💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 138🌹
شغل بلال السيارة ديالو وخرج بسرعة ... شد نفس الطريق اللي مشات منها ليلى ....
وماكملاش دقيقة حتى صونا تيليفونو وطلع ليه اسم ليلى المتصل.
بسرعة فتح المكالمة وجاوبها معصب وتيغوت : الو ليلى ... بلاما نطول معاك الهضرة .... قولي لية انتي فين نجي ناخد هبة .... ولا والله مايعجبك حالك
ليلى :هههه حبيبي بلال مالك تتغوت راه شتها قنطات قلت نديها تفوج شوية .
بلال : ليلى ماتصعرينيش .... وقفي وقولي لية فين انتي ... فعايلك هادو ماعندهم حتى شي معنى ... وباركة من التبرهيش.
ليلى : هههه مزال ماشفتي والو من التبرهيش ديالي ... السلامة ياربي شحال فيك الصداع ... وهبة اللي مخطوفة ساكتة ماتتهضرش ... قلت ليها كلمة وحدة ساكتات ...
بلال : مال هبة .... هبة هبة تتسمعيني .
ليلى : تتسمعك ...ها انت سمعها تهضر ( شافت فيها من لمرايا القدامية حيث هبة جالسة اللور اما التيليفون كانت دايراه على مكبر الصوت وملصقاه قدام السيارة وقالت ) هضري قولي ليه حنا فين قلت ليك غاديين .
هبة دموعها نازلين وبصوت ضعيف وحزين : بلال ... عفاك تهلا في ملاك وقل ليها ماما هبة تتبغيك بزاف ...
بلال صوتو قفزهم : ليلى .... هبة شنو تتقصد بكلامها .
ليلى : ههههه انا نقول ليك شنو تتقصد ... شتها مسكينة غير الفيلا وماتتخرجش قلت نقطع ليها تذكرة لباغادي ....ههههه للجنة .... حتى انا غادي نسافر معاها غير انا طريقي مختالفة على طريقها ... انا لجهنم وهي الجنة هههههههههههههه.
بلال بدا تيهدن صوتو : ليلى تهدني واش حمقيتي قولي لية علاش ناوية.
ليلى من الضحك ولات تتبكي وهي اللي ولات تتغوت : اه ابلال انا حماقيت .... من نهار شفتك وانا مجنونة بيك ... حبيتك من كل قلبي تخيلتك فارس أحلامي وراجلي .... ولكن كاميليا داتك لية وخا كانت عارفة انني تنبغيك .... اي حاجة تتعجبني هي كانت تتخادها لية علاش حيث كانت زوينة علية .... وحتى كريم شافتو معايا ... قررت تاخدو ولكن بصراحة انا اللي ساعدتها وساعدتو اتقربو من بعض .... كريم كان بحالها أي حاجة ديالك تيبغيها ... واستغليت هاذ النقطة وخليتهم اخونوك ... بدليل انك هاملها ... هههه انا وسوست ليها تخونك وقلت ليها تعيش الحياة وراك وانا اللي كنت تنغطي عليها .... كنت بغيتك تكتشف انها تتخونك وطلقها وانا نتزوج بيك وكانت الخطة ديالي غادي تنجح أكثر منين عرفات راسها حاملة من كريم ...ههههه اه كانت حاملة من كريم ...هههه الولد اللي حزنتي عليه ولد صاحبك ههههه .... لكن ملاك خسرات لية خطة ديالي منين اكتشفت ان ماماها تتخونك .... ومنين جيتي لدار كان مخبي عندي في بيتي .... ومنين خرجتي تبعاتك ملاك باش تقولها ليك .... وتبعاتها كامليا باش ماتخليهاش تهضر ... لكن ضرباتها سيارة ... كان القدر عندو خطة اوعر من الخطة ديالي .... وفرحت اه فرحت لموت ختي بزاااف حيث تحيدات من طريقي وبقيتي ديالي بوحدي ... لكن ملاك كانت تتشاركني فيك .... كنتي تتبغيها بزاف غرت منها اه غرت منها كنت بغياك تحبني بوحدي قلبك بغيتو نكون فيه غير انا .... لهذا قررت نخرجها من قلبك ونشوه صورتها عندك ....كنت باغا نصيفطها تقرا بعيد ... لكن جات هبة خسرات لية خططي ... حتى خطبتيني ومابقا والو لزواجنا ... دخلات هي لحياتي و دمرات كاع خططي .... انا تنكرها تنكرها .... سرقاتك مني ... سرقات حبي لكبير .... بلال حبيبي انت راه حياتي كلها ... انا راه مانقدرش نعيش بلا بيك .... انا انا عارفة راسي خسرتك ... ولكن ماغاديش نخليها هي العروبية تاخدك مني .... غادي حتى هي تخسرك ... وانت غادي تخسرها وملاك غادي تخسرها باش حتى نتوما تحسو بطعم الخسارة اللي انا حاسة بيه ....ههههههه الخسارة المرة اللي تتحطم القلب والروح وتتخليك غير جثة ماشية على الارض ههههههه
بلال بصوت هاذئ تيحاول اهدأها لان حالتها النفسية جد محطمة وتقدر تعمل أي تصرف خطير في اي لحظة : ليلى تهدني ..... عفاك اتهدني انتي مزال صغيرة ومزال الحياة قدامك ... ومزال تلقاي ماحسن مني ...
قطعاتو : سكت سكت سكت ... ماكاينش ماحسن منك ... انا بغيتك انت انت فقط .... وماغاديش نبغي شي حد وراك .... لان الحياة بلا بيك ماتتسواش انا قررت ننهيها ولكن غادي ندي معايا هبة ههههههه .
أنت تقرأ
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
