HANGAL
ni supladongtorpe09
Pinaniwala mo ako,
Binulag at pinaglaruan.
Pinakagat sa’yong pangako,
Na sabi mo’y walang hanggan.
Bakit ngayo’y wala nang maaninag
Kundi ang huwad na liwanag.
Gumagapos sa aking dibdib,
Na animo’y isa akong bihag.
Ang sinabi mong pagmamahal
Ay isa palang huwad.
Ginawa mo akong hangal,
At iniwang bulag.
Huwag kang mag-alala
Kung ako’y iiwan mo na.
Pipilitin kong maging Masaya,
Kahit alam kong hindi ko kaya.
Ibibigay ko na sa’yo
Ang hinihingi mong kalayaan.
Alam kong mahal mo’y di ako,
Nauunawaan ko naman.
Kahit masakit
ay aking kakayanin.
Ang malayo sa piling mo’y
pipilitin kong tanggapin.
Kung sa kanya ka masaya’y
wala akong magagawa.
Hindi na ako magpupumilit pa’t
Mga luha’y di ipahahalata.
Susun-susong hirap ng dibdib,
Mababakas mo sa ‘king matang sa luhay tigib.
Puso’y parang umaatungal,
Nagmumula pa sa madilim na yungib.
Hindi mo na sana ako pinaniwala sa’yong mga pangako.
Hindi mo na sana ako pinaibig kung ika’y lilisan din at lalayo.
Ngayo’y wala na ‘kong magagawa kundi ang sumuko.
Limutin ang alaala’t itapon ang aking pagsuyo.
Paalam na sa iyo aking mahal.
Maging Masaya sana kayo’t pagmamahala’y magtagal.
Matatangap ko rin ang ating kinahinatnan.
‘wag kang mag-alala dahil kakayanin ko naman!
*** It really hurts not to be caught by the one you loved when you fall for her.***
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
