Talang Marikit
Talang marikit sa madilim na langit,
Kumikislap, kumikindat nang kay lupit.
Iyo sanang mapansin ang pusong sabik,
nang di na mag-isa't hindi na maipit,
sa pag-iisang sumisikl sa dibdib.
Talang marikit, kung maaari sana'y
Sa madilim na landas, magsilbing gabay.
Iyo sanang mabatid dusa ko't lumbay
Nang di na magtiis sa'king paghihintay
Sa muling pagliwanag nitong aking buhay.
Ngunit ano nga ba'ng aking magagawa?
Kaparis mo'y langit, ako nama'y lupa,
'Ka'y tinitingala, ako'y dinudusta,
ng mundo na kay lupit, ni walang awa,
sa taong tulad kong kaparis ay wala.
Ngunit gayunpama'y hindi magsasawa,
Sa iyong pagkislap ako'y mahihiraya.
Kahit datnan man ng daluhong at sigwa,
Mananatiling tapat na tagahanga,
Sa pinapangarap ko't mahal na mutya...
BINABASA MO ANG
Mga Tula ng Isang Manhid
PoetryHighest Rank: #1 June 2013 Top 1-10 (June to August 2013) Para sa mga manhid. tanga. seloso. martir. suplado. paano nga ba ang magmahal? paano ang magmove on? paano mo ipapamukha sa ex mo na kaya mo nang wala siya? sana makatulong ang mga tula ko sa...