هروب ليلة الزفاف💍مكتملة💍

💍الجزء 127💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 127🌹

وصل  بلال  ودادا ميمونا  وهبة بسرعة للمستشفى كان الشيخ وصل قبل منهم وحسب التعليمات اللي خلا ليهم في التليفون لقاهم عملو جميع الاجراءات الطبية من تحاليل وصور اشعة ... وكانت النتيجة انه محتاج لعملية جراحية خطيرة ودقيقة لراس ديالو حيث لقاو عندو عرق مبوشي ... وكانت عملية طويلة  لعبات على اعصاب هبة .... اللي دوزات الوقت كامل في المكتب ديال بلال غير تتصلي وتدعي الله باش تنجح العملية وقوم على خير .... قيلات نهار وليل تتصلي

حتى الثلاثة ديال الليل عاد خرجو الاطباء من البلوك كانت هاذيك الساعة تتسنا هي وداد ميمونا وبلال .... خرج الطبيب تحيد الكمامة من على فمو.

غير شاف بلال توجه مباشرة جيهتو.

بلال : دكتود العمراني كيف صارت العملية ...

دكتور : الحمد لله دازت مزيانة .... وتيبقى أملنا في الله وفي الساعات القادمة ... اللي غادي نراقبو فيها ردة فعل المريض وان شاء الله اقوم بسرعة من الغيبوبة...

هبة قربات من بلال ومسكات في حوايجو : لأن الهضرة كاملها اللي اللي تقالت قدامها بالفرنسية فهمات شي حاجة اما المسطلحات الطبية ما فهمت فيهم والو.
هبة على اعصابها وعلامات الخوف مرسومة على وجها : بلال ... امدرا ... كيف بقا ابا.
بلال هز يدو حاط بيها كتفها وقربها منو تيطأنها ..

ابتسم وقال: الحمد لله كانت العملية ناجحة ... ونتمناو جسمو اتفاعل معانا مزيان في الساعات القادمة.

هبة : بغيت نشوفو .

بلال : مايمكنش ذابا هو في العناية المركزة خاص تيفيق.

هبة شافت فيه بحزن : وامتى ممكن نشوفو.
بلال : كما قلت نتسناو افيق في هاد الساعات القادمة.

رجع شاف في الدكتور العمراني وشكرو على مجهوداتو.

بلال شاف في هبة : خاصك تمشي لدار ترتاحي .

هبة : مستحيل نمشي من هنا .... حتى افيق ابا ونشوفو بعيني ونهضر معاه.

بلال: ولكن راه مايفيق هو تتكوني انتي متي بالجوع ولعيا والسهير .

هبة بدات تترجاه: عافاك غير خليني هنا مابغيتش نمشي

سكت بلال شوية ...من بعد بانت ليه واحد الممرضة ... عايط عليها وطلب منها توجد ليه غرفة بزوج أسرة ...وفعلا بعد عشرة دقايق كانت الغرفة واجدة لهيبة ودادا ميمونا باش ارتاحو فيها...  وطلب ليهم لعشا اللي غير نقبو منو حتى واحد ماكانت عندو الشهية ....
جا وقت بلال امشي لدار باش ادوش وابدل حوايجو اللي ليهم يوماين وهو لابسهم ...
قرب من هبة وباسها في راسها وقال: انا غادي نمشي لدار الا كنتي محتاجة شي حاجة قوليها لية انجيبها ليك معايا.... وحتى صباح منين نكون جاي نجيب ليك معايا تليفون باش نبقاو نلقاو باش نتواصلو.

خرج بعدما تمنى ليهم ليلة  ..

دادا ميمونا : ربي عوضك ابنتي براجل غزال ... طولة وتجردة وقرايا ومكانة و جاه ومال والله ابنتي ربي كبير ... سبحانه اللذي سخرو ليك

هبة تنهدات : فعلا دائما تنحمد ربي ونشكرو على بلال اللي سخرو لية في اضعف اوقاتي

دادا ميمونا : اوا الله اتاويكم ابنتي واخاليكم لبعض

هبة من قلبها قالت : امين يارب..
عياو عيونها واستسلمت لنعاس بكثرة لعيا.

مر اسبوع على عملية الشيخ وخلال هاذ الاسبوع سكنات هبة ودادا ميمونا في المستشفى مامشاوش لدار نهائيا حتى من الدوش تيعملوه في الغرفة اللي ولاو عايشين فيها ...

الشيخ فاق من الغيبوبة و بدا احرك رجليه ويديه ولكلام ولا ترجع ليه بشوية بشوية ....
اما الحاجة وملاك رجعو من السفر وحكا ليهم بلال شنو وقع و عملو زيارة لهبة ولباها ووقفو جنبها وقفة عائلة وحدة ...

بلال ولا تيعامل هبة معاملة زوج لزوجتو كلها اهتام و لا اضحك معاها اجمع معاها اناقش معاها بعض المواضيع لكن الرومانسية كانو مبعدين عليها احتراما لنفسية هبة والظروف اللي هي فيها .

وبقاو على هاذ الحال حتى مر اسبوع ثاني اللي قررو فيه اخرجو الشيخ من السبيطار...  داوه مباشرة للفيلا لأنه محتاج للهناية والراحة والترويض ولا اوقف على رجليه وكلامو ولا مطلوق خاصو ادرب غير شوية على المشي لكن ... مزال محتاج الراحة ونصحهم الطبيب غير بشوية بشوية وبالعناية غادي ارجع حسن من الاول.