NASAAN KA NA KAYA?
ni aeiouxz
naghihintay, nag-aabang
naghahanap ng makakausap
nagmumuni, nagbabalik,
naguguluhan ang isip
bakit ba kailangang mag-isa't
solohin ang sandali?
nasan ka na kaya?
nasaan ka na kaya?
kanina'y narito ka lang
pero bakit ngayo'y wala ka na?
alam kong ayaw mong umalis
pero bakit mo pa rin ginawa?
ramdam mo ba ang sakit,
na aking tinitikis?
ang hirap ng dibdib,
at mga buntong-hininga?
iniisip ko na lang na katabi kita.
na nandito ka lang at kapiling pa.
pero tanging malamig na hangin,
ang humahaplos sa akin.
wala ka na talaga.
tanda ng katotohanang ako'y iniwan mo na.
pero nasaan ka na kaya?
saang bahagi ng mundo kita makikita?
nasaan ka na kaya?
sana ako'y naiisip mo rin.
nasaan ka na kaya?
sana ako'y mahal mo pa rin.
magbabalik ka pa ba,
o hindi na?
dahil habang buhay akong aasa,
hangga't alam kong ang araw ay sisikat pa.
saan ka man dalhin ng iyong mga paa,
saan ka man dalhin ng pangarap mo sinta,
asahan mong ako'y hindi magbabago pa,
pero nasaan ka na kaya? nasaan ka na nga kaya?
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
