ကိုယ်ဝန်ဆောင်ချိန်မှာ လူတွေ လမ်းမလျှောက်နိုင်သလိုမျိုး မဟုတ်ပေ။ ကျင်းဝမ်သည် ကိုယ်ဝန်နှင့် ပတ်သတ်လာလျှင် အနည်းငယ်လွန်ကဲလွန်းသည်ဟု သူ အမြဲတမ်းခံစားမိသည်။
ထို့အပြင်၊ ဒါက ကန်ချင်း နန်းတော်တွင် သူတို့ကို အခစားဝင်ဖို့ ဧကရာဇ်မင်းမြတ်ထုတ်ပြန်ခဲ့သည့် အမိန့်တော်ဖြစ်သည်။ ယခုအချိန်အထိ လီယွီသည် ဧကရာဇ်ကို ကြိမ်ဖန်များစွာမြင်ဖူးပြီး ကျင့်သား ရနေလေပြီ။ ဧကရာဇ်၏ဆန္ဒကို လွန်ဆန်ရန်မလိုအပ်ဟု သူ ထင်သည်။
ယခုအချိန်တွင် ကျင်းဝမ်သည် အုပ်စိုးရှင်ရာထူးနှင့် ခြေတစ်လှမ်းသာ ကွာဝေးတော့သည်။ ဤအရာကြောင့် ဧကရာဇ်နှင့် အခြားသူများ၏ ပြစ်တင်ဝေဖန်ခြင်းကို ခံခဲ့ရပါက သို့မဟုတ် ဧကရာဇ် မပျော်မရွှင်ဖြစ်အောင် လုပ်စ်မိပါက ဆုံးရှုံးမှုကြီးကြီးမားမားဖြစ်လိမ့်မည်။
လီယွီ၏အမူအရာမှာ "ငါ့ကို ခေါ်ပါ၊ ငါအရမ်းချောတယ်" ဟူသော အမူအရာနှင့် ပြည့်နေသည်။ ကျင်းဝမ်ပြုံးပြီး နောက်ဆုံးတော့ လီယွီကို အတူခေါ်သွားရန် သဘောတူလိုက်သည်။ သို့သော်လည်း လီယွီကို စောင့်ရှောက်ရန် အစေခံများစွာကို ယူဆောင်လာရန် သူ အခိုင်အမာ ပြောခဲ့သေးသည်။
လီယွီကိုယ်တိုင်က "နိုင်ငံကို မျှဝေခြင်း" မစ်ရှင်၏ နောက်ဆုံးရ သတင်းကို ရုတ်တရက် သတိရသွားသည်။ ဤအချိန်သည် ဧကရာဇ်နန်းတော်သို့ ဝင်ရောက်ခြင်းမှာ ကျင်းဝမ်နန်းတက်ခြင်းနှင့် ဆက်စပ်နေခြင်း ဖြစ်နိုင်မလား။ ဒါက ပွဲကြီးဖြစ်ကောင်းဖြစ်နိုင်မလား။
ဧကရာဇ်နန်းတော်အတွင်း ရန်သူတပ်များ ရှိနေသေးသည်။ သတိထားရန်အလို့ငှာ လီယွီသည် သူ အသုံးပြုလေ့ရှိသော အရာအချို့ကို သူ၏ နေရာလွတ်ထဲတွင် ထည့်ထားရုံသာမက မြိအောင် ထက်သည့် ဓားမြှောင်တစ်ချောင်းကိုလည်း ထည့်သွင်းခဲ့သည်။
YOU ARE READING
(Completed) အာဏာရှင်ဆိုးကြီးရဲ့ အချစ်တော်ငါး (MM translation)
Historical FictionGenre _ Historical, Romance, Comedy, Yaoi