💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 124🌹
خرجو كلهم من الدار ....
كان قدام الباب سيارة ديال الجوندارم نزلو منها رابعة ديال الرجال جاو عند بلال سلمو عليه....
رجل الامن : الدكتور بلال ... حنا جينا باش نضمنو امن نقل المريض بدون عرقلة اي شخص ... وهذي اوامر جاتنا من السلطات العليا في الدار البيضاء ...
بلال : شكرا بزاف على حضوركم في الوقت المحدد ..
رابحة غير شافت الدرك الملكي كانت غادي تعملها في حواجها رجليها مابقاوش هزينها والهضرة هربات ليها.. وجها ولا صفر ... شافت فيها هبة وابتسمت بانتصار..... الصوت اللي سمعوه لداخل زاد قوى حيث ولا فوق الجردة الواسعة ديال الفيرما ....هز كلشي عينو وتتبان ليهم الهيلوكبتير تتستعد تنزل ....
هبة بقات حلا فمها ماتوقعاتش ان الاسعاف هي هيليكوبتير.
تجامعو الناس ديال لقبيلة بزربة كلشي جاي تيجري باش اعرفو شنو واقع والخدامة ديال الفيرما جايين فرحانين ... اول مرة اشوفو طيارة على الارض ... نزلو منها زوج ديال الفرملية .... وصلو عند بلال ...
الفرملي : دكتور بلال فين لمريض .
بلال : سكرا بعدا على خضوركم في الوقت .... لمريض لداخل تبعوني .
شد هبة من يدها ودخلوا عند الشيخ ..
ماكملاش عشرة الدقايق حتى كانو حطوه على اللوحة هزوه خرجوه من الدار قدام رابحة اللي من صدمتها بقات غير حالة فمها ... مايصحابهاش راجل هبة لهاذ الدرجة واصل ... وقد اخرج الشيخ من قدام عينها بلاما تقدر تحرك حتى صبعها او تنطق حرف ... دادا ميمونا خارجة حتى هي والفخر و الفرحة في عينها شافت في رابحة وضحكات ...
دادا ميمونا : رابحة شفت لسانك تسرط ... جات غير من الجبل و سكتاتو ليك .... حرمتيها من اباها الشيخ ... عطاها ربي واحد كثر من الشيخ ... شتي ربي كبير يمهل ولا يهمل.... وخليتك على خير وفكري مزيان في اللي جاي ... راه صعيب ووقت لحساب راه قرب ....
زادت مشات جيهة السيارة ديال بلال ركبات اللور وخلات رابحة تتغزل وتترعد بالخوف من كلام ميمونا فعلا الا مشا الشيخ حتى تعالج غادي ايجي انتقم منهم .... دارت بيها الدنيا وكحلت في عينها ودياقت عليها حالها ماتوقعاتش انه غادي ايجي نهار تنتصر فيه هبة اللي لا حوله ولا قوه لها عليها ....
هبة وبلال تسناو الطيارة حتى قلعات عاد حتى هما ركبو في السيارة تيستعدو امشيو لدار البيضاء ولحقو على الشيخ ....
الطريقة باش خرج الشيخ من لقبيلة ... راجعات ليه هيبتو وقيمتو قدام ناس لقبيلة ... واول ماطلعات الطيارة ... كاع ناس لقبيلة رجال و نسا صغار و شباب كلشي تيشير ليه بيديه وتيهتفو وهما تيودعوه وفرحانين ان هبة قدرات تحيدو لرابحة باش تعالجو .
وكذلك هبة خرجات وسطهم هازة راسها ومفتخرة باللي عملاتو او بالاحرى باللي عملو راجلها بلال ليها ولباها الشيخ ... ولهاذ السباب هي يوم بعد يوم تتزيد تتعشقو ماشي تتحبو ...
تحركات السيارة ديال بلال دايزة من وسط الناس لي وقفو قدام لفرمة كيشوفو ف طيارة لي طلعات لسما وف السيارة لي خرجات من لفرمة وركبة فيها بنت شيخ هبة ومن لا يعرفوها والمجدوب لي صدمهم.
واحد دري : هدي هبة لي معها هو نفسو لمجدوب لي كان فالغابة
دري تاني:، ييه اخويا باين عليه يدو وصلة فلبلاد شفتي باش هزو شيخ من وسط دارو وخا العربي ورابحة منعو عليه حد ازورو ولا ابغي اديه اتعالج
دري تالت: بشاخ على بلان وقع دبا من هنا لقدم مبقات لا هيبة عند لعربي ولا حتا كلمة باين هدا رجل هبة غدي ايتولا بيهم .
أنت تقرأ
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
