هروب ليلة الزفاف💍مكتملة💍

💍الجزء 43💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 43🌹

البنت  طالع ليها الدم : اسمع اسيدي راك روانتينا بما فيه الكفاية وخرجتي لينا على خدمتنا.... شوف شحال من زبون طلع ليه الدم اليوم بسبابك محال واش اعاودو ارجعو ...  وزيدون هبة وحدة اللي عدنا راه شفتيها

بلال جبد فلوس من جيبو وعطاهم ليها وقال : هذا تعويض السهرة . دابا قولي لية اليوم جات عندكم بنت لابسة الحجاب وسميتها هبة تتقلب على دادا ميمونا.

طلقات البنت  ضحكة من اعماق قلبها: اه قول  تتسول على هذيك الخوافة ... البكاية غير سولات على دادا ميمونا ومالقاتهاش عطاتها لبكا....  بصراحة بقات فية ولكن باين على وجها النقا انا جريت عليها وقلت ليها تخوي من هنا.... كانت غادي تشوهني بالبكا .... وانا بغيت غير ندير فيها الخير ...  عرضت عليها زبالة لفلوس مقابل واحد الصفقة مع امير سعودي تيبغي لبنيتات  الصغيرات اللي باقي مسدودين .. لكن هي رفضات ...

بلال هنا استفزاتو هز يدو كان غادي اجمع معاها وهي ترجع بزربة اللور .

البنت : بلاما تعصب راه اصحابني غير بوحدها و ماعندها حد ... راه قالتها بفمها قالت الله اربي فين غادي نعطي الراس وانا ماعندي حاد ( بلال غير سمع هاذ الكلمة قلبو تزير عليه كملات البنت هضرتهاو) .... مايصحبنيش  عندها بوركابي بوقوص بحالك .... بصراحة تستاهل انت اللي تحيد الميكة ... وتكل الحلوة انت الاول ...

بلال مزال معصب قرب منها وحمر فيها عينيه مزيان وهو داغط على سنانو قال  : غادي تسدي فمك وتكلمي باحترام ولا غادي نصيفط فين ترباي هاذ الليلة .

البنت دخل معاها لحجر الصباط خافت لايكون في المخزن :  ها انت صافي بلاما تقلق ... المهم سولاتني على واحد السيدة دادا ميمونا  اه سميتها ... هذيك   السيدة اللي تتقلب عليها جات قبل منها بسيمانة وحتى هي مشات بحالها حيث مولات هاد الدار ماتت وانا شريت هاد الدار من ولادها.

بلال حس براسو لاول مرة تيتسرع فشي موضوع المفروض كان لازم انزل معاها واتأكد انها وصلات لهذفها.

بلال بدا القلق والوسواس تيلعب بعقلو : وذابا فين امشات

البنت : سول العساس كان معاها.

بلال : فين نلقاه؟
البنت  : غادي تلقا براكتو. في لخر ديال زنقة. والا لقيتيها غير رجعها منين جبتيها راه وجها ماشي ديال كازا وماشي ديال هاد لبلاصة ... هذا الا مالقيتي العساس دار فيها مابغا راه عينيه زايغين.

خرج بلال بحال الرعد غادي احماق  تيقلب على براكة العساس ... قبل مايتعدا عليها ... الا لقاه قرب ليها اقتلو ... واشرب من دمو ... لا هبة قوية ممكن تكون هربات منو ولكن فين غادي تكون مشات في هاذ المدينة لكبيرة ... تفكر ذهبها وفلوسها اللي هزاهم قال في خاطرو عندك اعملو فيها شي حاجة على قبل السرقة  . المهم بلال عقلو غادي اخرج ... تيقول لراسو الا وقع ليها شي حاجة مستحيل نسامح راسي ... غادي نكون انا السبب ... غير نلقاها عمري نسمح فيها تتنشوفها  بعيني وقفا في بر الأمان.