هروب ليلة الزفاف💍مكتملة💍

💍الجزء 27💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 27🌹

ناضت من فراشها ومشات سدات الشرجم مابقات حاملة تسمع او تشوف تحضيرات عرسها خصوصا لمرا اللي جات تعاون تطلق تزغريت زعما فرحنيين لشيخ. كلهم منافقين اكيد تيتكلمو فيهم وتيتعجبو كيفاش وحدة سموعوها مزوجة غادي تزوج اليوم. واكيد تيقولو باللي الشيخ اللي قتل بلال. لكن مايقدروش اهضرو كلشي خايف على راسو .

داز الاربعاء كلو تحضيرات وهي دوزاتو في قراءة القران الكريم والصلاة مزال املها في الله قوي . قامت الليل لليلة الثانية حتى وصل لفجر. ومشات نعسات.

وفاقت هاذ المرة على صوت رابحة.

رابحة : واشريفة نوضي باركة من النعاس نوضي راه هاذ النهار نهارك وليلتك. دخلي دوشي راه شوية غادي تجي لكوافورة.

هبة : مامحتاجاش لكوافورة .

رابحة : ماشي انتي اللي غادي تورينا شنو ماحتاجة شنو ماحتاجاش ديري هاداك الشي اللي تنقول ليك . قبل مانعيط لباك هو اللي اجي اتفاهم معاك .. ياله نوضي فطري ودوشي . ياله توكضي شوية راه تبعك ليل طويل مع خوية. ههههه

ضحكات وخرجات.

هبة غير سمعات كلامها وقالت : والله اقرب لية حتى نكون جيبا نهايتو هاد الليلة . مابغاوش افهمو راه مابغاهش اوا انا اليوم نعمل ليهم الشوهة ديال بصح. والله اقرب مني تتكون هادي اخرجتو. ياله تهنا البشرية منو ومن شرو ونكون عملت خير فيهم.

ناضت مشات للحمام دوشات لفات شعرها الطويل في فوطة ولبسات بنوار وخرجات من الحمام وياله ماشيا تجبد حوايجها من البلاكار تتسمع صوت السروت تيدور في الباب

هبة : ياخ هاذ رابحة غادي تبقا غادا جاية هاد نهار.

سمعات صوت العربي من وراها دارت مفزوعة .

هبة : انت اش تدير هنا خرج علية من بيتي بأي حق تدخل منا بلا اذني

العربي سد الباب وتم جاي جيهتها : بحق اني خطيبك وراجلك المستقبلي  اللي من هنا غروب الشمس غادي تكوني مراتو  ديالو بوحدو  اي جسمك وروحك كلك غادي تولي ديال العربي.

هبة  بعصبية جاوباتو وهي تتزير على سنانها : غير حلم وزيد حلم .  عمري ماغدي نكون ديالك تتفهم .  وعمري  نسمح ليك تقيص شعرة من جسمي . نحرقو ولا نخليك تقيصو.

العربي بدا تيتعصب : لخاطر امك اليوم غادي نشوفو  كلو غادي نستمتع بيه ونلعب بيه ونوريك شكون الراجل وشكون اللي كلمتو غادي تكون . ومشيتي حتى درتي شي تصرف معايا ماشي تلهيه  والله تنصيفطك للاخرة عند اسي المجدوب غادي نحرقك كما حرقتو . تتفهمي.

هزات يدها وتجمع معاه بتصرفيقة : انت واحد قتال ومجرم وانا ميشرفنيش نتزوج بواحد بحالك و هذاك اللي صيفطتيه للاخرة كان راجل عليك هذاك الشي علاش هو  الوحيد اللي عطيتو روحي وجسمي وعمري نعطيهم لشي حد من غيرو .

كذبات عليه المسخوطة ومافكراتش في العواقب ديال هاذ الكذبة.

كلامها وتصرفيقة اللي عطاتو خلاو العربي افقد السيطرة على راسو. وبلاما  اشعر بدا اصرفق فيها واضربها بونية على ركلة حتى طاحت فوق السرير بانت ليه رجلها العريانة وشعرها اللي نزل على كتافها فازك. تبدلات وحشيتو لرغبة جنسية سادية  وهنا هو اتلاح  عليها بحال شي وحش. بغات تغوت سد ليها فمها بيدو ونزل تيبوس واعض عنقها وكلما شافها تتقاوم انزل عليها بتصرفيقة او بونية . طبع ليها عنقها وصدرها ودرعانها بالعصا والعضان وهي تتحاول تمنعو اشوف صدرها . اللي مخبياه في البينوار . وتتحاول تفلت فمها من تحت يدو باش تغوت لكن كان هو المسيطر

العربي تينهج وتيقول : انا غادي ندخل بيك قبل العرس مابغيتش تجي بلخاطر غادي نغتصب امك   باش تشوفي شكون الراجل وشكون لقوي وشكون ضعيف والا كنتي ماشي بنت غادي نقتل امك ونحرقك  ورماضك نخويه في الواد.

رجع تيصرفقها   وتيقول : طلقي البنوار جسمك ديالي.

في هاد اللحظة تحل الباب ودخلات رابحة