هروب ليلة الزفاف💍مكتملة💍

💍الجزء 72💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 72🌹

اول ما وصلو للفيلا كانت ملاك وهبة مزال ناعسين.
حلات زهرة الباب وخرجات .. خرج بلال من السيارة وعيط ليها.

جات عندو تتجري .

زهرة : اسي بلال على سلامتكم ... كيف بقات الحاجة .
بلال : الحمد لله شوية دابا ... سلمات عليك.

زهرة : والله حتى انا توحشتها
بلال : حتى لغذا ونديك تشوفيها.

زهرة كانت  فرحتها كبيرة  حيث الحاجة عزيزة عليها بزاف وفعلا كانت مشوشة عليها.
زهرة: صباح ولا لعشية غادي نمشيو.

بلال : صباح بكري ... غادي نخليك تقيلي معاها ..  شوفي شنو نقصها وجمعي معاها انتي عارفة الحاجة تتبغي تعاود معاك.

زهرة : ربي اخاليك اسي بلال والله احسن خبر.
بلال : وذابا اجي عونيني في هاذ الزوج راهم ناعسين ... انتي هزي ملاك وانا هبة.

عرف  غادي تسولو علاش مايفيقش هبة جاوبها قبل ماتسولو.

بلال:  هبة راها عيانة شوية. سخفات لينا في سبيطار وعطيناها سيروم فيه مهدأ باش تنعس وترتاح . راه اكتشفت انها كانت صايمة ومافطراتش

زهرة بحزن : مسكينة راه طلعت لبيتها لقيت بلاطو اللي فيه تمر وحليب بقا كما هو
بلال : راه خمسة تسوايع ورا المغرب عاد عرفت باللي هي صايمة.

زهرة: هاذي بغات تقتل راسها.. وسبحان الله نوات تصوم على قبل الحاجة ربي استجب ليها ومع أذان المغرب جانا خبار الحاجة فاقت.... نيتها زوينة هاذ البنت وبصراحة السي بلال انا رتاحيت ليها بزاف وعجبني تعاملها مع ملاك.

بلال مالقا مايقول حدو مشا جيهت باب ملاك اللي ناعسة بحال شي ملاك... قرب منها وهزها مدها لزهرة .

مشات زهرة بيها لبيتها.
رجع حل باب هبة حتى هي حنا عليها وهزها بحال شي ريشة ... ولف اهزها مسكين.
ومشا بيها لبيتها.
دفع الباب برجليه تحل ومشا بها مباشرة لفراشها حطها فيه ... حيد ليها سبرديلة ديالها  وتقاشر و غطاها .... وبدا تيتمعن في وجها البرئ .... نزل تيقاد ليها راسها ...   وبلاما اتحكم في يدو لقاها ماسكا الفك ديالها ومدوز ابهامو على شفايفها الرطبين..... اللي من اول مالمسهم منين عطاها التمر وهو حاب المسهم مرة ثانية .... سها فيهم موردين طبيعيا ورطبين ودافيين ... جمالها اللي ماكانش منتبه ليه حتى نبهو كريم اللي تغزل فيها كإمرأة وخلا بلال اشوفها كأنتى ماشي مربية فقط لبنتو .. بقا ساهي وعقلو تيحاول اتحكم في رغبتو بأنه انزل اذوقهم...

كان دقان زهرة على الباب هو اللي رجعو للواقع. وقف وقال.
بلال : دخل.
زهرة: اسي بلال ملاك حطيتها  في فراشها وجيت نطل على هبة لا اكون خاصها شي حاجة.

بلال تيبان عادي ومتحكم في تصرفاتو: اه حيدي ليها حجابها باش ترتاح. انا غادي نمشي لبيتي.

زهرة : واخا اسي بلال.

خرج بلال وبقات زهرة مع هبة حيدات ليها الحجاب.

زهرة تتأملها : ماشاء الله عليك ابنتي جمال وطيبة واخلاق ودين.... كل المواصفات اللي تيتمناهم اي رجل.... سبحان الله كيف دخلتي لقلبي انا وملاك.... نتمنى من الله دخلي لقلب اسي بلال .... غادي تكوني أحسن أم وأحسن زوجة.

نزلات باستها على جبهتها طفات الضو وخرجات.

لا تنسو جيم وتعليق 🌹😘