(Completed) အာဏာရှင်ဆိုးကြီးရဲ့ အချစ်တော်ငါး (MM translation)

Chapter (91-1) - ကလေးသုံးယောက်ကို စည်းရုံးခြင်း

"သားဖွားလက်သည် "အဖြစ်ရုပ်ဖျက်ထားသူက ကျင်းဝမ်၏ သစ္စာရှိ လက်အောက်ငယ်သားများထဲမှ တစ်ဦးဖြစ်သည်။ သူက ဆေးပညာ တချို့ သိသဖြင့် သူတို့ဝင်လာပြီးနောက် ပေါင်းရိရဲ့ကိုယ်ပေါ်က ရေတွေကို သုတ်ပေးပြီး ပေါင်းရိ၏ ကျန်းမာရေးကို စစ်ဆေးပေးသည်။ ထို့နောက် လီယွီ ရစ်ပတ်ထားခဲ့သော ချည်ထည်အဝတ်များဖြင့် ကောင်းစွာ ပြန်ပတ်ပေးခဲ့ကြသည်။

"သူ ဝမ်းနည်းလွန်းလို့ ငိုနေတာလား။ ဒါမှမဟုတ် တစ်နေရာရာမှာ အဆင်မပြေဖြစ်နေတာလား" လီယွီက တိတ်တိတ်ဆိတ်ဆိတ် မေးလိုက်သည်။

ပေါင်းရိက ငါးတစ်ကောင်ဖြစ်တုန်းက မျက်ရည်တစ်စက်တောင် မငိုခဲ့ဖူးဘူး။ သူသည် လူသားအဖြစ်သို့ ပြောင်းလဲပြီးနောက် ဘာကြောင့် ဒီလောက် ဝမ်းနည်းပမ်းနည်း ငိုနေရတာလဲ။

သစ္စာစောင့်သိသော ငယ်သားသည် စစ်ဆေး ပြီးသွားသည်နှင့ "မင်းသားလေး၏ ခန္ဓာကိုယ်က အရမ်း ကျန်းမာပါတယ်" ဟု လေးလေးစားစား ပြောဆိုခဲ့သည်။

သစ္စာရှိ လက်အောက်ငယ်သားသည် ထိုကလေးငယ် ဘယ်ကရောက်လာသည်ကို အမှန်တကယ် မသိခဲ့ပေ။ သူ သိထားရမည့် တစ်ခုတည်းသော အရာမှာ ထိုကလေးသည် မင်းသားငယ် ဖြစ်သည် ။ ထို့ အပြင် သူက သခင်တွေ မေးသမျှကို ဖြေပေးလိုက်သည် ။

"မင်းသားငယ်လေး ငိုရတဲ့အကြောင်းရင်းက မွေးကင်းစကလေးများအားလုံး ထိုကဲ့သို့ ငိုကြွေးလေ့ရှိသောကြောင့်ဖြစ်ပါတယ်။"

ပေါင်းရိက ဘာကြောင့် ငိုနေမှန်း မသိသေးတဲ့ လီယွ- "......"

မေ့လိုက်ပါတော့....ငါးပါးပါးက ပေါင်းရိ အသက်ကြီးပြီး စကားပြောတတ်လာတဲ့အခါမှ မေးလိုက်တော့မယ်....

ပေါင်းရိ၏ ခန္ဓာကိုယ်က ကျန်းမာနေလို့ သူ့ငိုသံက ကျယ်လောင်ပြတ်သားစွာပေါ်လာသည်။ ကျင်းဝမ်လည်း ထိုအခါမှ စိတ်သက်သာရာရသွားသည်။

သူ မှတ်မိသည့်အချိန်မှစ၍ သူက ဆွံ့အ သွားခဲ့သော သူ့ရဲ့ မသန်စွမ်းမှုက မျိုးရိုးလိုက်ကာ သားသမီးများထံ ကူးစက်နိုင်ခြေများသည်ဟု တော်ဝင်သမားတော်များက ပြောခဲ့သည်။