(Completed) အာဏာရှင်ဆိုးကြီးရဲ့ အချစ်တော်ငါး (MM translation)

Chapter (99-1) - အရှင်မင်းသား လာကယ်ပြီ

Chapter (99-1) -  အရှင်မင်းသား လာကယ်ပြီ



မြစ်ထဲတွင် နေရသဖြင့် လီယွီက  ခေတ္တခဏတော့ ဘေးကင်းနေသေးသည်။ သို့သော်လည်း ကျင်းဝမ် က သူ့ကို ကယ်တင်ဖို့ စောင့်နေလို့ မရပေ။  ဓားပြတွေက သူ့ကို ဖယ်ရှားဖို့ ဆုံးဖြတ်ခဲ့ရင် သူ့အသက်ရှင်ဖို့ သိနောက်ကျသွားလိမ့်မယ်။

အနည်းဆုံးတော့ ပေါင်းရိဟာ ဓားပြတွေလက်ထဲမှာ တကယ်မရှိဘူးဆိုတာကိုသိရတော့ ရှေ့ဆက်လုပ်မယ့် အစီစဉ်ကို ခေါင်းအေးအေးနဲ့ စဉ်းစားနိုင်ခဲ့သည်။ ဓားပြများက သူ့ကို ဖမ်းမိသော်လည်း မည်သူမည်ဝါမှန်း မသိသောကြောင့်၊ ကျင်းဝမ် ကို ခြိမ်းခြောက်ရန် သူ့ကို အသုံးမချနိုင်ပေ။ ဒါက ကံဆိုးခြင်းကြားတွင် ကံကောင်းခြင်းတစ်ခုဖြစ်သည်။

လီယွီက သူ့ကိုယ်သူ အဆက်မပြတ် နှစ်သိမ့်ပေးရင်း   အနည်းငယ် စိတ်တည်ငြိမ်အောင် လုပ်ကာ ယခု သူကြုံတွေ့နေရသော အခြေအနေကို သေချာစဉ်းစားနေသည်။သို့သော် သူ လွတ်မြောက်ချင်တာ သေချာသည်၊ ငါးလူသားသည် သွက်လက်သောခြေထောက်များသာရှိသည်။ ဓားပြများလက်မှ လွတ်မြောက်ရန် အခွင့်အရေးကို အမိအရ ဖမ်းဆုပ်နိုင်ဖို့ သူ အချိန်စောင့်နိုင်ပါ့မလား။
 
ဒါကို သူတွေးနေစဉ် ဓားပြတစ်ယောက်က သူ့အနားက ဖြတ်သွားသည်။ လီယွီသည် ပုန်းအောင်းရန် ရေထဲသို့ အလျင်အမြန်ဝင်ခဲ့သည်။ဓားပြက သူ့ပုံစံကိုမြင်တော့ နည်းနည်းကျိန်ဆဲပြီး လီယွီကို ဖမ်းဖို့ သူ့လက်ကို ဆန့်လိုက်သည်။  

လီယွီသည် အဖမ်းမခံချင်သဖြင့် သူ့ ခြေထောက်ကို မြှောက်ပြီး ကန်ကျောက်ပစ်လိုက်ပြီး ဓားပြရဲ့ လက်က လွတ်သွားသည်။

ဓားပြက မထင်မှတ်ပဲ အကန်ခံရလို့  ဒေါသဖြစ်သွားလို့ သူ ယူလာတဲ့ ချွန်ထက်တဲ့ဓားကို ဆွဲထုတ်လိုက်သည်။

လီယွီသည် အကာအကွယ်လက်နက်များကို ကြိုတင်ပြင်ဆင်ထားခြင်းမရှိပဲ အလျင်စလို ထွက်လာမိလို့ ချက်ချင်းနောင်တရခဲ့သည်။ အလွန်အမင်းစိုးရိမ်သောကြောင့် ဖမ်းခံရမည်ဟုပင် မထင်ခဲ့ပေ။ သူသည် ငါးလူသားဖြစ်သောကြောင့် မည်သည့်အရာကိုမှ ဆုပ်ကိုင်ထားနိုင်ခြင်းမရှိပေ။

