💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 71🌹
خذا الموس ولفورشيط قطع ليها الكبدة والسطيك قطع صغار وخوا ليها العاصير و كذلك قطع ليها لخبز وعطاها الفرشيط .
بلال : قطعت ليك كلشي يكفي غير تهزي وتاكلي. اما الشوربة .
قطعاتو بزربة حيث عارفة ان الشوربا ضروري خاصو اشربها ليها.
هبة وهي متوثرة : الشوربة بلاش .. احم ... بارك علية غير هاذ الشي راه الخير.
ملاك من بعيد : ياك قلتي لية الخضر مهمة اوا انتي مريضة خاصك تشربي الصوبة راه بابا اشربها ليك.
هبة قالت في خاطرها: راه انتي املاك اللي خاصك تسكتي.
شافت في بلال زعما بلاش ... بلال جاوب ملاك.
بلال: ممكن تعوضها بشلاضة حتى هي فيها الخضروات.... وذابا غادي تسكتو بزوج وتتعشاو ...
جر كرسي وجلس عليه وبقاو هما تيكلو بهدوء وبصمت حتى سلاو.
حمدو الله بزوج ... كان السيروم حتى هو سالا. حيدو ليها بلال ومد ليها يدو تيساعدها تنزل ... نزلات وحطات رجليها على الارضومع وقفات بدات الدنيا تتمشي وتجي بيها مسكات في حويج بلال اللي بدورو حاط كتفها بدراعو وقربها من جسمو تيسندها عليه هي غمضات عينها حتى حسات براسها تقاد ضغطها وعاد حلاتهم .
بغات تتبعد على بلال عاد مزاد قربها من منو ومنعها من الحركة ريحتو تغلغلات في نيفها ولأول مرة تكون قريبة منو لهاذ الدرجة
بلال بصوت حنين بحال اللي كلم بيه الام ديالو : مزيان ذابا تقدري تتمشاي وخليني ساندك حتى توصلي لسيارة ... لأنه تقدري دوخي في الطريق.
هبة توردو ليها لخذيدات اللي فاضحينها.
هبة : اه الحمد لله نقدر نتمشا ... بلاما تعدب راسك اسي بلال
جات ملاك جيهتا هازة صاك هبة.
مسكاتها من يدها وقالت: غادي نمسكوك انا وبابا حتى تركبي في السيارة... بابا راه صحيح باش حتى الا دختي اهزم بحال قبيلات...
ابتسمت ليها هبة : بما انك انتي جانبي ماعنديش علاش نخاف.
بقاو فعلا بلال وملاك دعمينها حتى وصلو لسيارة حل ليها بلال الباب وركبها. وحل لبنتو حتى هي وركبها .
طلع هو بلاصتو. شاف في هبة اللي تكات على الكرسي وغمضات عينها. تتنفس الهوا ديال الليل بعدما حسات براسها غادي تخنق وهي بالقرب من بلال بكثرة التوثر .
قرب بلال و حنا على وجها حتى شمات ريحتو وحسات بنفسو سخونة على وجها فتحات عينها لقات حنكو قريب لفمها. ماعرفاتش باش تبلات . جر حزام السلامة وركبو ليها .
قال بصوت هاذئ غير هي اللي تتسمعو ونفسو سخونة تضرب في وذنها.
بلال: راك نسيتي مرة ثانية حزام السلامة.
رجع لبلاصتو وابتسامة كلها مكر ترسمت على وجهو خصوصا منين شافها ارتبكات وتزنك ليها وجها.... عجباتو اللعبة وحب العابها معاها اوثرها شوية .
شغل السيارة خرجو من المستشفى وشد طريق .... كلشي نعس بقا غير هو .
لا تنسو جيم وتعليق 🌹🌹
أنت تقرأ
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
