هروب ليلة الزفاف💍مكتملة💍

💍الجزء 125💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 125🌹

هنا بان العربي وراهم العربي لي كان سمع من صحابو بلي راجل هبة رجع  وجاي ناوي على خزيت ولاكين فاش بان ليه بلال معاه الجندارم  مقدرش ادخل ولا ابان قدامو خايف منو وخايف بلال اضيع ليه هيبتو تاني قدام جماعة   تخبا كيطل غير من بعيد حتا تحرك بلال وتبعوه درك الملكي لي خرجو بالسيارة تاعهم   وعاد بان لعربي بدا اعلي فصوتو ويحيح على الناس باغي ارد شوية من لهيبة تاعو قدمهم

لعربي : مالكم مجمعين ليا هنا اش واقع هنا (موجه هدرتو  لواحد من لخدم) انت اش وقع ف غيابي هنا تكلم

الخدم: هبة بنت شيخ جات لبارح مع ميمونة  وجا راجلها معها   وليوم هزو شيخ فطيارة داوه لمدينة اتعلاج

العربي:   (صرفق لخدم كيحاول ابين بلي راه كلمة كلمتو ومزال اقدر ارعب الناس) وعلاش حتا حد معيط عليا فاش جاو شكون عطاهم لحق اخرجوه...

واحد من دراري: هههه اصلا كون جيتي كاع متقد دير والو قدام رجل بنت شيخ لي  جاو لجوندارم عطاوه تحية
العربي : (شنق على دري) تحل ليكم لفم   انا غدي نعاود ليكم ترابي لعربي هو لي كلمتو تسمع فهدا لقبيلة كاين غير العربي اللي ماتيخاف من حتى واحد... وغيرو مكينش وكون جيت كون فرجتكم ف هدا الرومي ولد لمدينة لي دخل لدار ختي بلا موجيب شرع هو وديك لعاهرة لي هربات معه وكتمتل بلي رجلها  ولاكين انا لي غدي نتفاهم معهم ونتفاهم مع اي واحد حاول اهز راسو قدامي كتسمعو..... من اليوم حكام الشيخ سالا وبدا حكام العربي ...العربي اللي وقف قدامو انحيه امسحو من وجه الارض.

كمل هدرتو  لي كلها تهديد لناس وهو اشهق مخرج عينو ونزلهم بالعرض لبطيئ باش ايبانو ليه سنان  المدرة خرجو من كرشو بد كيكحب ودم طلع من فمو  حط يدو على فمو وحاول ادور اشوف شكون دربو لمح بنت ختو وقفة كضحك وشعرها  مشعكك...  ناس كلهم شهقو وتجمعو على لعربي لي طاح الارض كيتفركل بحال الحولي المدبوح ....تيتألم وهو  كيلفض انفاسو الاخيرة

فتيحة:  (بفرح كتنقز وتلعب ب شعرها) قتلتو هنيتكم منو ومن شرو   هههههه قتلتو كيف قتل محمد رجلي    هههههه لعربي مات  ههههه مات لعربي العربي المجرم القتال قتلو  انا قتلتو  

. مشات كتنقز وكتهدر وضحك تلقات ب رابحة لي فشلتها صدمة تاع هبة خرجات شيخ من دارو بزز منها    ... مشات فتيحة عندها وهي كضحك...

فتيحة: قتلتو  هههه هنيت ناس منو ومن شرو ههههههه
رابحة مفزوعة: (شافت ف بنتها كتنقز) شكون قتلتي ابنت لهم اش درتي

فتيحة: قتلت ليك داك صعصع ديال خوك لي طلقتيه على ناس بحال كلب مصعور كيعض فيهم انا خشيت فيه مدرة خليتو اطيح الارض ههههههه مات مات العربي

رابحة: اويييليييي خويا اويليييي اش درتي ابنت لحرام قتلتي سند لي مكالي علينا دياب

بدات رابحة كتجدب فالارض  وفتيحة كتفرج فيها وضحك كتلدد وهي كتشوف رابحة كتبكي دموع  وتجرب تخصر شخص عزيز عليها  دوقتها من نفس لكاسة لي داقت منها هبة   عاد دوات معها هبة على لخلاص فدنيا هاهي بدات تخلص

ناضت رابحة كتجري  وطيح  تجري وطيح  باش طل واش  خوها بصاح مات واش مزال متعتق فيه   وصلات قدام باب لفيرمة لقات ناس وقفين كيتفرجو فيه هو لي طاح الارض والعود ديال المدرة لصق فضهرو هو لي باقي متخشاش فيه...... دفعات ناس وهي دخل هزات راس خوها بين يديها

رابحة تتغوت وتبكي : واخويي واخوييي لمن خلتييني وا العربي وااخوييي اش وقع فيك وا خوييي درتها بيك بنت كرشي غدراتك وقتلاتك والعربي خويا لمن خلتيني انا محتاجك فهدا لوقت قبل من اي وقت   (حسات بيه كيطلع نفس وهي تفرح) العربي عايش عتقوه  وناس شحد اعتق لياا خويا نديو لسبيطار    وناس ديرو يدكم معيا

وقفات كطلب ف ناس اهزوه معها وحتا حد مبغا اعونها ... سخرية لقدر عاد لبارح كانت وقفة فوجه هبة كتمنعها تدي شيخ ادوا  شي لي حرماتو من العلاج هاهي بغات دوي خوها مكين لي اعونها غير تهزو تديه لسبيطار ...  شيخ بعدا لقا بنتو جابت رجلها لي  هزو داه   ... وهي خوها مكين لي اهزوه   بقات دور على ناس واحد ب واحد وحتا حد مرحمهم حيت هوما مصرفوش الخير فناس باش اردوه ليهم دبا  اليوم  رابحة وخوها كيتجزاو على افعالهم لي كلها شر 

طحت في  الارض فاشلة معندها حتا حيلة ل خوها شاافتو لفض انفاسو الاخيرة  وصلات نهايتو  موت الغفلة شحال صعيبة ماتتكون عند الواحد حتى الوقت باش اشهد او اتوب لرب العالمين ...  سبحان الله العادل عاد كان كيهدد فناس بلي هو لقوي فالدوار نسا بلي فوق منو الله سبحانه وتعالى لي من بين اسماءه الحسنى القوي  ...