💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 126🌹
رابحة ناضت بحال الجاهلة تتحلف على بنتها لأن خوها العربي كان عندها أعز من بنتها ....مشات تتجري تبعاها لدار ...اليوم تقتلها ليوم تبعها على العربي.... دخلات لدار كيف شي اعصار .... وتتغوت بأحر ما في جهدها .
رابحة : فينك ابنت لحرام ....فينك ...ابنت ليهودي ....طلعتي لعائلة اباك مافيك خير اليوم نقتلك ونشرب دمك رزيتي في خويا.... رزيتيني في ظهري وسندي ....ادوي ابنت لحرام.
خرجات ليها فتيحة لفوق في دروج تتنقز وتتضحك ...
فتيحة : هههه شويت ليك كبدتك كما شويتي لية قلبي .... دوقي لمرار ارابحة ههههه دوقي اللي ذوقتني منين قتلتو لية حبيبي ...... ههههه دوقي مرارة خالتي جميلة امت هبة ههههههه حتى هي قتلتوها وقتلتو ولدها حتى هي غذرتوها كما غدرتو بحبيبي وانا تليوم غدرت العربي ..... ههههه ...انتوما قتالة .....مجرمين .....وحتى أنا طلعت بحالكم قتالة ههههه....قتلت العربي..... تربيتك امي رابحة.. لفعة بنت لفعة ... هههه تربيتك العوجة .....ههههه
رابحة غير شافت باللي دخلو كبار القبيلة وراها ودخلو الدرك الملكي باش القيو القبض على فتيحة واللي فعلا سمعو لكلام فتيحة .... بغات تسكت بنتها قبل ماتزيد تفضحها ...طلعات تتجري عندها ...
وشداتها من كتافها . تتمخد فيها...
رابحة : سكتي ابنت لحرام غادي تفضحينا .... سكتي غادي تسيفطينا للحبس سكتي ..
فتيحة تضحك : ماساكتاش ...ههه ماساكتاش ...ديما تتقولو لية سكتي ...اليوم ماغاديش نسكت ....انا اليوم ماشي فتيحة ...انا اليوم سميتي هبة .... انا هبة لقوية ...انا هبة اللي تتحداكم .... وانا هبة اللي ماتقدروش عليها ههههه
رابحة : سكتي قلت ليك سكتي
بدات تدي فيها وتجيب وتمخض فيها
فتيحة غوتات غوتة وحدة .
فتيحة : بعدي مني تنكرهك تفو عليك ....
دفعات فتيحة رابحة في دروج دفعة قوية وجات تتكركب تتكركب .... حتى وصلات للارض جا راسها في نفس المكان اللي جا فيه راس ام هبة جميلة .... الماضي يوعيد نفسه .... رابحة وهي تتعاني من سكرات الموت وحرها تعاود الماضي بسرعة قدامها وكأنه غير أمس وقع ....هاهي في نفس مكان من أحسنت إليها وجمعاتها من الزنقة والجوع .... هاهي في نفس مكان السيدة اللي غذراتها بعدما إتمناتها على دارها .... هاهي في نفس المكان اللي وقفات فيه تتشفا فيها وهي تتقاوم الموت..... قالتها هبة عمر الظالم ماخاصو انسى ماضيه اللي ظلم فيه الناس ... لأن الحساب شحال ماتأخر لازم مايكون .... ماشي خالق الناس من بين اسماءو الحسنى الحكم العدل والمنتقم...
هزات رابحة عينها في الدروج تتبان ليها جميلة لابسا توب بيض طالعة في دروج .... هلوسات الموت او حر الموت .... وكأن روح جميلة عاد ارتاحت منين كل مجرم نال جزاءو...
شعقات شهقة وحدة وفارقات الحياة مشات تتحاسب على كل كبيرة وصغيرة عملات في حياتها.
دخلو رجال الدرك الملكي لي رجعو فطريق فاش جاتهم اخبارية بلي حمقة قتلات خالها جاو وجاو في الوقت المناسب سمعو الحقيقة وحضرو لموت رابحة جابو نقل الاموات هزو لعربي ورابحة اللي ماغدي القاو اللي اتبعهم في جنازتهم بفعايلهم ....او ادعي ليهم بالرحمة ...لأنهم ماداروش خير اتفكرهم بيه الناس .... وهزو فتيحة دروها ف اسعاف تاع الحماق تكمل ماتبقا من حياتها في سبيطار الحماق وكانت هاذ هي نهاية الظالمين ....يقول الله تعالى: { وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ *[إبراهيم : 42
أنت تقرأ
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