သူ့မှာ အမြီးရှိရင် ကောင်းမယ်...။

သူ့ငါးအမြီးကို အခုလောက် တစ်ခါမှ မလွမ်းဖူးပေ။  သူ့ခြေထောက်တွေရဲ့ ခွန်အားက ငါးအမြီးထက် အများကြီး အားနည်းသည်။  သူ၏ခန္ဓာကိုယ်အပေါ်ပိုင်းရှိ အကြေးခွံများသည် အကာအကွယ် တစ်မျိုးဖြစ်သော်လည်း ချွန်ထက်သောဓားကို တားဆီးနိုင်လောက်အောင် မမာကြောပေ။  ထို့အပြင် သူ၏ ခပ်တိုတို ငါးဆူးတောင်များသည် လူများကို ပါးရိုက်ချင်လည်း လက်လှမ်းမမှီပေ။

ဒါကို သူတွေးလိုက်ချိန်... သူ့ခန္ဓာကိုယ်ဟာ ဒီအရေးကြီးတဲ့အခိုက်အတန့်မှာ ပြန်ပြီး ပြောင်းလဲသွားတော့သည်။ မူလက သူသည် ငါးလူသားပုံစံဖြစ်သည်။ ရုတ်တရက် ရေထဲတွင် လွင့်မျောနေသည့် အမြီးကို ခံစားလိုက်ရသလို သူ့အောက်ပိုင်း ခန္ဓာကိုယ် ပေါ့ပါးသွားသလို ခံစားလိုက်ရသည်။

လီယွီ: "...."

လီယွီသည် အသာလေး လှည့်လိုက်ပြီး သူ့အမြင်အာရုံများ မမှားကြောင်း သေချာစေအောင် စစ်ဆေးခဲ့သည်။

သူ့အမြီး တကယ်ထွက်လာတယ်။ သူသည် ငါးလူသားနှင့် လူငါးမဖြစ်မီက ပုံစံတစ်ခုစီသည် တစ်နေ့တာလုံး နေရသည်။ သူ့ အလုပ်ရဲ့သုံးရက်မြောက်နေ့မှာ ခုလို ပြောင်းနိုင်မယလို့ ဘယ်သူထင်မှာလဲ။

သူ အမှတ်တမဲ့ အသွင်ပြောင်းသွားတာလား!ဒါပေမယ့် ခုလိုပြောင်းတာလည်း အချိန်ကောင်းပဲ။ ပထမဆုံး သူ ဒီဓားပြကို ဖယ်ရှားပြီးမှ စဉ်းစားမယ်။

ဓားပြက သူ့ဓားဖြင့်  လီယွီကို လှမ်းထိုးလိုက်ပေမယ့် လီယွီသည် ရေထဲသို့ သွက်သွက်လက်လက် ခုန်ဆင်းသွားသဖြင့် ဓားပြသည် သူ့ကို လုံးဝ ဖမ်းမမိနိုင်ပေ။ ဓားပြက ဒေါသတကြီး ရေနားကို တိုးလာချိန်   လီယွီသည် ရေအနက်တွင် ဝှက်ထားခဲ့သော အမြီးဖြင့် ထိုလူကို တမင်တကာ ပုတ်လိုက်သဖြင့်  ဓားပြက ချက်ချင်း ရေထဲကျသွားသည်။

သူပြန်မထနိုင်ခင်မှာ လီယွီ က သူ့ငါးမြီးကို မြင့်မြင့်မြှောက်ကာ ဓားပြရဲ့ခေါင်းကို ရိုက်ပစ်လိုက်သဖြင့်  ဒီဓားပြက အော်ဟစ်ဖို့တောင် အချိန်မရှိပဲ ချက်ချင်းသတိလစ်သါားသည်။  လီယွီသည် သတိလစ်နေသောဓားပြကို ကျောက်ဆောင်တစ်ခုနောက်သို့ အလျင်အမြန်ဆွဲထုတ်လိုက်သည်။

တခြား ဓားပြတွေ တယောက်စီ ဝင်လာရင် ဒီနည်းအတိုင်းပဲ ကိုင်တွယ်လို့ရပေမယ့် အစုအပြုံလိုက်လာရင်တော့ သူ တစ်ယောက်တည်း မကိုင်တွယ်နိုင်လောက်ပေ။

ထို့အပြင် ငါးအမြီးသည် ဓားပြများကို ချေမှုန်းနိုင်သော်လည်း အလွယ်တကူ ထွက်ပြေးလွတ်မြောက်ရန် မဖြစ်နိုင်ပေ။  သူ၏ အဓိက ပန်းတိုင်မှာ လွတ်မြောက်ရန်ပင် ဖြစ်သည်။

ခဏနေဦး....
 လီယွီ သည် ခြေထောက်ရှိခြင်း၏ အကျိုးကျေးဇူးများအကြောင်း  တွေးတောနေစဉ်  သူ့ခန္ဓာကိုယ်အောက်ပိုင်း ပြောင်းလဲသွားသည်ကို ချက်ချင်းတွေ့လိုက်ရသည်။ သူ၏ ငါးမြီးသည် လူ့ခြေထောက်ဆီသို့ ပြန်ပြောင်း သွားသည်။

လီယွီ: "......"

