هروب ليلة الزفاف💍مكتملة💍

💍الجزء 50💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 50 🌹

هبة مافهما والو من كلامهم غير انهم تيهضرو على شي بنت سميتها ملاك محمقاهم كاملين وان الام ديال بلال مريضة بزاف. لكن هذا ماتيعنيش ان اسئلة كثيرة تجمعو ليها في عقلها . شكون هاد ملاك وشنو علقتها ببلال وعلاش هي تتصرف هكذا وعلاش بغاو ابعدوها واصفطوها تقرا خارج المغرب وخا باقاصغيرة  . ......اسئلة كثيرة دراتها في راسها.  لكن اللي هي متأكدة منو ان بلال عندو حتى هو مشاكل كثيرة .

قربات منهم وقالت : نجيب ليكم شي حاجة تشربوها.

شافت فيها ليلى وهي تبتسم وقفات وقربات منها : اجي ماقلتيش لية اااا شنو كنتي قلتي لية سميتك.

هبة جوباتها بهدوء : سميتي هبة.

ليلى : اه فعلا هبة نسيت. قولي لية اهبة واش قارية .

بلال قاطعاتها : ليلى علاش هاد الاسئلة

ليلى ابتسمت : والو غير جات في بالي واحد الفكرة  .
رجعات تتوجه كلامها لهبة :دابا غير  قولي لية واش قارية وانا مستوى واصلا ليه.

هبة : اه قارية لكن المستوى عمري دخلت المدرسة تعلمت غير في الدار ولمسيد.

ليلى تفاجأت: مايمكنش وكيفاش قريتي .

هبة : انا حاملة لكتاب الله حفظت ستين حزب وتعلمت لكتابة والرياضيات والفرنسية مع دادا ميمونة والسيدة اللي كانت تتخذم عندها دادا ميمونة  هي اللي قراتني غير في الدار.

بلال حتى هو مصدوم بحال ليلى اول مرة اعرف هاذ المعلومات عليها.

ليلى ,: بعني انتي قدرتي تتعلمي غير من الدار .

هبة : اه
ليلى : قولي لية اهبة عزيزبن عليك الاطفال.

هبة باستغراب : وشكون اللي ماعزيزش عليه الاطفال.
ليلى شافت في بلال وابتسمت بمكر : اذا لقيتها. بلال لقيت ليك مربية لبنتك ملاك.
الخبر نزل على هبة بحال الصاعقة اذا  ملاك بنتو .

وبلال حتى هو تفاجأ من اقتراح ليلى.

ليلى رجعات عندو وقالت : تنعرف بنات لعروبية صبارات وهبة عندها تجربة الدراسة غير في البيت. اذا تقدر تتواصل مع ملاك. شنو رأيك بلاما تبقا هنا في هاد الدار تمشي معايا للفيلا احسن تشتغل مربية لملاك.

بلال تفاجأ من اقتراح ليلى وقبل مايعلق جاوبات هبة اللي كانت مزال تتستوعب  الخبر قالت : انا موافقة على هاذ الخذمة . وتنعتقد هذي هي الخذمة اللي تنقلب عليها. على الاقل نرد غير شوية من جميل اسي بلال.

بلال شاف فيها وهو معصب مابغاش ادخلها في حياتو الشخصية ومشاكلو : انتي ماتتعرفيش شكون ملاك. راه اسمها لا علاقة بشخصيتها.

هبة  موضوع البنت والطريقة باش تيحكيو عليها ذايقاتها في خاطرها تفكرات راسها منين كانت صغيرة ورابحة تتشكى منها لشيخ وتتقول ليهم بنتك ولات صعيبة ودارت ودارت وخا هي مادارت والو غير كذوب  لهذا قررت تدخل ودافع على ملاك وخا ماتتعرفهاش
هبة : انا اللي علماتو لية الحياة هو عمري ندير حكم مسبق على الناس حتى نشوفهم ونسمعهم  ونعاشرهم.  ويكفي اسي بلال انها بنتك .فأنا غادي نتحملها كما كانو تصرفاتها.

ليلى ابتسمت  : اذا متافقين... غذا وجدي راسك تلتحقي لشغلك الجديد.

هبة جاوباتها وهي تتشوف في بلال بتحدي  : ان شاء الله ... غذا تلقايني في الموعد اللي تحديه .

سمحو لية ذابا نرجع لكوزينتي .