هروب ليلة الزفاف💍مكتملة💍

💍الجزء 68💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 68🌹

ملاك : هبة اجي سلمي على لميمة.

قربات هبة من الحاجة وحنات هزات ليها يدها وباستها.
هبة بابتسامة خفيفة : الحاجة الحمد لله على سلامتك. ان شاء الله ربي يشفيك واعافيك واقومك على خير.

الحاجة بقات تتشوف فيها وهي وتبتسم ابتسامة خفيفة وقالت: امين ابنتي . الله ارضي عليك.
هنا كريم تكلم: الحاجة الحمد الله على سلامتك . العملية كانت ناجحة غير شوية ديال العناية وتخرجي بسرعة من هنا.
بلال: ان شاء الله قريب تخرجي وتنوري دارك. خاصك غير تبعي تعليمات الطبيب وتحاولي ترتاحي.

الحاجة ماجوباتش كريم بل شافت في ولدها وسولاتو : انت ابلال اللي درتي لية العملية

بلال سرط ريقو وحاول اتحكم في صوتو : لا الحاجة كريم اللي دارها ليك.

الحاجةسكتات تنهدات ورجعات شافت فيه وقالت  : من بعد ونهضرو حتى في هاذ الموضوع.
كريم  قرب منها تيبتسم : نساي الحاجة دابا جميع المواضيع وهتمي غير بصحتك.
شافت الحاجة في هبة وقالت: تتهلاي في حفيذتي ياك

هبة ابتسمت : أكيد الحاجة هاذ الملاك راه اسم على مسمى دغيا تدخل لقلب .
ملاك متحمسة باغا تعاود كلشي لجدتها  : عرفتي الميمة راه ماشي غير مربية ديالي راها ولات صحبتي ... هبة اميمة تتعاملني زوين وظريفة بزاف 

كريم ابتسم بابتسامة مكر وشاف في هبة وقال: بلال منين جابتي هاذ المربية باينة لية باقا بميكتها.

بلال خنزر فيه وقال: كريم ... حسن الفاظك ... هبة ماعندهاش مع هاذ الضحك الباسل ديالك.

كريم شاف في هبة وابتسم : سمحي لية الالة هبة ... لكن بحالك اول مرة نشوفهم في محيط اسي بلال.
هبة نزلات عينها وماجاوباتوش فعلا حتى هي مارتاحاش ليه . جاها باسل .

كمل كريم : وبصراحة حتى انا حسن اللي الشرف نتعرف بشي وحدة جمالها طبيعي وحياها تيبان على خدودها الحمرين. ههههه .... فراسك انتي بحالك ولاو تينقاردو اكثرية ولاو الحمورية على لخدود تيعملوها بالمكياج....هههههه.

هبة شافت في بلال وخنزرات وكأنها تتقول ليه ياسكت صاحبك ياغادي نسكتو.... وفعلا بلال محملش كريم اتغزل في هبة حيث هو عارفو زير نسا وعارف اخلاقو بكل مايتعلق بالجنس الاخر. وعرف ان كريم في هاذ اللحظة عجباتو هبة.... وهاذ الفكرة عصبات بلال... الشي اللي  خلاه بلاما يشعر ايدور ويمشي يوقف حدا هبة .
وقال وهو تيشوف في كريم.

بلال وخا تيحاول اهدأ اعصابو لكن كريم لمس نقطة حساسة عند  بلال نقطة هو نفسو ماعرفش علاش تعصب بخصوصها وتيحاول مايبينش
بلال   : كريم هبة خط حمر ... وسبق قلت ليك راه ماعندهاش مع بحال هاد الضحكك ... فبدل الموضوع .... الحاجة مريضة بلاما نزيدو نوثروها.

هاذ لكلام تيقولو وهو تيحاول ابان هادئ لكن الحاجة حافظة ولدها مزيان.... الشي اللي خلاها تبتسم .ودور في عينيها علم الله فاش فكرات.

الحاجة  شافت في هبة اللي ولا وجها حمر ابتسمت وقالت : اجي ابنتي حدايا.... نوصيك.

قربات منها هبة: نعم الحاجة.

الحاجة: تهلاي ابنتي في ملاك .... وماتخليهاش تتعصب منها خالتها ليلى ... راه ليلى بزربة تتعصب ... وملاك مزال صغيرة لهذا ماتيتفاهموش..

هبة : كوني هانية الحاجة ملاك  راه في عينية بزوج.

ملاك: راه هبة ظريفة حيث بابا اللي جابها ومهلية فية ماشي بحال هدوك المربيات اللي تتجيب لية طاطا ليلى صعاب وتيعاقبوني.

الحاجة : دعي ابنتي نخرج وكلشي اتبدل.

ملاك : راه شحال دعينا معاك الميمة .. فراسك الميمة هبة علماتني نصلي وندعي وراه دعيت معاك انا وهي باش تبراي.... ولكن ماقدرتش نصوم قالت لية باللي انا مزال صغيرة ولكن هبة صامت اليوم ..قالت لية الا صلينا ودعينا الله وصمنا غادي ربي اشفيك... وبصح اليوم فقتي وجينا شفناك.

الحاجة شافت في هبة مامصدقاش شنو سمعات: بصح ابنتي صمتي على قبلي.

هبة: الحاجة وخا ماتنعرفكش لكن زهرة وملاك واسي بلال ماعودو عليك غير الخير قلت نصوم ربي استجب واشفيك وارجعك لعائلتك على خير ... ودعوة الغريب مستجابة .

الحاجة : انا فعلا عاد ارتحيت منين عرفت بنتي ملاك في يد امينة عارفة بينها وبين الله.

شافت في بلال اللي كان تيشوف في هبة منين سمع كلام بنتو بقا  ساهي تيفكر في الانسانة البريئة اللي قدامو اللي وعداتو تصوم وتدعي للام ديالو ويمكن ربي استجاب لدعائها...  شحال تفكيرها وقلبها نقي وكبير ...

لا تنسو جيم وتعليق 🌹😘