Maghihintay Sa’yo
by aeiouxz
Darating din ang araw
Na mamahalin mo rin ako.
Hindi ako magsasawang maghintay
Pagkat ika’y mahal ko.
Hayaan mo lang na mahalin kita
Masaya na ako doon.
Alam kong balang araw,
Pangalan ko naman ang iyong isisigaw.
Hindi naman sa nagmamadali ako.
Kundi dahil sa nais ko lang ipabatid sa iyo.
Pangako, nandito lang ako
Maghihintay at magmamahal sa’yo.
Puso’y di mapigil sa pananabik
Na ika’y mayakap.
Mahagkan ka kahit sandali
At sa gabi’y mahimbing sa’yong tabi.
Hindi mo lang alam sa tuwina’y naiisip ka.
Naglalakbay ang isip sa hinaharap kung saan kasama ka,
Magkahawak kamay ang mga kamay,
Naglalakad ng magkaakbay.
Kinikilig sa t’wing tayo’y magkausap.
Nais ko nang tumili at sumigaw.
Kung maaari lang sanang ika’y mayakap,
Mahalikan at matitigan ang mata mong kumikislap.
Masaya ako na dumating ka sa buhay ko.
Hindi ako nagsisisi na ikaw ang minahal ko.
Nandito lang ako… naghihintay sa’yo,
Nakangiting mag-aabang sa matamis mong oo!
10-21-14
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
