LUHA
ni supladongtorpe09
Sa bawat patak ng luha
Ay may isang libong salitang
Kinikimkim ng pusong balisa,
At hindi mailabas ng bibig na makata.
Ang isang tao kapag malungkot,
Tingnan mo lang sa mga mata.
Hindi man niya ilabas ang sakit at kirot,
Mararamdaman mo na ito sa mga luha niya.
Tayo’y tao lamang, nadadapa’t nasasaktan.
Nakadaranas ng sakit at nalulugmok sa kabiguan.
Ngunit kaibigan huwag mong kalilimutan.
Tayo’y lumuluha pagkat tayo’y tao lamang.
Huwag kang mahiya, sige umiyak ka lang.
Alam kong ika’y nahihirapan, ikaw ri’y nasasaktan.
Huwag mong itago mga sakit na nararamdaman.
Pagkat lalo ka lang masasakta’t mahihirapan.
Sa pagdaloy ng iyong mga luha,
Maaanod ang mga pasakit na iyong dinadala.
Huwag ka rin mangangamba’t mag-aalala.
Pagkat nandito lang ako kapag hindi mo na kaya.
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...
