KAYA MO BANG LUMIPAD?
by supladongtorpe09
Kawangis mo’y ulap sa panahon ng taglagas,
Mapanglaw ang iyong mukha’t tila lagging umiiyak.
Ayaw mo na’t sumusuko, ang iyong katawa’t utak,
Pero nagtataka kung bakit ang puso’y patuloy na nangangarap.
Ika’y katulad ng ulan sa panahon ng tag-init.
Mahirap kang masumpungan at kung mapagmasda’y malimit!
Iniinda mo ang hirap, kasawia’t pasakit,
Ay pilit mong iwinawaksi ngunit bakit laging dumidikit?
Ikaw ang talang hinahanap sa gabing maulap.
Pinipilit mong magningning ngunit nawawalan ng kislap!
Nais mong umangat, tingalai’t sumiklab,
Ngunit ika’y nahuhulog at sa lupa’y lumalagapak!
Ikaw ang araw na hinahangad sa panahon ng daluhong,
Pinipilit mong sumikat ngunit sa kawalan humahantong.
Lumiliwanag ka ngunit natutuyuan ng balong,
At laging nasa ilalim kahit bilog ang gulong!
Sumusuko ka na’t ayaw nang lumaban,
Naglalakbay ka ngunit napapadpad sa kawalan!
Bumabangon ka ngunit muling tinapakan!
Ginawa mo na ang lahat ngunit wala ring napuntahan!
Lagi ka na lamang bang mahuhuli’t iiyak?
Pagmamasdan mo na lang bang lagi ang mga luhang pumapatak?
Bakit di mo subukang ibuka ang pakpak,
At sa kalawakan ng ulap ay muling lumipad!
4-12-13
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...