Kabalintunaan
ni supladongtorpe09
Sikil na damdamin,
mga luha't buntonghininga.
Nakatitig sa basag na salamin
at pinipigilan ang pagwawala.
Nais ko nang wakasan ang buhay ko,
Lumaya't lumayo, maglaho sa mundo.
Mag-isang maglakbay, sa kawalan ang hantungan,
Kumapit sa patalim at makipaglaro kay Kamatayan.
Lahat ng bagay na nakikita ko'y batbat ng pagkukunwari,
Nagbabalatkayo't nabibihisan ng mali.
Umaalingawngaw na panambitang ginagapos ng hapdi,
Niyayapos, nilalagom ng mga piping hikbi.
Ngayo'y mag-isang naglalayag sa dagat ng kasinungalingan,
Binabagtas ang maling daan ng huwad na kasalukuyan,
Dinadama ang hangin na kumikitil sa katauhan,
at isinusumpa ang mundong mapagpanggap at mapanlinlang.
............................
kabalintunaan-kabaligtaran
paano kung ang lahat ng nakikita mo'y may bahid ng pagkukunwari?
magiging masaya ka pa ba?
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
