Kahangalan
by aeiouxz
Masaya ka na naman
Magkahawak kamay kayong dalawa,
Naglalakad at nagkukuwentuhan,
Batid kong masaya ka sa piling niya.
Para lang naman akong anino mo,
Laging nakabuntot at hindi napapansin,
Alam ko namang hanggang dito na lang ako pagdating sa’yo,
Tutubuan na lang ng ugat sa kakatingin.
Bakit nga ba sinanay ko ang sarili ko sa ganito?
Nagtitiis na lang ng sakit sa tuwing masaya kayo.
Nais kitang hawakan, mayakap at mapasaya,
Pero hindi na ata kailangan dahil may iba ka na.
Napapansin mo ba ang pangangatal ng aking labi,
Sa tuwing ika’y napapalapit sa aking tabi?
Ramdam mo ba ang mabilis na pagtibok ng pusong pipi,
Sa tuwing magkakasalubong tayo’y hindi mapakali.
Araw-araw, hinihintay kita.
Oras-oras, minamahal kita.
Kung kaya’t minu-minuto, ako'y naiiwan,
Bawat segundo, ako’y nasasaktan.
Sino nga ba naman ako para mahalin mo?
Sino ako para mapansin ng isang taong tulad mo?
Isa kang maningning na tala na kailanma'y 'di maaabot,
Kaya’t heto ako ngayon, kasama’y pusong kumikirot.
Patago kitang minahal kaya’t patago akong nasasaktan.
Isa akong bilanggo ng nakabubulag mong kagandahan.
Mahal kita pero hindi na ako aasang ito'y masusuklian,
Ibubulong ko na lang sa hangin ang aking Kahangalan.
***
Apr. 26, 2014
12:30-12:40 pm
"Mahal kita... hanggang salita na lang yun.
Wag kang mag-alala, tatapusin ko na ang aking ilusyon."
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...