KUNG MINSAN
Ang buhay kung minsa'y sadyang mapagbiro,
Minsa'y nagdurusa't puso'y nagdurugo.
Kung minsa'y di alam kung saan tutungo,
Sa dako ba ng saya o pagkabigo?
Kung minsan ay tila kay hirap hulaan,
Kung ano'ng mangyayari sa kapalaran.
Kahit ano'ng pagsisikap ang 'yong laan,
Di makaigpaw sa dakong kabiguan.
Kung minsan ang lunas ay ang kamatayan,
Isusuko ang lahat 'wag lang masaktan.
Nagpapakalango sa kapighatian,
at dinaramdam lahat ng kasawian.
Mga katoto ating pakaisipin,
Ang mga pagsubok ay biyaya sa atin
ng Poong Maykapal na s'yang maibigin
at inuunawa kahinaan natin.
Lahat ng salaghati'y may laang lunas.
Bumangon, kumilos, harapin ang bukas.
Isip ay ituon, problema'y lilipas,
Kung ito'y haharapi't isip ay bukas...
A/N: hehehhe cnxia na po, may pinagdadaanan lang nung sinusulat ko 'to... hehehheh
pero okay na po ako ngayon, hehhehe
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...