ဒါကို မကြာခဏ အပြန်ပြန်အလှန်လှန် မပြောင်းလဲနိုင်ဘူး မဟုတ်လား။

လီယွီသည် စိတ်ငြိမ်ငြိမ်ထားနိုင်သည့် အချိန်တွင် သူက အမှန်တကယ် ထက်မြက်သည်။ယနေ့တွင် သူ၏ ပြောင်းလဲမှုတိုင်းကို စတင်စစ်ဆေးခဲ့သည်။

ပထမအကြိမ်တွင် သူသည် ငါးလူသားအဖြစ်သို့ ပြောင်းလဲသွားသောအခါက သူက ငိုနေသည့် ကလေးက ပေါင်းရိ ဟုတ်မဟုတ် စစ်ဆေးရန် အပြင်သို့ အလျင်အမြန်ထွက်ပြေးသွားခဲ့သည်။ဒုတိယ အကြိမ်တွင် ရေသူထီး အဖြစ်သို့ ပြောင်းလဲသွားသောအခါ သူသည် ဓားပြကို ရိုက်နှက်ရန် အမြီးရှိစေဖို့ ပြင်းပြင်းထန်ထန် တွေးတောနေခဲ့သည်။အခုမှပဲ သူက ခြေထောက်တွေသုံးပြီး ထွက်ပြေးဖို့ စဉ်းစားနေချန်  ယခု   သူသည် ငါးလူသားအဖြစ်သို့ ပြောင်းလဲခဲ့သည်။

နောက်ဆုံးနေ့ရဲ့ အသွင်ပြောင်းခြင်းသည် သူ၏ဆန္ဒပေါ်တွင် မူတည်နေသလား။   သူ- တကယ်ကို လူသားအဖြစ် ပြောင်းလဲချင်နေတာလေ။

လီယွီသည် အချိန်အတော်ကြာအောင် စောင့်ခဲ့သော်လည်း ဘာမှမဖြစ်ခဲ့ပေ။ သူ၏ ငါးဆူးတောင်များသည် သေးသေးကွေးကွေး ငါးဆူးတောင်များဖြစ်ပြီး မည်သည့်အရာကိုမျှ ဆုပ်ကိုင်နိုင်ခြင်း မရှိသေးပေ။

လီယွီရဲ့ အတွေးတွေက အလုပ်မဖြစ်တော့ဘူးပေါ့။ အစတုန်းက ဒီမစ်ရှင်ကို လုပ်တဲ့အချိန် သူ့ရဲ့ လူသားအသွင် ပြန်ပြောင်းတဲ့ စွမ်းရည်ကို သူ တိတ်တဆိတ် သုံးနိုင်ဦးမည်ဟုထင်ခဲ့သည်။ ဒါပေမယ့် အယုတ်တမာ System က သူ့စွမ်းရည်ကို ကန့်သတ်ထားပုံရသည်။ သူ့မစ်ရှင် မပြီးမချင်း လူသားအသွင်း ကူးပြောင်းနိုင်သည့် စွမ်းရည်က အလုပ်လုပ်မယ့်ပုံမပေါ် တော့ပေ။

....... ပြီးပြည့်စုံသောလူသားအဖြစ်သို့ မပြောင်းလဲနိုင်ခဲ့ပါက ပြီးပြည့်စုံသောငါးအဖြစ်သို့ ပြောင်းလဲနိုင်ပါသလား။

ဒါကို သူက ပေါ့ပေါ့ပါးပါးပဲ တွေးနေခဲ့တယ်။အချိန်။ ရုတ်တရက် သူ့အကြည့်တွေက သူ့ကိုယ် အောက်ပိုင်းသို့ ဆင်းလာပြီး သူ့ခန္ဓာကိုယ် အောက်ကို ကျသွားသည်။

လီယွီ:!!!

