💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 154🌹
الحاجة ابتسمت باش تهدنها لانها شفتها توثرات : ذابا هو بالف خير وفي واحد المكان زوين .... لكن اللي وقع ليه هو ان كريم كانو تيقلبو عليه البوليس الدولي .... حيث متهم في عمليات النصب والاحتيال .... كان تيجمع تبرعات على اساس تيساعد الناس وهو تيضربهم الجيبو ... (هبة قالت في خاطرها اديرها الغذار كملات الحاجة ) لكن التهمة الكبيرة انه اكتشفو بأنه تيتاجر في أعضاء البشر في تركيا .
هبة مصدومة : لا ماتقوليهاش الحاجة استغفر الله العظيم ... واش هذا حمق ... لهاذ الدرجة طمع وتعماو عينيه.
الحاجة : الطمع طاعون ابنتي .... راه كانو تيشريو الكلاوي من هدوك السوريين اللاجئين في تركيا مقابل مبالغ مالية .... واعودو فيها البيع بمبالغ اكبر ... وحيث كان خدام في لكلينيك عدنا ... عملو تحقيق مع بلال ومع كاع اعضاء المستشفى والحمد لله انه ماعمل حتى عملية مشكوك فيها في لكلينيك عدنا ... وهاد الشي هو اللي عتق ولدي بلال كوراه حتى هو مشا فيها ....
هبة تنهدات : الحمد الله .... ربي كبير ... ولازم في الاخير الحق تيبان ... وبلال انسان قنوع الحمد لله .... وتيعمل الخير اكيد ربي غادي اكون معاه ...
الحاجة : اه فعلا ابنتي ... ربي كبير والحمد لله ربي حفظ لية ولدي من هاد البلاء .
هبة : ودابا كريم شدوه.
الحاجة تنهدات وبوجه حزين قالت : للاسف انتحر.... لقاوه في واحد الشقة في تركيا واخد جرعة كبيرة من واحد الدوا اللي نها ليه حياتو .... والغريب في الامر انه خلا رسالة اعتذار وطلب سماحة من بلال .... وحيث سمع من والديه انهم تيحققو مع بلال وانه مطلوب داخل وخارج المغرب ... في نفس هذيك الرسالة برء بلال والمستشفى من كل تهمة وقال باللي عملو كان مستقل على لكلينيك .... وهاذ الرسالة زادت الحمد لله برآت ولدي .
هبة : لا حول ولا قوه الا بالله العلي العظيم.... ماتمنيتش ليه اموت بهاذ الطريقة .... وفيه الخير بعدا خلا رسالة لبلال على الاقل هذيك الرسالة غادي طيب لبلال خاطرو واسمح ليه بعدما غدرو وخانو .
الحاجة : اوا الله اسمح علينا وعليه.... المهم هذا هو المشكل اللي خلا بلال اغيب هاد المدة كاملة .
هيبة بخجل : وذابا الحاجة امتى غادي ارجع ...
الحاجة ابتسمت وقالت : في هاد الاسبوع ان شاء الله .
هبة الخبر فرحها بزاف مسخاتش طير على الحاجة وتعنقها ...
هبة : ماعرفتيش الحاجة نهار بالضبطت ....
الحاجة : قال لية باللي الطيارة غادي توصل نهار الجمعة في الصباح .
هبة مستغربة : طيارة ... علاش هو مسافر خارج المغرب.
الحاجة : اه ابنتي بلال مشا السعودية ... مشا اعمل عمرة ... اطهر بيها نفسو واتقرب بيها من اللي خلقو ... واغسل بيها روحو وذنوبو ... كما قلتي مشا اتصالح مع الله ومع نفسو ...
هبة كان هذا أسعد خبر سمعات في حياتها من كثرة فرحتها نزلو دموعها وجارت على الحاجة تتبكي وتضحك في نفس الوقت ....
الحاجة مستغربة منها : الله ابنتي مالك ....علاش تتبكي .
هبة : هدو دموح الفرحة الحاجة ... فراسك هذا اسعد خبر سمعت في حياتي .... انا اليوم فرحانة بزاف ... انا ليوم غادي نقيم الليل كامل ... وغادي نخرج الصدقة وغادي نصوم غذا .... راه كانت هذي هي اكبر امنيتي .... ان بلال اصلح علاقتو مع الله سبحانه وتعالى .
الحاجة : الحمد لله ابنتي ... انتي راك نورتي طريقو ... دخلتي لحياتو بحال البلسم شفيتي كاع الجروح ... انتي هبة عطاها ربي لولدي غيراتو وغيرات ليه حياتو ومن السئ للاحسن . ومن الظلمات إلى النور.
هبة : الحاجة انا غير السبب لكن الهداية من عند الله سبحانه تعالى: يُضِلُّ اللَّهُ مَنْ يَشَاءُ وَيَهْدِي مَنْ يَشَاءُ[المدثر:31] .
الحاجة : ونعم بالله ابنتي.
هبة في خاطرها بقات تتحمد الله وتشكرو فعلا هي اسعد وحدة ... منين بلال شد طريق الله ... وفي هاد الحالة مابقا قدامها غير تكون ليه فعلا زوجة ... وتسناه في بيتو كما طلب منها ... تفكرات الجروح اللي على جسمها وتوثرات وطغا الحزن على وجها .
الحاجة شافتها رجعات سهات لكن بملامح حزينة وهي تسولها .
الحاجة : هبة فين مشا عقلك ثاني ابنتي.
هبة ابتسمت غير بزز : لا والو الحاجة .... غير كنت تنفكر واش غادي ايجي نيشان لدار ولا غادي ابقا في الدار البيضاء.
ا الحاجة ابتسمت : لا غادي ايجي نيشان راه الهبيلة غادي اكون توحش مراتو كما حتى انتي توحشتيه.... شوفي بغيتو ايجي القاك عروسة ... اه لو كان نرجع بالزمان اللور وكو تلقيتو في ظروف مناسبة كو عملت ليكم أحسن عراسية ... .
هبة ضحكات : هههه راه ابا دار لية زوج عرسات وكل مرة كنت تنفرتكها ليه وتنهرب ....( طغات علامة الحزن على وجها والضحكة تحولات للحزن ) تمنيت الحاجة نخرج عروسة من دارنا وابا اسلمني راجلي وهو راضي علية وفرحان بية وسط لقبيلة ومفتاخر بنسيبو .... لكن الحياة عندها طرقها والقدر عندو لعبتو وحكمتو .
الحاجة حسات بيها .... كل بنت تيكون حلمها تكون عروسة وتفرح براسها ... وحتى هبة راها بنت بطبيعة الحال غادي اكون عندها نفس الاحلام
ESTÁS LEYENDO
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
