နိုးထလာသော သန်မာသည့် အမျိုးသမီး ဇာတ်ရန် MM Translation

Chapter 94: She Wants to Go Fishing

လင်းရှုအာက ပြောလာသည်။ "ဒါကအစလေးပဲလေ... မားမားသာ သူတို့နဲ့ပိုရင်းနှီးလာတဲ့အခါကျ သမီးကို မကြာမကြာ ခေါ်သွားမယ်"

လင်းရှုအာက ဘာကို ဆိုလိုချင်လဲဆိုတာ ယဲ့ချင်းရန် နားမလည်ဘူးဖြစ်နေသည်။

နေ့တိုင်း...လူတွေက လူတိုင်းဟာ သာတူညီမျှဖြစ်သည်လို့ ပြောကြသည်။ သို့သော်လည်း လူ့အလွှာတွေက မမြင်ရပေ။ မမြင်တွေ့ရသလို ထိတွေ့လို့လည်းမရပေမယ့် အစစ်အမှန်ဖြစ်သည်။

ယဲ့ချင်းရန်က မေးလိုက်သည်။ "ဒီနာနဲ့ဆုံပြီးတော့ ဖြစ်တဲ့အရာတိုင်း ကျွန်တော့်ကို ပြောပြ... ပြီးတော့ မားတို့နှစ်ယောက်ကြားထဲမှာ လက်မှတ်ထိုးထားတဲ့ စာချုပ်စာတန်းရှိသလား? ရှိရင် အဲ့ဒီစာချုပ်စာတန်းတွေအကုန်လုံး ကျွန်တော့်ကိုပြ"

လင်းရှုအာက သူမကို ရှုပ်ထွေးစွာ ကြည့်လာသည်။ "ဘာလို့လဲ?"

ယဲ့ချင်းရန်က သူမကို ချက်ချင်းမပြောဘဲ မေးလိုက်သည်။ "ယဲ့ကျွင်းနဲ့ကွာရှင်းချင်နေတာလား?"

လင်းရှုအာက သူမခေါင်းကို ခါလိုက်သည်။ "မကွာရှင်းချင်ဘူး"

ယဲ့ချငးရန်က ပြောလာသည်။ "မကွာရှင်းချင်ဘူးဆိုရင် နောက်လကို နေမကောင်းဖြစ်ချင်ယောင်ဆောင်ပြီးတော့ ဒီနာနဲ့မဆုံအောင် ကြိုးစား"

လင်းရှုအာက ယဲ့ချင်းရန်ကို ကြည့်လိုက်၏။ သူမသမီးဖြစ်သူက အေးစက်ကာ လေးနက်သည့်အမူအရာဖြင့် အလင်းကို ကျောခိုင်းပြီးရပ်နေသည်။ နှစ်တွေကြာပြီးသည့်တိုင်အောင် သူမသမီးရဲ့ ယခုအခြမ်းကို တစ်ခါမှမမြင်ဖူးခဲ့ပေ။ တစ်ခုခုကြီးတာ ဖြစ်တော့မလို သူမရဲ့နှလုံးသားက တင်းကြပ်နေသည်။

သူမက ခေတ္တမျှတုံ့ဆိုင်းနေပြီးမှ ခေါင်းညိတ်လိုက်သည်။ သူမက ယဲ့ချင်းရန်ကို အပေါ်ထပ်သို့ခေါ်သွားပြီး စာချုပ်ကို ပြလိုက်၏။ ယဲ့ချင်းရန်က ကြည့်လိုက်တော့ စာချုပ်ထဲတွင် မှားယွင်းနေတာမျိုး မတွေ့ပေ။ သူမက စာချုပ်ကို အဝေးသို့ ချလိုက်သည်။

သူမက လင်းရှုအာကို ပြောလာသည်။ "ဒီနေ့ နေ့လည်စာအတွက် မားက ချိန်းထားပြီးပြီဆိုတော့ သွားလိုက်..ဒါပေမယ့် ဒီနေ့နေ့လည်စာမှာ မားတစ်ခုလုပ်ခဲ့ရမယ်...ပရဟိတလေလံပွဲမှာ မားက ပတ္တမြားတစ်ဆင်စာ လှူမယ်ဆိုတာကလွဲရင် မားက ဒီနာကို အကြံတစ်ခုပေးရမယ်... အဲဒါက လေလံပွဲကို သူမက လူများများလာစေချင်ရင် သူမက အဖွဲ့အစည်းအတွက် ပြောရေးဆိုခွင့်ရှိသူခန့်ဖို့ လိုမယ်... အဲ့လူက ပစ္စည်းအများဆုံးလှူတဲ့ဖြစ်ပြီးတော့ လေလံပွဲမှာ ငွေအများဆုံး လေလံဆွဲနိုင်တဲ့သူဖြစ်ရမယ်... အဲ့လူကို နောက်ကွယ်ကနေပြီး မားက ထောက်ပံ့ပေးမယ်ဆိုပြီး မားက ကတိပေးရမယ်...ပြီးတော့ အဲ့ပြောရေးဆိုခွင့်ရသူကို မားပြင်ဆင်နေတဲ့ ရုပ်ရှင်မှာ ဇာတ်လိုက်အမျိုးသမီးနေရာကို ပေးမယ်လို့ သူမကိုပြောရမယ်"