သူသည် ငါးအဖြစ်သို့ ပြောင်းလဲခြင်းအကြောင်းကို ပေါ့ပေါ့တန်တန် မပြောနိုင်ပုံရသည်... အဘယ်ကြောင့်ဆိုသော် သူသည် ငါးအဖြစ်သို့ အမှန်တကယ် ပြန်သွားခဲ့ခြင်း ဖြစ်သည်။

လီယွီပင် မယုံနိုင်အောင်ဖြစ်နေမိသည်။ သူ၏ငါးပုံစံသည် မူလအရွယ်အစားဖြစ်သည်။ သူ့ကိုယ်မှာ  ခြုံဖို့သုံးတဲ့ မျက်နှာသုတ်ပုဝါနဲ့ အဝတ်စတွေ အားလုံးက သူ့ပတ်ဝန်းကျင်မှာ ပြုတ်ကျသွားသည်။  သူသည် အဝတ်တွေထဲမှ အလွယ်တကူ ထွက်သွားနိုင်သည်။

သူသည် ငါးတစ်ကောင်အဖြစ်သို့ ပြောင်းလဲသွားသောကြောင့် အရာအားလုံး ကောင်းမွန်နေသည်။ လီယွီသည် မြက်ခင်းပြင်တွင် ပုန်းနေပြီး ဓားပြများကို ငြိမ်သက်စွာ ကြည့်နေသည်။

ဘာပဲဖြစ်ဖြစ်၊ ဒီဓားပြအုပ်စုဟာ သူတို့ရဲ့ဓားစာခံကို ငါးအဖြစ်ပြောင်းပြီး ပုန်းအောင်းနိုင်မယ်လို့ ဘယ်တော့မှ စိတ်မကူးမိပေ။ ဓားစာခံသည် တိတ်တဆိတ် ထွက်ပြေးသွားသည်ဟုသာ ထင်မြင်ကြသည်။

ဓားပြတွေက ခဏလောက် ငြင်းခုံနေကြတယ်။ ဓားစာခံကို  ရှာဖို့ ရှုပ်ယှက်ခတ်ပြီး ခဏကြာမှ ပြန်မလာတော့တဲ့ အပေါင်းအဖော်ကို သတိရကာ သူတို့က ကျိန်ဆဲပြီး လာကြည့်ကြချိန် မြစ်ရေတိမ်ပိုင်းတွင် သတိမေ့နေသည့် သူတို့ အဖော်ကို တွေ့လိုက်ရသည်။ ဓားစာခံဝတ်ထားသည့် မျက်နှာသုတ်ပုဝါနှင့် အထည်အလိပ်များ အားလုံး ဤနေရာတွင် ရှိနေသော်လည်း သဲလွန်စမရှိဘဲ လူက ပျောက်ကွယ်သွားခဲ့သည်။

"ဘာတွေဖြစ်နေတာလဲ? ဓါးဆာခံက ဘယ်သွားကြတာလဲ!"

ဒေါသကြီးသော ဓားပြတစ်ဦးသည် သတိလစ်မေ့မြောနေသော ဓားပြကို ရေထဲမှ ဆွဲထုတ်ကာ  အကြိမ်ကြိမ် ပါးရိုက်လိုက်ကြသည်။

သတိလစ်နေသော ဓားပြသည် နိုးလာပြီး အသိပျောက်ဆုံးနေပုံရသည်။ လီယွီ၏ ငါးအမြီးကို ခလုတ်တိုက်၍ လဲကျသွားသောအခါတွင် သူ ဘာကိုမျှ မတွေ့ရတော့သည်မှာ ရှင်းပါသည်။

"မင်းတို့ဘာတွေရပ်နေတာလဲ။ သူ့ကို အမြန် မောင်းထုတ်လိုက်!"

လူအုပ်အတွင်းမှ တစ်စုံတစ်ယောက်က အော်လိုက်သည်။ ဓားပြများ အားလုံး ဓားစာခံကို ရှာဖွေရန် ပြေးသွားကြသည်။

လီယွီသည် အသက်အောင့်ကာ ခဏစောင့်လိုက်သည်။

မျက်နှာဖုံးစွပ်ထားသော ဓားပြသည် အခြားဓားပြများနှင့် တွဲမနေပေ။ ယင်းအစား သူသည် မြစ်ငယ်ရေတိမ်ပိုင်း၏ အစွန်းဘက်သို့ လှမ်း၍ ခဏမျှ လှမ်းကြည့်သည်။ သူ ဘာမှမမြင်ရပေမယ့် ထိုဓါးပြက အမှန်တကယ်လက်မလျှော့ခဲ့ပေ။ ဝပ်တွားပြီး ရေထဲမှာ နည်းနည်းလောက် တူးဖော်နေဆဲဖြစ်သည်။

