Nais ko siyang pigilan ngunit hindi ko magawa,
nais kong tawagin angkaniyang pangalan ngunit hindi ako makapagsalita.
nais kong sa kahuli-hulihang pagkakataon ay makita ang kaniyang mukha,
upang kahit sa panaginip ay doon na lang siya makita.
Sa papaliit niyang imahe ay nagbalik sa akin ang lahat,
nang una kong masulyapan ang mga mata niyang nangungusap.
ang lahat ng ngiti, mga hikbi at pagkukulang,
sa aki'y nanunumbat, nagdudulot ng alinlangan
wala na ngang talaga ang lahat sa amin,
alam kong mali ako ngunit bakit di ko maamin,
hinayaan ang oras na lumipas nang walang ginagawa,
upang bumalik ang kaniyang pagmamahal maging ang tiwala.
tuluyan nang nabasag ang aming pag-ibig,
tulad ng isang bulaklak na kahit hamog ay di nais dumilig.
at sa kaniyang paglisa'y pagsisisi ang lumupig
sa puso kong wala nang tibok pagkat wala nang umiibig.
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
