Paalam
by aeiouxz
Niyakap niya ako nang mahigpit.
Ang kaniyang mga luha ay dumako sa aking bisig,
ang kaniyang mga mata ay may bahid ng lungkot,
tila namamaalam, ramdam ko ang dinadala niyang kirot.
Nakapanghihina ang bawat niyang buntong hininga.
Nahahawa ako. Naaawa ako sa kaniya.
wala akong magawa kundi ang tingnan siya,
at hawakan ng mahigpit ang kamay niyang namumutla.
Bumuhos ang malakas na ulan.
Tumila.
at sa tuluyang pagsakop ng katahimikan sa paligid,
ay ang pag-alingawngaw ng mga panangis na pinaka-ayaw kong pakinggan.
111214
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...