NGITI
Ni supladongtorpe09
Nakabibighani.
Nakaaakit.
Nakikita ko sa aking guniguni,
Kahit ako’y nakapikit.
Mga ngiti mong kayrikit,
Ang bumihag sa aking puso.
Malamakatang linyang kaylupit.
Handang ialay sa iyo.
Pakiusap ko sa’yo magandang binibini,
Huwag mo akong lalapitan,
Pagkat kapag ako’y hindi nakapagtimpi,
Ika’y aking hahalikan.
Napapansin mo ba ang mga lihim kong sulyap
Kapag ika’y paparating?
At ang mga matang kumikislap
Kapag ika’y sakin nakatingin?
Nahulog na ako sa iyong mga ngiti.
Sa iyong mga salita ako’y nakikiliti.
Kinikilig ba ako o para lang maiihi?
Sa tulang itong isinulat ko pa kagabi,
Sana’y malaman mo ang lihim kong pagtatangi.
Huwag ka sanang magulat o kaya’y manggalaiti,
Sa mahalay kong tulang bunga ng iyong ngiti.
___________________________________________________________________
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...