💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 164. والاخيرة🌹
وباتو ابطالنا هديك الليلة في حضن بعض ... في نفس المكان اللي كان رسلهم القدر لبعض وجمعهم مع بعض ... شكون قال ان هبة اللي كانت كلها مسخة بالغيص والتراب وهاربة من ليلة زفافها تكون ناعسة في حضن نفس هذاك الشخص اللي خرج ليها بلحيتو وشعرو المغوفل المجدوب اللي كما سماتو هبة. المجدوب اللي كان هارب من احزانو وكان ليلو طويل ماعندوش نهاية وقلبو عامر بالخزن ومحطم احب مرة ثانية واعشق مرة ثانية وارجع لحياتو اسعد و كثر من الحياة اللي كان عايش .. الحياة اللي حزن على خسرانها.... وهذا كلو بفضل الله ... اللي تيختار لينا اقدار وخا احنا تنرفضوها لكن تيكون وراها خير كبير .
قرب الفجر وفاقت هبة هي الاولى حسات ببشرة بلال السخونة ملاصقة مع بشرتها ... كان حاضنها بحب وهي خاشية وجها في سدرو ... حسات بفرحة كبيرة .... شحال تمنات تكون في حضنو وتنام وهي قريبة منو لهاذ الدرجة ... لكن ماشي فقط تلبية لرغبة بلال الجنسية ولكن عن حب ... وفعلا هاذ الشي اللي وقع ... وخا قلبها كان تيعشقو لكن قدرات تتحكم في مشاعر وماسلماتو جسمها حتى وصلات علاقتهم للحدود اللي كانت رسماها وخا كانو مزوجين ...
وهي انه احبها من قلبو ولكن في نفس الوقت احب نفسو واتوب للخالق سبحانه وتعالى....
حسات بجسمها كلو تيقطر بالماء خصوصا وان الجو سخون ديال الصيف ... بدات تتسلل غير بشوية من حداه حتى خرجات من الفراش لبسات بينوار الروب ومشات دخلات للحمام باش تدوش ... حسات بالم وهي تتمشا .... لكن تفكرات انها عروسة وهذي ليلتها الاولى مع بلال ... ابتسمت ورضات بهاد النوع من الالم.
كان الحمام فيه رشاشة كبيرة اول ماطلقاتها وعدلات حرارة الماء وتخشات تحتها ... حسات بانتعاش و راحة كبيرة خففات الالم اللي كانت تتحس بيها نتيجة ليلة الدخلة ...
وهي تتستمع بحمامها وساهية تتفكر بابتسامة في أحداث الامس ابتداءا من العرس حتى وصلو للكوخ حتى اجمل لحظة جمعاتهم ... و ماجات فين ترجع للواقع حتى لقات بلال حضنها من اللور وباسها من عنقها ...
ماعرفات هي باش تبلال غير اوكان حسات بجسمو العريان تيحتك بجسمها ... دورها عندو وهي خجلانة منو تقول اول مرة اشوفها عريانة ... جرها من خصرها حتى لصق جسمها مع جسمو نزل على شفايفها خدا قبلة الصباح بكل حب و شوق ورغبة.
قرب من ودنها وقال بكل حب : بقا اخر درس ماعلمتوش ليك في قواعد الزواج ... اللي عملناه بالليل في السرير ... تنكملوه في الصباح في الحمام ...
هبة قبل ماتنطق بأي كلمة كان بلال رفعها بلمساتو وقبلاتو من عالم الوقع لعالم الخيال... عالم الحب والعشق.
دوزو عرسانا احلا ايام العسل في هذاك الكوخ وجعلو منو مخبأهم كلما تيبغيو اهربو من الحياة الخارجية .. امشيو ليه . كان بلال كلما ارجع من السفر اياخد ليه هبة وابعدو على كاع البشر واعيشو اسعد ايام حياتهم. .... كانو كلما امشيو للكوخ تيتفكرو قصتهم والطريقة اللي القدر قدر اجمعهم فيها ... كانو في هاد الكوخ تتولي هبة عروسة وبلال عريس ....
مرت سنين على قصتي انا وبلال مجدوبي اللي هربت من زفافي و انا ماعرفاش ان المجهول وصلني في طريق مجهولة لشخص غريب هو مجهول وقصتو مجهولة وكان حتى مستقبلنا مجهول لكن بفضل الله وايماني القوي قدرنا بزوج نكونو نجمة في السماء المظلمة ديال كل واحد فينا نارت طريقو ووصلاتو لبر الامان... وقصتي ماسلاتش باعترافنا لبعض بالحب الكبير اللي في قلوبنا ولكن قصتنا كانت عاد بدات .... من بعد العرس دوزت امتحانات السادس ابتدائى والسنة اللي وراها امتحان الثالث اعدادي والسنة اللي وراها خديت شهادة البكالوريا .. وقدرت ندخل للجامعة تخصصت في الطب وقدرت بفظل من الله وبمساعدة بلال نحصل على الدكتورة وانا حاليا وليت تنرافقو في سفرياتو انضميت حتى انا للأطباء بلا حدود وبدينا ببلادنا هي الاولى وصلنا لجبال و لصحراء والمناطق النائية بنينا مستشفيات ... وقدمنا مساعدات إنسانية.... ومزال قصتنا في العطاء مستمرة .... لأن السعادة لكبيرة في العطاء والعطاء بحب....
صحيح انا حاليا جالسة في الدار تنتسنا مولودي الاول من بلال ... ونقدر بسباب الامومة نتوقف عن السفر .... لكن العطاء غادي ابقا دائما مستمر والباركة في بلال ....
كانت هاذي قصتي مع مجدوبي بلال شاركتها معاكم نتمنى تكونو استفدتو منها .... لبنات كما كانت الحياة ضدكم خليو ايمانكم بالله قوي ... وحبو نفسكم قبل ماتحبو شريكم ... خليو شخصيتكم قوية ماتيحركها لا قلبكم الضعيف ولا خوفكم ... لبنات بغيتكم تكونو بحالي .... وخا زمان بغا اكسرني لقا صلبي الماس ...
#هروب_ليلة_الزفاف.
ما أجمل القدر حين يهديك شخصا يغنيك عن الجميع..
🌹النهاية 🌹
تحياتي 🌹🌹
أسماء الزروالي
أنت تقرأ
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
