The Billionaire's Playmate

Chapter 4

Hindi ako makagalaw. Ramdam ko siya sa likuran ko. Nang aalis na ako ay nakita ko sa gilid ng mga mata ko na inabot niya iyong towel na nakapatong sa sofa. Jusko magkakasakit ata ako sa puso. Kapag natanggap ako bilang katulong niya, mukhang palaging tataas ang presyon ko dahil sa kaniya.

"So, tell me..."

Bakit naman nakahubad ang lalakeng ito?! wala siyang boxer! talagang walang suot!

"How old are you?"

Narinig kong tanong niya. Pero dahil sa sobrang gulat ay hindi ako kaagad nakapagsalita. Nakatakip ang mga kamay ko sa aking mga mata at hindi talaga gumagalaw. Pakiramdam ko kanina nang makita ko ang jolly hotdog niya ay humiwalay sandali ang kaluluwa ko sa katawan ko.

Grabe. G-Grabe lang...

Ganoon pala ang itsura non.

Normal size ba 'yon? ay sht! alisin mo iyan sa isipan mo, Thaliana Tangi!

"Nakalimutan ko. Sinabi ng guard kanina na elementarya lang ang tinapos mo."

Pero hindi ko kasi alam! unang beses ko makakita ng hotdog! hindi pa rin ako nakakanood ng powrn! anong alam ko sa sizes ng mga hotdogs!

"Nakikinig ka ba?"

Nagulat ako nang tumaas ang tono ng boses niya.

"A-ano po 'yon, Sir Hotdog?"

Kitang-kita ko kung paano kumunot ang noo niya sa akin at ang pagsasalubong ng mga kilay niya.

Doon na ako natauhan sa nabanggit ko. Sht. Sinabi ko bang Sir hotdog?!

Napatalikod ako ulit at kinastigo ko ang sarili ko. Ibinaba ko ng dahan-dahan ang mga kamay ko at napapikit ng mariin. Hindi ko pa siya ulit hinaharap.

"Nagugutom ka ba?" seryoso ang pagkakatanong niya pero namilog ang mga mata ko at humarap na. Sunod-sunod na pag-iling ang ginawa ko.

"H-Hindi po! kumain na po ako bago pumunta dito. A-Ano po ulit yung sinasabi ninyo, sir?"

Bwisit kasing hotdog niya!

"Na elementarya ang natapos mo, ibig sabihin ay hindi ka nakakaintindi ng english."

Nang mapagtanto ko ang sinabi niya ay pumasok kaagad sa isip ko na huwag siyang sasagutin kapag nagsalita siya ng ingles.

Dahil sinabi ko nga pala kanina sa guard na elementarya lang ang tinapos ko.

"S-Sir Valleje?" tanong ko na lang ulit.

Nakita ko siya sa gilid ng mga mata ko na may kinuha sa lamesa na nasa gilid. Isang papel. Pagkatapos ay umikot siya at ngayon ay nasa harapan ko na. Naiiwas ko ang mga mata ko nang makitang ang towel sa pang-ibabang katawan lang niya ang suot niya.

Wala ba itong balak magdamit?!

"Ilang taon ka na? at ano ang pangalan mo?" tanong niya sa akin.

"Twenty-nine na po ako, s-sir," sagot ko nang hindi pa rin tumitingin sa kaniya.

Nakikita ko siya sa gilid ng mga mata ko at nakatingin siya sa akin habang ang mga kamay ay nakadipa sa likod ng sofa. Flex flex lang?

"Maupo ka, may balak ka bang kausapin ako ng nakatayo at hindi nakatingin sa akin?" tanong niya.

Hindi ako gumalaw, takot na lumapit sa kaniya. Aba, baka mamaya kung ano ang gawin niya sa akin! sino ba namang matinong lalake ang haharap sa nag-a-apply ng katulong nang naka tuwalya lang? tapos nag-hello pa iyong hotdog niya kanina!

Oh, Tangi, erase! erase!

"H-Hindi kasi ako sir sanay na nakakakita ng k-katawan ng lalake. S-Saka, tama po ba na humarap kayo sa akin na ganyan lang ang suot?" tanong ko sa kaniya.