Wala na
by aeiouxz
Malaya na ako.
Sa sakit ng pusong sa aki'y tumalo.
Magagawa ko na ang lahat ng naisin ko,
wala nang magagalit o kaya'y magtatampo.
Wala na sa'king sisigaw,
wala nang mangangantiyaw.
Wala nang mangungurot
sa aking likod.
Wala nang magpapatimpla ng kape
tuwing umaga,
wala nang manggigising sa gabi
para sa banyo'y magpasama.
Wala na... wala nang magpapasikip ng aking puso
wala nang mangungulit at manunukso.
wala nang manggugulo, wala nang manunudyo,
wala nang mang-iinis at sa aki'y susuyo.
Wala na siya.. wala na talaga,
Masaya na siya sa iba samantalang ako'y nag-iisa.
Masaya? Ewan... siguro pinipilit ko lang,
bagamat may mga oras na naiisip ko ang aking pagukulang.
Wala na siya... ang babaeng dahilan kung bakit ako nabubuhay,
wala na sa akin ang lahat, ang buhay ko'y wala nang saysay.
ginawa ko ang lahat para mapasaya siya,
ngunit bakit sa huli'y naiwan akong tanga?
wala na talaga...
umiyak man ako ng bato'y wala nang mangyayari pa.
Wala na... wala na akong pag-asa,
ang lahat ng sa amin ay isa na lang alaala.
Kakayanin ko...
Ipagpapatuloy ko ang buhay ko...
Kahit masakit,
titiisin ko...
120114
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...