Naranasan mo na bang mahulog sa isang bangin?
Napakalalim na parang bang wala nang katapusan?
Na sinusubukan mong kumapit pero paulit-ulit na sumasabit,
Tinitiis ang sakit na walang kasing lupit.
Yung tipong kahit wala kang ginagawang masama
Pero sa tingin ng iba wala kang kwenta,
Nagmalasakit ka na't lahat-lahat, may nasasabi pa sila.
Sila na ang tingin sa sarili'y perpekto,
Mataas ang ihi na parang walang depekto.
Parang walang kapintasan, nagbubuhat ng sariling bangko,
Makitid ang utak, ang isip nama'y baliko.
Magkano ba ang binayad sa'yo't pinaghusayan mo na ata ang pangungutya?
Ilang bato ang nasinghot mo't parang high na high ka sa'yong mga linya?
Nakakaawa ka, Sarili MO Lang ang bilib sa'yo!
Daig mo pa ang droga sa sobrang Bangis mo!
Minsan natatawa na Lang ako sa Mga Parinig MO,
Para kang isang asong naglalaway dun sa kanto,
Daig mo pa ang sirang plaka, pati wasak na mikropono,
Mabuti PA siguro sumunod ka na kay Adolfo.
Si Adolfong silaw sa papuri, nabulag ang puso ng kasakiman
Walang pakialam kung marami man siyang masagasaan.
Nuknukan ng pagkaganid, sagad Hanggang buto,
Ni hindi mo mahawakan, pagkat napakalaki ng ulo!
O, bakit para atang Ika'y nanahimik,
Hindi ako Sanay na para kang nauumid.
Lahat ba ng katusuhan mo'y iyo nang naisip?
Puwes kung gayo'y totoo ang lahat ng 'yong narinig.
Bukod sa sarili mo'y walang ibang tatanggap sa'yo kundi ang iyong kapwa.
Ituring MO sila ng tama, ipakita sa gawa. Huwag magmalaki, pagpapakitang-tao'y iwasan,
Makinig sa iba, Hindi puro Sarili Lang.
(may nagpagawa lang, pwede nang i-rap)
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
