💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 96🌹
ليلى بعصبية حسات بغيرة كبيرة قالت : بزاف هاد الشي ابلال واش هاذ الشي كلو على خذامة عروبية جايبها من الغابة صباطها مزال عامر تراب .... شكون بغات تكون في ملك الله....
شافت في هبة بكره وقربات منها مسكاتها من دراعها وزيرات عليها وقالت : انتي السباب في هاد الشي كامل ... بسبابك خلقتي مشاكل بين الصحاب اللي عمرهم تخاسمو ... وبسبابك تخلقو لية مشاكل مع خطيبي ... انتي شيطانة دخلات لهاذ الدار ووسوستيها ... ماعرفتش كيفاش مزال عندك الوجه وواقفا هناية انا منك نهز حوايجي ونخوي ... عديمة الشرف والكرامة..... خرجي من حياتنا خرجي خرجي...
دفعاتها حتى كانت هبة غادي طيح شدها غير بلال بين يدو ....وساعدها حتى توازنات في وقفهتا .
هز عينو اللي ولاو حمرين وشاف في ليلى شوفة قباض الرواح.
بلال صوتو هزها من بلاصتها : ليلى ....
شافت فيه جاي قاصدها .... وهي بدات تترجع اللور غير بشوية وصل عندها وهز صبعو : حمدي الله انني ماتنضربش لمرى .... ( زير على سنانو وقال ) غادي تجمعي حوايجك وتخرجي من داري.. ومن حياتي ومن عائلتي كلها ... انا قلت هبة غادي تكون أم ملاك .... فمعناها غادي تكون ام لملاك ... فحتارمي قراري وكلامي واحتارمي ام بنتي ... واخر مرة نشوفك قللتي عليها الاحترام.... ومن اليوم الخطوبة اللي كانت بينتنا تفسخت .... ومابقات تتجمعنا حتى علاقة ... فحاولي تبعدي على بنتي وامها وماتدخليش في حياتهم.
خلا ليلى غير حالة فمها وماعارفة باش تدافع على راسها ... كلامو جرحها وصدمها واعتبراتو اهانة ليها قدام الجميع وبالاخص هبة ... شافت شوفات كلهم كره وتوعد بالانتقام من هبة ...سمح فيها تجمع ماتبقا من كرامتها و دار جيهت هبة مسكها من يدها .... هبة ولات من صدمتها باللي واقع قدامها بحال شي دمية تيحرك فيها بلال كما بغا .
بلال متحدي الجميع : وباش نريحكم كاملين ... ومايتعاودش هاد المشكل اوقع... هبة في هاذ الدار ماخذامة ماعبدة ماجارية ...هبة هنا مرتي على سنة الله ورسوله...
ليلى مصدومة بدات تتمتم والهضرة خرجات من حلقها غير بزز : ما ما ما افهمتش كيفاش مرتك.
بلال بهدوء تام : نفهمك ونفهم غيرك (شاف في كريم لان الكلام موجه ليه )... هبة مراتي قبل ماتدخل لهاذ الدار وقبل مانرجع انا لدار.... علاش وكيفاش ووقتاش هذاك شغلي.
الحاجة مصدومة هي فعلا هاذ الشي اللي كانت باغا توصل ليه لكن ماتخيلاتش بصح بهاد السرعة وبهاذ الطريقة : واش بصح اولدي الكلام اللي تتقول .... هبة مراتك
بلال شاف في الحاجة ورطب صوتو : بصح الحاجة ... من بعد ونشرح ليك كلشي ... سمحي لية ماقلت ليك والو لكن عندي وعند هبة أسبابنا الخاصة ... منين تعرفيها غادي تعدربنا علاش خبينا هاذ الموضوع.
جبد من جيبو عقد الزواج وعطاه للحاجة.
بلال : هذا عقد الزواج اللي بغا اتأكد وريه ليه الحاجة ... وذابا تنعتقد ان كلشي ولا واضح ... وانت اكريم مانعاودش نشوفك تطوف لا هنا في داري .... لا حتى في لكلينيك .. حيث حذرتك وانت ماتتسمعش الهضرة...
مسك يد بنتو ويد مرتو وتم طالع في الدروج ... وكأنه تيعلمهم كاملين بلي المسرحية سالات والبطل فاز بالبطلة
VOUS LISEZ
هروب ليلة الزفاف💍مكتملة💍
Roman d'amour💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
