💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 150🌹
بدات نادية بالجرح ديال فخد هبة واول ماعرات عليه طلقات شهقة خلات هبة تخاف وتتوثر .
هبة متوثرة : دكتورة شنو واقع .
نادية تتخسر وجها باشمئزاز : واش عمرك شفتي جرحك.
هبة : لا مابغيتش نشوفو تنخاف من الجرح .
نادية : بصراحة ... هذا جرح كبير شوه ليك فخدك كامل (هاد الكلمة خلات هبة قلبها اتزير عليها)... بلاتي نشوف كرشك ..(عرات على كرشها وحيدات الفاصمة ) لالا هاذ الشي بزاف وخا عمل ليك لخياطة بالليزر لكن جسمك تشوه ... وهاذ الجروح الصغيرة اللي على جناب كرشك حتى هما خسرو ليك جسمك (تتكلم وتتخسر في وجها وهبة مصدومة من الكلام اللي تتقولو نادية اللي ماتشوفش في هبة تتحشي لهذرة وصافي) عرفتي شنو .... خاصك تعملي شي عملية تجميل وإلا نجحات ... سمحي لية ولكن انا صريحة جدا ..
شافت فيها ووجهات ليها ضربتها: بغيت نصحك وماديريهاش مني قلت الصواب ولكن انتي ذابا مزوجة الدكتور بلال ... و اللي ماعرفاش على بلال أنه تيعشق الجمال والكمال خصوصا في جسم المرأة .... واش شفتي شي صورة لمراتو كامليا ..... كانت اية من الجمال ...بصراحة كانت زوينة عليك ههه وحتى علية ولهاذ السبب بلال حبها لجمالها تنعتقد ولجسمها اللي كان بحال شي جسم ديال عارضة الازياء.... سمحي لية تنقول ليك هاذ الكلام ... لكن الصراحة راحة .... حاولي ماتخليش بلال اشوف هاذ الجروح تتلقاي ليها شي حل .... ولا والله تيعيفك ونفرم العمر كامل.
نادية تتهضر وهبة دموعها تينزلو بصمت ... لهاذ الدرجة جسمها تشوه ... علاش خباو عليها ... حولات تجلس وخا وجعاتها كرشها باش تشوف الجرحة اللي في فخدها وفعلا منظرها خلاها تفقد ماتبقى من الامل عندها .... كان لونها حمر طاغي على لون بشرتها البيضة فعلا وخا تبرا صعيب لحمها ارحع كما كان ... وبلال الا كان فعلا تيبغي الجمال .... اذا حبو ماشي صادق .... معناها ماتيشوفش الجوهر وروح الشخص الثاني ... وهاذ الشي اللي خلاه اتخذع في مراتو ... حيث عشق جمالها اللي طغا على روحها وماشافش طينتها الحقيقية ... هي ايمانها بالله قوي وماتيهمهاش اللي وقع ليها لكن خايفة من ردة فعل بلال .
نادية ياله بغات تزيد تكمل على مابداتو من كلام تيجرح ... حتى قاطها صوت بلال ... اللي مع الدورة مع تتشوف وجهو معصب تيخنزر فيها .. عينه لو كان فيهم الرصاص كو قتلوها ... لانه صدفة سمع لكلام اللي قالت هبة كامل وهاد الموضوع كان تيتسنا تتبرا عاد اتكلم هو مع هبة بطريقتو الخاصة لان الجرح مزال ملتهب ومنظر ديالو أكيد ماغاديش اعجب هبة بل غادي ارعبها كما رعبها دابا .
تم جاي جيهتها هي توثرات أما هبة جرات بسرعة الغطاء سترات جسمها . مابغاتش بلال اشوف عيوبها اللي شوهات جسمها ... كانت في الاول حشامنة اشوف جسمها لكن ذابا ولات خايفة من نظرة الاشمئزاز اللي غادي تشوفها في عيونو منين اشوف اثار جروحها والندبات اللي خلاو.
VOUS LISEZ
هروب ليلة الزفاف💍مكتملة💍
Roman d'amour💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
