Patawad
by aeiouxz
Bakit kaya ngayong ako’y iniwan mo,
Ikaw pa rin ang s’yang nasa puso’t isip ko.
Nalulungkot nang labis, batbat ng hinagpis,
Hanggang kailan kaya ako magtitiis?
Nagtatanong kung minsan ba’y naiisip mo rin ako,
Binalikan ang kahapong may ikaw lang at ako.
Naaalala mo rin kaya ang tamis ng pagsuyo,
At ang pait na nadama nang tayo’t sumuko.
Patawad aking mahal sa lahat ng maling nagawa,
Ipagpatawad kung sa tukso’y naging mahina.
Mga pagkakamali’y naisin ko mang itama,
Hindi na maaari pagkat mas ninais mo nang lumaya.
Saan ka man naroroo’y mag-ingat ka sana,
Nawa’y mahanap na ang taong mas karapat-dapat sa’yong pagsinta.
Tunay na kaligayaha’y matagpuan mo na sana,
Samantalang ako’y nag-iisa, sa pagbabalik mo’y umaasa.
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...