هروب ليلة الزفاف💍مكتملة💍

💍الجزء 9💍

💍❤️هروب ليلة الزفاف❤️💍

بقلم✍️ أسماء الزروالي⭐🌙

الفقرة 9🌹

لما تخشات هبة في فراشها وتقادات في نعستها هزات عينها وشافت بلال اللي ناعس على الكرسي جالس ... بقا فيها  الليلة الثانية على التوالي  تينعس هكذا معذب جالس فوق كرسي  .

وقالت في خاطرها : والله انا حتى ضيف ثقيل بمعنى الكلمة او الراجل مابقا لا تياكل في خاطرو لا تيجلس في خاطرو لا تينعس في خاطرو ... حتى لصباح ونشوف امي رحمة واش نقدر نبات معاها. ونخليه هو ارتاح في كوخو.

جا صباح اليوم التالي .... فاقت هبة مالقاتش بلال كان خرج ناضت نزلات رجليها حسات انها بدات تتقدر تتحملها شي شوية وخى الثقل كامل تتحطو على الرجل صحيحة لقات لفطور محطوط على الطابلة مشات دخلات لحمام توضات صلات الصبح وعاد فطرات طلقات عينها في الكوخ قالت "نوض ندير شي حاجة مفيدة "..... جمعاتو وتولاتو وشطبات صبنات حايجو وحوايجها  اللي كانو معلقين في الحمام ونشراتهم حدا الدفاية لان برا كان مزال شتا تتنقط. المهم دارت كاع هذاك الشي اللي قدرات عليه.

مشات جهت الدفاية وجلسات على الكرسي اللي مولف تينعس عليه بلال.
واول ماجلسات عليه تكات تتحاول تشوف واش مريح

قالت  : الله ياربي لحبيب هذ  الراجل مسكين فين تينعس باز ليه كراه عضامو تيصبحو  معوجين.

في هاد اللحظة سمعات الدقان في الباب .... كانت أمي رحمة اللي جات طل عليها  كيف بقات .
ا
امي رحمة : صباح الخير بنتي هبة .

دخلات وطلقات عينها في الكوخ لقاتو مجموع وكاينة لمسة هبة فيه .
جاوباتها هبة بابتسامة : صباح النور امي رحمة.

امي رحمة : كنت غادي نقول ليك كيف بقيتي لكن من تخميلة اللي درتي  باين لية صابحة ناشطة الله اعطيك الصحة .

هبة : ربي اخليك امي رحمة . هذا اقل واجب والله ماعرفت باش نشكرو على اللي دارو معايا.

امي رحمة : ربي اجازيه مسكين ..

هبة : امي رحمة ممكن نطلب منك طلب .

امي رحمة : تفضلي ابنتي.

هبة حشمانة : بغيت الا كان عندك التيساع نمشي نبات عندك او الا كان ماشي ممكن تعطيني شي فراش نبقا نعس عليه راه منين جيت وهو تينعس على هاذ الكرسي اللي انا جالسة عليه.

ضحكات امي رحمة وغمزاتها : بقا فيك العفريتة .

هبة وجها ولا حمر وبدات تتمتم : لا غير او كان حشومة راه وليت ضيف ثقيل عليه.

امي رحمة : انتي بحال لعسل عمرك تكوني ثقيلة على شي حد . لكن اش نقول ليك ابنتي انا براكتي صغر من هاد الكوخ . ياله قداني انا وادم ولدي لكن عندي لفراش زايد انا نصيفط ليك واحد البونجا خفيفة تتطوا وبطانية طلقيها في الارض وتغطاي بالبطانية راها ثقيلة دغيا تسخني. وغادي نسيفط ليك حتى شي حويجات بدلي هدو ديال السي بلال منين جيتي وانتي لابساهم.

فرحات هبة وناضت عنقاتها : شكرا امي رحمة والله حتى هكذا ريحتيني.... ازيد نهار واحد على هذاك الكرسي اجيه السياتيك .... ههههه
بداو تيضحو بزوج