هروب ليلة الزفاف💍مكتملة💍

💍الجزء 56💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 56🌹

هنا هبة عرفات ان ليلى عندها تأثير سلبي على ملاك. وخاصها توقفها عند حدها وكلشي غير بالعقل والخاطر غادي اتقاد .
هبة ابتسمت تتحاول تهذأها : شوفي ذابا انا معاك صديقتك مستحيل نخلي مزال شي حد اقلقك لكن بشرط تسمعي كلامي. وماتنسايش الجني الساحر اللي غادي اساعدنا.
ابتسمت ملاك : تتباني لية ضريفة ... غادي نولي صديقتك ... لكن متخليش طاطا ليلى تخليك تعامليني خايب ... راه هي اللي حرشات المربيات علية ... وهما تيعاملوني خايب حتى انا وليت تنعاملهم  خايب باش امشيو بحالهم
هبة بدات تتفهم شنو واقع مع البنت : انا ماجبتنيش ليلى باش تتحكم فية انا جابني باباك ووصاني عليك باش نعاملك مزيان ... والاهم نكونو اصدقاء
ملاك فرحانة : بصح بابا وصاك  .... اذا بابا مزال تيبغيني ياك .
ابتسمت ليها  هبة وقالت :  اكيد تيبغيك وهاز همك ... ( حسات هبة بغصة في قلبها كتمات حزنها ابتسمت وكملات ) وياله نرتبو لحوايج باش نزلو نتغذاو راه فية الجوع.  الا الا بغيتيني نكلك انتي حيث تتباني لية حلوة ولذيذة .

هزاتها ورماتها فوق السرير وبدات تتهرها في كرشها وملاك تتموت بالضحك.

شبعو ضحك بزوج . وتفكرو لغذا اللي تأخرو عليه بداو تيخويو الباليزة بزربة وهبة تترتب في الماريو حتى وصلو للهذايا.

هبة : هاحنا وصلنا للكنز بعدما حفرنا عليها وضربنا تمارة.

جبدات مجموعة من القصص ديال الاميرات . ودبدوب كبير و لعبة فيها فناجين وبريق صغير وطبيسلا ت

ملاك غادي طير بالفرحة  :شكرا بزاف  . ياك غادي تلعبي معايا بيهم نبقاو نشربو القهوة ونكلو البسكوي.
قالت ليها هبة : اليوم في لعشية عرضي علية لبيتك نجي نشرب معاك القهوة . وخودي هادو قصص الاميرات الزوينات والشجاعات.
ملاك هنا عبسات وقالت : ماتنعرفش نقرا مزيان القصص.
هبة : انا نقراهم ليك .... ومنين تتعلمي تقراي وتولي تقرايهم اراسك .

ملاك : ولكن انا ماتنمشيش المدرسة وماتنبغيش نمشي ليها تيضربوني الدراري. وماتبغيوش العبو معايا.
هبة : وعلاش تيضربوك وانتي بنيتة زوينة.
ملاك بخجل : حيث واحد نهار درت بيبي في القسم وضحكو علية. ومن تم اللي تيضحك علية تنضربو ووفي الاخير ماخلاونيش نلعب معاهم وولاو تيضربوني

هبة حسات بيها وعرفات علاش مابقاتش تتحمل المدرسة.
هبة : عرفتي شنو باين لية عدنا مايتوعاود وجاب لية ربي على من نخوي قلبي وعلمن تخوي حتى انتي قلبك. ياك معروضة عندك نشربو القهوة في بيتك وياله ذابا نزلو نتغداو وحتى نرجعو وعاودي لية على كلشي.
هزات هبة  تريكو طويل خفيف لبساتو بلاصة المونطو. كان واصل ليها حتى ركبة سداتو . ومسكات ملاك من يدها وقالت
هبة : ياله نمشيو.؟
ملاك مزال متخوفة : بغيت نجلس حداك في الطبلة.
هبة ابتسما ليها  : اكيد غادي تجلسي حدايا ياك حنا ذابا صحابات.
ملاك ابتسمت لهبة على انها موافقة على هاذ الصداقة الجديدة.