လီယွီသည် တစ်ဖက်လူ၏လက်ကို ရှောင်ရန် အကောင်းဆုံးကြိုးစားခဲ့သည်။ သူ တစ်ချက်ကြည့်လိုက်ပြီး ဒီလူရဲ့လက်မှာ အမာရွတ်တစ်ခုရှိနေတာကို မြင်လိုက်ရပြီး ထိုဒဏ်ရာက တိရိစ္ဆာန်တစ်ကောင် အကိုက်ခံရလို့ ဖြစ်နေတဲ့ သွားရာ အမှတ်အသားတွေလို မထင်မှတ်ဘဲ တွေ့ရှိခဲ့သည်။

ဒီလူက ရေထဲက ဘာမှမတွေ့ဘူး။ လူသူကင်းမဲ့သော နတ်ကွန်းဆီ  ဦးတည်လာသည့် လမ်းထက်တွင် တိုက်ခိုက်အသံများ ကျယ်လောင်စွာ ထွက်ပေါ်လာသောအခါတွင် သူ မတ်တပ်ထရပ်လိုက်တော့သည်။

ပြေးထွက်လာသော ဓားပြအများအပြားသည် ယခု ပြန်လာကြပြီး ထိတ်လန့်တကြားအော်ကြသည်–
"ဗျူဟာမှုး ၊ မကောင်းတော့ဘူး။ ကျင်းဝမ် က သူ့လမ်းကို သတ်နေတယ်!"

ဒါဆိုရင် ဒီလူက ဓါးပြတွေရဲ့ ပဲ့ကိုင်ရှင် ဗျူဟာမှူးပေါ့....

လီယွီသည် စိတ်လှုပ်ရှားစွာ သူ့အမြီးကို ဆွဲလိုက်သည်။

အရှင်မင်းသားက အရမ်းမြန်တယ်။ နောက်ဆုံးတော့ သူ့ကို ကယ်တင်ဖို့ ရောက်လာပြီ...

ကျင်းဝမ် သည် လူသူကင်းမဲ့သော နတ်ကွန်းတံခါးများအတွင်းသို့ ဝင်ရောက်လာသည့်နှင့် ထိုနေရာ တစ်ခုလုံး သွေးများဖုံးလွှမ်းသွားတော့သည်။ ဓားပြတစ်ယောက်သည် အရဲစွန့်ကာ ဓားဖြင့်ထွက်လာခဲ့သည်။ ကျင်းဝမ် က ဓားတစ်ချောင်းနဲ့ ချက်ချင်း သတ်ပစ်လိုက်တယ်။

ကျင်းဝမ်က လူသတ်လိုသည့် ရောင်ဝါဖြင့် ဖုံးလွှမ်းနေကာ ကြောက်မက်ဖွယ်ကောင်းသော မျက်လုံးအကြည့်တွေဖြင့်  သူ့သွားရာလမ်းတွင် ရပ်နေသော မည်သူကိုမဆို ဖြတ်တောက် ခုတ်ပိုင်း ပစ်လိုက်သည်။ ဓားပြတွေက ချက်ချင်း ဘယ်ညာအကုန် လဲကျသွားသည်။

တစ်ယောက်တည်း ကျန်သည့် ဓါးပြမှာ  ဗျူဟာမှူးကိုယ်တိုင် ဖြစ်သည်။

ဗျူဟာမှူးက သူ့လက်ကို ဖြည်းညှင်းစွာ မြှောက်လိုက်သည်။ လီယွီသည် လက်နက်ချတော့မည်ဟု ထင်သော်လည်း လျှပ်စီးလက်သည့် အရှိန်ဖြင့် ဗျူဟာမှူးက မီးခိုးဗုံးကို ပစ်လွှတ်လိုက်သည်။

အရှင်မင်းသား..သတိထား...

လီယွီ၏ နှလုံးသားမှာ စိုးရိမ်စိတ်ဖြင့် ပူလောင်နေသည်။ ဒီဘောလုံးက ထွက်လာတဲ့ မီးခိုးတွေက လူတွေကို သတိလစ်သွားစေနိုင်သည်။ သူအရင်က ကြုံဖူးပြီး ကျင်းဝမ် လည်း သတိမေ့သွားမည်ကို သူ ကြောက်နေသည်။
 

ကံကောင်းထောက်မစွာ၊ ကျင်းဝမ် အမြန်တုံ့ပြန်နိုင်ခဲ့သည်။ သူ့ဓားရှည်ကြီးကို ပြန်ပက်ကာ ထိုမီးခိုးဗုံးကို အဝေးသို့ လွှင့်ပစ်လိုက်သည်။


****-******