💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 139🌹
دارت ليلى شافت في هبة اللي كانت غارفة في دموعها : هبة ماكانش عليك تاخدي حبيبي .... غلط كبير عملتيه ... غادي دفعي ثمنو غالي ...ههههه ذابا قولي لية بوابة الموت بغيتيها على الطريق ولا على البحر ....
هبة تتبكي : ليلى شنو غادي تربحي الا قتلتيني وقتلتي راسك من غير غضب ربي ... انا ماخايفاش من الموت حيث علينا حق .... ولكن انتي بأي صورة غادي تقابلي الله سبحانه قاتلة روحين ... روحي انا وروحك .
ليلى تتغوت : سكتي سكتي .... انا تاخدت قراري .... مابقيتش باغا نتعذب بوحدي ... بغيت كلشي اتعذب معايا ... انا اصلا تنتحرق بنار الحب .
هبة : عفاك اليلى خلي العاطفة على جنب وفكري بعقلك ...
ليلى : هههههه اصلا مابقا عندي عقل ... عقلي داه لية بلال من نهار شفتو ههههه .
بلال : ليلى عفاك سمحلي لية انا ماقصدش نآذيك .... نتقمي مني انا ياك انا السبب لكن هبة مادرت ليك والو .... اجي قتليني انا لكن هبة خليها عليك .... انا اللي تزوجت بيها .... اما هي كانت غير مجبرة .
ليلى : كان خاصك طلقها .... ماكانش خاصك تجعلها ام لملاك ... وتفضلها علية وبعدما وعدتيني بالزواج خلفتي وعدك سمحتي فية ..... اه سمحتي فية رميتيني بحال الكلبة .... جرحتيني جرحتيني بزاف وحتى انا غادي نجرحك .... غادي نجرحك جرح كبير عمر اثارو كايتمحا ..ههههه
شافت في هبة تضحك : ودعي راجلك انا صافي ختاريت بوابة الموت شتي هذاك الكاميو اللي جاي هذاك هو بوابة الموت ديالنا....
بلال بدا تيغوت : ليلىىىى ... لالا وقفي .
طارت هبة على ليلى اللي شافتها متوجهة مباشرة جيهت الكاميو وبدات تتحاول تغير اتجاه السيارة .
ليلى تتضحك : ههههههههه غادي نموتو هههههه
ومجات فين تكمل ضحكتها حتى تسمع صوت اصطدام كبير .... تخلط مع صرخة قوية ديال هبة ..
هاد الصوت خلا بلال امسك فران بسرعة ووقف سيارتو وسط الطريق حس بنفسو غادي توقف وقلبو غادي اوقف معاها .
بقا ساكت مافهامش شنو وقع ... واش تيحلم واش هذا كابوس غادي افيق منو ... لا هبة مستحيل تكون ضاعت منو للأبد ... لا أكيد كاين شي غلط ... مايمكنش القدر العب بيه بهاذ الطريقة ... بدا احل صدايف قميجتو لأن صدرو تخنق عليه وبيد تترتعش مسك التيليفون اللي مزال الخط دياز فيه ...
وبصوت متوثر قال : هبة ... هبة تتسمعيني جاوبيني عفاك ... سمعيني صوتك تتسمعيني ....
سكت على الله تجاوبو لكن تيسمع غير صوت الناس اللي مامفروزش....
هز عينو تيشوف في الطريق اللي قدامو بغا ازيد لقدام لكن رجليه فشلو عليه .... خاف من اللحظات الجاية اسمع فيهم خبر احطم اخر امل كان عندو في الحياة .. وهو هبة ...
ومن صوت الهاتف تيسمع انين خفيف : ب.ب.بلال ..
اه صوت هبة اه هبة
رجع للواقع مابين فرحة وزوج دمعات نزلو بسرعة على خدو : هبة ... هبة تتسمعيني .... بقاي بقاي معايا انا جاي انا جاي احبيبة ماتخلينيش عفاك غير صبري انا جاي .
شعل السيارة ديالو وانطلق بسرعة .... وماكملاش واحد 1000 متر حتى لقا ناس مجموعين قدامو على حادث سير ... وقف السيارة بسرعة ونزل تيجري .
بدا بلال تيدفع الناس المجتمهرين على السيارة واول ما وصل تفاجأ بالمشهد المروع اللي قدامو ... كانت جيهت السائق معنفجة تحت الكاميو وجهة وحدة من السيارة اللي سالمة شوية وهي اللور ديال السيارة.
قرب بشوية بشوية من السيارة .... واول ماشاف فيها لقا جثة ليلى مشوهة لقدام اما هبة كانت مرمية اللور كلها دمايات
بلال تيغوت : هبة هبة تتسمعيني .
تيحاول احل الباب والو ما بغاش اتحل بدا اضرب برجليه الزاج ديال الباب والو ... تيحاول اوصل لهبة بأي طريق تيبان بحال شي وحش هايج ... الناس ماقدروش اقربو منو ....
دار تيشوف فيهم وبدا اغوت : فين هي الاسعاف فين هما فرق الانقاد جالسين تتفرجو .
جا مول الكاميون هاز واحد لحديدة عطاها لبلال .
الراجل : راه تصلنا بيهم قريب اوصلو
بلال : عاوني نحل الباب عافاك راه اللي لور مراتي ...
بداو بزوج تيتقاتلو مع الباب حتى تحل .
واول ماتحل تخشا بلال جيهت هبة تيقيس نبضها لقاه ضعيف ولكن مزال حية ....
بدا اعمل ليها الفحص الشامل لقا عندها ضربة في راسها والزاج ضاربها في كرشها وفخضها الشي اللي تسبب ليها في نزيف الا ماوقفوش تقدر تموت في اي لحظة ...
حيد قميجتو قطعها على زوج وبدا اضغط على الجروح باش اوقف النزيف ....
هبة كانت غايبة على الوعي ... وبلال تيحاول اتحكم في اعصابو لأن الاهم ذابا هو انقد هبة .
KAMU SEDANG MEMBACA
هروب ليلة الزفاف💍مكتملة💍
Romansa💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
