#Unicode
ရုပ်ရှင်နောက်ဆုံးပိုင်းရဲ့ လှည့်ကွက်။
အကန့်အသတ်မဲ့နတ်ဆိုးဂိုဏ်း မှ အဘိုးကြီးက အဖြူရောင်အစစ်အမှန် နတ်ဘုရားအကြောင်း သတင်းတွေကို ပြန်တွေးမိပြီး တုန်ရီသွားတယ်။
"အဖြူရောင် အစစ်အမှန် နတ်ဘုရား ဟုတ်လား" တာအိုဘုန်းကြီး ဝေဝေ က မျက်နှာပေါ်မှာ ဇဝေဇဝါ အမူအရာတွေ ပေါ်လာတယ်။ အခုချိန်ထိဆိုရင် သူက ကျင့်ကြံခဲ့တာ ၁၅၀ နှစ်စွန်းစွန်းလေး ရှိနေပါပြီ။ ဒါပေမဲ့ အဖြူရောင်အစစ်အမှန် နတ်ဘုရား တံခါးပိတ် ကျင့်ကြံနေတုန်း အချိန်မှာပေါ့။ ဒါကြောင့် တာအိုဘုန်းကြီးဝေဝေ က အဖြူရောင်အစစ်အမှန် နတ်ဘုရား အကြောင်းကို ကောင်းကောင်း မသိပါဘူး။
အကန့်အသတ်မဲ့ နတ်ဆိုးဂိုဏ်းမှ အဘိုးကြီး က အတိတ်ကို ပြန်စဉ်းစားပြီး ပြောလိုက်တယ် "သူက ..အရမ်းကြောက်ဖို့ကောင်းတဲ့ ရန်သူပဲ"
လွန်ခဲ့တဲ့ နှစ် ရာကျော်တုန်းက သူ့အနေနဲ့ အဆင့်ငါး စိတ်ဝိညာဉ်အင်ပါယာ အဆင့် တစ်ယောက်ပဲ ရှိပါသေးတယ်။ သူက အကန့်အသတ်မဲ့ နတ်ဆိုးဂိုဏ်းက အစ်ကိုတော်၊ ညီတော် ၆ ယောက် နဲ့ အတူ ရှေးဟောင်းနေရာပျက် တစ်ခုကို သွားရောက်ရှာဖွေတယ်။
ဒါပေမဲ့ သူတို့က ကံမကောင်းကြပါဘူး။ ရှေးဟောင်းနေရာပျက်ကို ရှာဖွေပြီးတဲ့နောက် သူတို့ခုနှစ်ယောက် က အမှိုက်လိခုဖြစ်နေတဲ့ စိတ်ဝိညာဉ်ကျောက်တုံးပုံ ကိုသာ တွေ့မိလိုက်ကြတယ်။ အချိန်အကြာကြီး ပေးပြီး အားစိုက်ထုတ်ခဲ့ရပေမဲ့ ဘာတစ်ခုမှ အကျိုးမရှိခဲ့ပါဘူ။
ဒီအချိန်မှာပဲ အဖွဲ့ကို ဦးဆောင်လာတဲ့ စီနီယာအစ်ကို တစ်ယောက်က တစ်စုံတစ်ယောက် က သူတို့ထက် အရင် ရှေးဟောင်းနေရာပျက်ထဲကို ဝင်ပြီး တန်ဖိုးရှိတာတွေကို ယူဆောင် သွားကြောင်း သံသယ ရှိလိုက်တယ်။
ထို့ကြောင့် သူတို့က ဒီကံကောင်းတဲ့ လူကို လိုက်ရှာဖို့ ဆုံးဖြတ်လိုက်ကြတယ်။
တစ်ဖက်လူကို ရှာတွေ့ရင် ရှေးဟောင်းနေရာပျက်မှာ ရခဲ့တဲ့ ရတနာတွေကို လက်လွှဲပေးဖို့ ဖိအားပေးမှာ ဖြစ်ပါတယ်။ တကယ်လို့ တဖက်လူကသာ ပူးပေါင်းပါဝင်မှု အားကောင်းရင် အသက်ရှင်သန်ခွင့် ပေးလိုက်ဖို့ စဉ်းစားထားပါတယ်။
