Babalik ka pa ba?
Ni supladongtorpe09
Lagi na lang akong nakatingin
Sa mga bituin,
Pinagmamasdan ang langit,
At tinitiis ang sakit.
Bakit ba kailangan pang
Lumayo ka’t ako’y iwan.
Iniwan mong alaala,
Ngayo’y aking kabiguan.
Nasaan na ang pangako mong walang hanggan?
Nasaan na ang mga pangarap nating isinabog sa kalangitan.
Sabi mo noo’y singningning ng mga tala,
Ang mga pangarap nating ngayo’y naglahong parang bula.
Ito ba ang sinasabi mong tunay na pagmamahal?
Ang iwan akong nag-iisa’t parang hangal?
Hanggang kailan ba ako magsusumamo’t magdarasal,
Sa iyong pagbabalik na na hiling sa Maykapal!
Mga pigil na luhang kanina ko pa tinitiis,
Ngayo’y tila isang ilog na kung umagos ay kaybilis.
Pagdurusa, buntong hininga’t mga hinagpis,
Kailan ba matatapos, hanggang kalian ako magtitiis?
Sa iyong pag-alis ay dala mo na rin ang aking puso.
Pa’no pa ako mabubuhay kung sa piling mo’y malayo.
Ayaw mang iusal ang salitang pagsuko,
Ay kusang lumuluhod ang tuhod kong nagdurugo.
Nasaan ka man ngayon,
At saan man naparoon,
Asahan mong hindi magbabago ang noon at ngayon.
Mahal kita, mahal kita, hindi na magbabago ‘yon.
Hindi ako magsasawang maghintay
sa’yong muling pagbabalik.
Kabilang buhay man ang ating pagitan
Ako sayo’y mananabik.
Malabo man ang pag-asang
aking pinanghahawakan,
wag kang mag-alala
dahil iyo’y magpakaylanman.
Mahal na mahal kita,
Tandaan mo ‘yan.
Sa ‘ting muling pagkikita’y
Itutuloy natin ang pangako mong walang hanggan.
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
