💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 92🌹
الحاجة : مامطلوب منك والو غير منين ايجي كريم ليوم في لعشية نزلي ... وخلي البقية علية و على بلال هههههه.
هبة : الحاجة هاذ الشي راه ماتيضحكش والله وهبطت اليوم حتى اسي بلال اقطع لية رجلي.
الحاجة : علاش اقطع ليك رجلك السيبة مالو اباك ولا خوك ولا راجلك غير وافقي ونواعدك انا غادي نصارح بلال في الاخير ونقول ليه باللي انتي ماكنتيش موافقة وانا طلبتك.
هبة تتفكر وراه فعلا راجلي الحاجة انتي ماعارفا والو .
تفكرت ايضا كلام بلال وردة فعلو وبلاما تشعر هزات يدها تتقيص الجرحة اللي في شلقومتها.
شافتها الحاجة.
الحاجة : اح مالك ابنتي هنا .
هبة حمارو ليها حنيكاتها : والو الحاجة غير تجرحت.
الحاجة : اجي ياكما مد عليك بلال يدو.
هبة في خاطرها هو مد غير يدو .. يدو وفمو غير الله اعمل شي تاويل الخير وصافي.
هبة : لالا الحاجة ... كان معصب ولكن ماقصنيش.
وقفات الحاجة ووقفات معاها هبة : اوا صافي منين غير غوت عليك الحمد لله اما كو ضربك والله تنهرس ليه هادوك اليدين ...(ابتسمت الحاجة وتمات تتستعد تخرج ). ونمشي انا ذابا ... ماتنسيش هداك الشي اللي وصيتك عليه.
تمات خارجة وهي تجي عينها على لمرايا المشققة.
الحاجة : مال هاذ لمرايا .
هبة : والو الحاجة غير قصتها بالكرسي .
شافت فيها الحاجة وقالت : مشكلتك ابنتي انتي وولدي ماتتعرفوش تكذبو.
تمات خارجة وهي تقول: اش غادي نقول الله اعملك ليك ولولدي شي تاويل الخير
خرجات وخلات هبة بين نارين ... نار بلال اللي تحلف عليها..... ونار الحاجة اللي جات لحتى لبيتها تطلبها تلعب معاها هاذ الدور....
هبة : ياربي اعمل لي شي حل راه هربت من المشاكل ديال زواج لقيتهم هنا .... يا ربي راه مابقيت قادا على مشاكل .... وخصوصا مع اسي بلال ... مابغيتش نتعايب انا وياه وهو خيرو سابق وكبير مثقل لي كتافي.
دوزات هبا هذاك الصباح غير بزز ... لدرجة ماقدراتش لا تقري ملاك لاتخرج من بيتها ... ومرة مرة تدخل لحمام من الخلعة...قالت في خاطرها ضروري تشوف بلال باش تقنعو اشرح للحاجة بأن هاذ الخطوبة ماخصهاش تكون.... هو اشرح ليها بطريقتو عارف امو مزيان وعارف كيفاش اقنعها بلاما اجبد موضوع زواجهم.... لكن فين هو بلال من خرج البارح مازال ماجاش.
وهي جالسة تتفكر سمعات صوت السيارة مشات تتجري جيهت الشرجم .
تتبان ليها سيارة ليلى .
هبة ضربات حناكها وقالت : صافي كمالت هذي اش جابها اليوم ... حنا كنا خايفين من لوقيد صدق ليسانس جا حتى هو. ياربي لطفك ياربي عمل لية شي تاويل الخير.
بقات غذا جايا في هذاك البيت ومرة مرة تمشي طل في السرجم .
ملاك كانت حداها تترسم : هبة .... والله تادوختيني سير اجي سير اجي..
هبة : عافك املاك غير رسمي وماتديش علية وماتديهاش فية ... وبلاما تسوليني.
وهي تتهضر معاها حتى سمعات صوت سيارة طلات لقات هاذ المرة بلال اللي جا .... ماعرفت واش تفرح ولا تبكي ... غير شافتو من ملامح وجهو باين مقندش ... ياربي السلامة هذا كيفاش غادي تشرح ليه او تفهمو...
نص ساعة على وصولو وهي تتقول نزل ولا لا مترددة ومتخوفة.
YOU ARE READING
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
