UNICODE
"ကျွန်တော် အစ်ကို့ကို သဘောကျတယ်..."
ပန်းကန်ဆေးနေတဲ့ ထိုအမျိုးသားက သူမစကားကို ကြားချိန်မှာတော့ ပန်းကန်ဆေးနေတဲ့ လက်အစုံက အေးခဲသွားသည်။
ခေါင်းကို ဖြည်းဖြည်းချင်းလှည့်ပြီး သူ့အကြည့်က ယဲ့ချင်းရန် မျက်နှာဆီ ကျရောက်သွားသည်။
ယဲ့ချင်းရန်က သူမစကားဟာ ဘယ်လောက် အံ့ဩဖို့ကောင်းသွားလဲဆိုတာကို သတိမမူသည့်ပုံဖြင့် ဆက်ပြုံးနေသည်။
"အစ်ကို ပြုံးပြနေတဲ့ အပြုံး... အနာဂတ်မှာ အစ်ကို ပိုပြီး ပြုံးနိုင်ဖို့ ကျွန်တော် မျှော်လင့်တယ်။ မဟုတ်ရင် အစ်ကို့ရဲ့ မျက်နှာချောချောလေးက အလဟဿဖြစ်သွားလိမ့်မယ်"
ချူယန် "..."
သူအစခံနေရတယ်လို့ ဘာလို့ ခံစားမိတာပါလိမ့်?
သူမပြောတဲ့စကားက သူ့ကို အထင်လွဲသွားအောင် လုပ်နေတာ သိသာသည်။ပန်းကန်ဆေးတဲ့ဆီကနေ ရေက ယဲ့ချင်းရန် မျက်နှာကို လာစင်သည်။
"အား" ယဲ့ချင်းရန်က သူမမျက်နှာကို လက်ဖြင့် ချက်ချင်းကာလိုက်သည်။ သူမရဲ့ရှည်လျားသည့် မျက်လုံးသွယ်သွယ်တစ်စုံဖြင့် ချူယန်ကို စိတ်တိုစွာကြည့်လိုက်သည်။
ချူယန်၏ အကြည့်က တည်ငြိမ်မြဲ တည်ငြိမ်လျက်ပင်။ သူက သူမကို တည်ငြိမ်စွာကြည့်ပြီး ပြောလာသည်။ "မင်းက အမြဲတမ်း အရမ်းအဆော့သန်တယ်။ နောက်တစ်ခါကျ တခြားသူတွေကို အဲ့လို ပြောခွင့်မရှိဘူး"
"အို" ယဲ့ချင်းရန်က သူမလက်ကို ဆန့်ထုတ်ပြီး ရေကိုယူကာ ချူယန်မျက်နှာဆီ သို့ ပက်လိုက်သည်။
ချူယန်ရဲ့ မျက်နှာချောချောတွင် ရေစက်တွေဖြင့် ပြည့်သွားသည်။
ယဲ့ချင်းရန်၏ မျက်နှာပေါ်တွင် ကျီစယ်သည့်အပြုံးတစ်ခုရှိနေကာ နောက်သို့ ခြေတစ်လှမ်းဆုတ်လိုက်သည်။
"အိုက်ယား ကျွန်တော် အရမ်းပင်ပန်းနေပြီ။ ရေသွားချိုးပြီး အိပ်တော့မယ်"ပြောပြီးတာနှင့် သူမထွက်ပြေးသွားတော့သည်။ ယဲ့ချင်းရန် သူမအခန်းထဲပြန်ရောက်ပြီးနောက် ခရီးဆောင်သေတ္တာကို ရှင်းလင်းသည်။ ချူယန်အတွက် ဝယ်လာတဲ့ လက်ဆောင်တွေကိုထုတ်ပြီး သူ့အခန်းထဲ သွားထားလိုက်၏။
YOU ARE READING
နိုးထလာသော သန်မာသည့် အမျိုးသမီး ဇာတ်ရန် MM Translation
Romantikaယဲ့ချင်းရန် နိုးလာတော့ သူမက စာအုပ်ထဲ ကူးပြောင်းသွားတာကို သိလိုက်ရတယ်။ သူမက ဂုဏ်မောက်ပြီး ဗိုလ်ကျတတ်တဲ့ ဆိုးဝါးတဲ့ ဗီလိန်ပါပဲ။ ဗီလိန်တွေရဲ့ ထုံးစံအတိုင်း အသေဆိုးနဲ့သေရမယ့်သူပေါ့ သူမ မကူးပြောင်းလာခင်တုန်းကတော့ သူမက သူမရဲ့ မိသားစုမှာ ဆက်ခံသူဖြစ်သည်။ သူ...