Nais Kong Magbalik
By Michael Saudan
Nais kong magbalik
Sa bayan kong nilisan.
ako'y nananabik
Na muling masulyapan.
Ang araw na nakangiti
Na nagtataglay ng init
na humahaplos sa aking balat,
Na nagpapangiti, mapagkandili
At pinapawi ang pagkauhaw
Ng aking kaluluwa.
Nais kong magbalik
Sa aking bayan.
Kung saan ang mga ibon
Ay malayang lumilipad,
Na sa itaas ng bundok matatanaw
Ang marikit na ulap,
Ang malawak na dagat
Na kumikislap na tulad ng diyamante
Sa t'wing tinatamaan ng araw.
Pinaaalab ang aking puso.
Isang apoy na hindi nauubusan ng ningas,
Umulan man o umaraw,
Ay mananatiling buhay,
Mananatili ang pag-alab.
Nais kong magbalik
Sa aking bayan,
Sa bayan ng Pinamalayan,
Sa lalawigan ng Mindoro,
kung saan nagka-ugat
Ang mga pangarap ko.
Kung saan ang bawat araw
ay tulad ng isang dula.
Isang magandang palabas
Na may halong lungkot at tuwa,
Isang magandang katha.
Na naglalaman ng mga mukhang
Nais kong makita,
Nais kong mayakap.
Nais makasabay,
Sa paglalakbay,
Sa pagpupunyagi.
sa pagsisikap...
Nais kong magbalik sa aking bayan.
kung saan ako nagmula at magwawakas.
Kung saan ang kasulukuyan ay hindi pa natatanaw,
Ngunit abot-kamay ko na.
Katulad ng aking mga pangarap,
Na dahilan ng aking paglayo.
Ngunit ipinapangakong sa pagbabalik,
Ay magpaparang sulo.
Nagliliyab,
Nag-aalab.
Matindi ang ningas,
Hindi kumukupas.
Ilang sandali na lang.
Abot-kamay ko na ang lahat.
Hindi na ako nagbibilang ng sisiw
Na hindi pa napipisa ang itlog.
Natatanaw ko na ang lahat.
Malinaw, masaya, parang nakalutang sa mga ulap,
At nakakahinga na ako nang maluwag.
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
